ابنى والمدرس
ابني بيقولي ان المدرس بياخده ورا حوش المدرسه وبيعمل معاه
كامله
بقلم هويدا زغلول
قبل ما احكي ليكم حكايتي اعرفكم بنفسي انا اسمي اميره وعندي خمسه وتلاتين سنه اتجوزت وانا عندي اتنين وعشرين سنه وبعد كام سنه من جوازي خلفت سيف ابني اللي عنده دلوقتي تسع سنين
وفي يوم كنت قاااعده في شقتي وحماتي كانت مقضيه اليوم كله عندي وقالت لي
الحما
هو انتي يا حبيبتي طول اليوم هتفضلي قااعده كده مش في غدا هتعمليه ولا جوزك وابنك دول اللي هيجو كمان شويه هياكلو ايه ان شاء الله يعني
اميره
انا مجهزه كل حاجه من امبارح بالليل يا طنط ما فيش بس غير اني هسخنها وخلاص
الحما
اممم وهما يا حبة عيني كل يوم هياكلو اكل بايت وانا اقول الواد وابنه مش باين عليهم الاكل ليه اتاريهم بياكلوا الاكل البايت
اميره
الله هو في ايه يا طنط بقولك ايه لو سمحتي في نظام انا عملاه للبيت ده ومش بحب اي حد يلخبطه ليا
الحما
وده بيت ابني النظااام ده يمشي لما ما ابقاااش انا موجوده وقامت دخلت المطبخ وجاابت الاكل
اميره
انتي واخده الاكل ورايحه فين يا طنط بس
الحما
هنزله للبواب ومراته وانتي تقومي زي الشطاره تعملي اكل طازه لابني وحفيدي قال عامله الاكل من بالليل وهتسخنه ده الاكل البايت ده لا بيبقاله لون ولا طعم وا ريحه يلا قومي اعملي لك همه واسمعي الكلام يلا ياحبيبتي اتحركي
قالت كلامها ونزلت وانا كلمت جوزي في الموبيل وقولت له
اميره
ايوه يا عمر انت تيجي تشوف ليك صرفه في امك انا بجد تعبت من تصرفاتها دي وتدخلها في حياتي مش معقول اللي هي بتعمله ده
عمر
هو في ايه تاني يا اميره هو انتي كل ما تيجي ماما عندنا تفضلي تعملي الشويتين بتوعك دول حرام عليكي يا شيخه ده انتي بكره هتبقي حما ترضي ان حد يعمل فيكي كده برضو
اميره
والله كل ده يا عمر بتقوله ليا عشان لسه بشتكي لك منها حتي من غير ما تعرف في ايه
بس انا هقول ايه يعني ما انت ابن امك وعلي فكره بقي انا مش هقولك هي عملت ايه ابقي تعالي يا حبيبي واسألها وانا في بيت اهلي
عمر
عايزه تروحي لاهلك يبقي لوحدك تسيبي ابني يا اميره واياكي تزعلي امي قفلت في وشه وقولت
اميره
داهيه تاخدك انت وامك في ساعه واحده واخدت هدومي وماشيه لقيت حماتي طالعه في وشي
الحما
علي فين يا حبيبتي هو انا كل ما اتكلم معاكي علي مصلحتك تتقمصي وعايزة تاخدي بعضك وتمشي
اميره
بقولك ايه انا سيبالك البيت باللي فيه اهو اعملي ليهم انتي يا حبيبتي اكل طازه وخدي بالك كويس من ابنك وحفيدك وسيبتها ونزلت وهي قالت لنفسها
الحما
شوف البت البجحه قال عايزاني انا اقف اطبخ هو انا كنت لازم اودي الاكل بجد للبواب ومراته بس لا انا مش هطبخ انا هطلب اكل جاهز من بره وبعد شويه رجع ابني من المدرسه وفتحت له حماتي الباب
الحما
ايه رئيك في المفجأه الحلو دي
بصلها هو بدموع وقال
حلوه يا تيته هي ماما فين انا عايزها ضروري حالا دلوقتي
الحما
امك زعلت مني وسابت البيت ومشيت يا حبيبي هو انت مالك كده
سيف
ليه مشيت بس من غير ما تاخدني معاها
الحما بخبث
قولت لها تاخدك معاها قالت لي لا ده متعب وانا مش ناقصه دوشه ومشيت علطول
سيف
ليه كده والله انا بسمع كلامها وبقول حاضر وبس
الحما
امك دي مالهاش في تحمل المسؤليه انت يا حبيبي ما فيش حد بيحبك قد بابا وتيته روح بقي غير هدومك لحد ما الاكل اللي
طلبااه
