الناس كلها بتورث أراضي وعقارات
لازم ارجع البيت اشوف جدتي وافهم هو ليه بيحصل كده..
رجعت البيت ودخلت اوضتي على طول مش مهتمة بزعيق امي لأني صرفت كل الفلوس ال معانا على شوية بضاعة للمطعم.
مسكت عروسة جدتي من الدرج وقولتلها ليه ليه بعد ما خلتيني اتعشم في المحل والشغل واصرف كل فلوسي افشل وتعملي كده في الزباين انتي عايزة إيه طيب مني!.
فجأة صوت السماعة بتاعت الصب اشتغلت وخرج منها صوت ست عجوزة وقالتلي الكباريه..هههه.. اغاني فرفشيهم
الصوت انتهى وفصل..
خرجت من اوضتي بتكعبل من كتر الخۏف الموضوع بدأ يتطور بزيادة لدرجة أنها بتكلمني بصوتها!.
لكن بردو مفهمتش تيتا عايزة إيه.. يمكن مش راضية عن فكرة الكافيه والسندوتشات!
قولت أنا لازم اتصرف واستخدم المكان في أي حاجة.. وروحت عند خطاط خليته عملي يافطة قماش بالطول مكتوب عليها هنا ركن هادئ لكل قارئ..
وتاني يوم حطيتها قدام الكباريه وقعدت مع يحي ندعي زباين تدخل وبالفعل المرادي نجحنا عن كل مرة.
دخلوا خمس بنات ومعاهم تلت شباب في أيديهم كتب كتير تقريبا زمايل جامعة وقعدوا بعد ما رحبت بيهم وعرفتهم أن اختيارهم للمكان هنا مناسب جدا لاجواء هادية يقدروا يشتغلوا ويذاكروا فيها.
ومجرد ما بدأ كل واحد فيهم يشتغل فجأة اشتغل مهرجان واغاني شعبية بصوت عالي مش عارفة حتى جاي منين في المكان!..
فضلت اعتذرلهم واجري أنا ويحي ندور على مكان الصب علشان نقفله لكن مش موجود! كأن الصوت جاي من الهوا وملوش مكان اقدر اتحكم منه.
وكالعادة الزباين طفشوا!!
رجعت البيت المرادي مڼهارة ودخلت اوضتي وانا پصرخ في عروسة جدتي وبقولها حرام عليكي عايزة مني ايه ليه بتعملي كده أنا ضيعت كل فلوسي ليه .. ليه.
دخلت أمي حاولت تهديني لما شافتني في حالة إنهيار لكن مقدرتش اتحمل وقولتلها قوليلي يا ماما ليه تيتا بتعمل كده.. هي ال جددتلي المكان وهي ال شجعتني افتحه من جديد.. طب ليه متعمدة تخسرني ليه.
لقيت ماما بتمسك العروسة من أيدي وبترميها على الأرض كسرتها وقالتلي فوقي بقا شوية يا خديجة.. دي مش تيتا.. ستك ماكنتش ساحرة يا خديجة اصلا دي لعبة عملناها عليكي علشان متستعريش من اصلك لما تعرفي أن جدتك كانت رقاصة وابوكي رفض يفتح المكان ده طول عمره لأنها ماټت محروقة فيه هي وكل ال كانوا موجودين وقتها في الكباريه
سألتها پخوف بعد ما افتكرت صوت الست العجوزة ال كلمتني امبارح طب.. طب ومين سيدة السحرة.. مش جدتي.
حضنتني ماما وقالتلي يا حببتي سيدة السحرة دي أسطورة موجودة في كتاب تل حوين ابوكي الله يرحمه كان غاوي كتب ولما لقى العروسة اللعبة دي في مكان انتيكات حب يقول إنها جدتك ويحسسك أنه من عيلة كبيرة تتشرفي بيها.
دلوقتي فهمت كل حاجة.
تيتا كانت بترجعلي كل يوم ازايز علشان مصممة الكباريه يشتغل زي ماهو.
ولما غيرت فكرته مقبلتش ال بعمله وعلشان كده نصحتني بالاغاني وقالتلي .. الكباريه.. اغاني.. فرفشيهم.. تيتا مصممة اكمل مسيرتها في الغلط وإلا هتقطع عيشي.
والحقيقة مش تيتا بس ال بتتبع النظام ده.
هتتحط كتير في مواقف لو مشيت بما يرضي الله هيتقال عنك اسوء الكلام ولو كملت معاهم في الغلط هتكون في مكانة مميزة وعالية بالنسبالهم.
ولأن دايما سكك الحړام أسرع وأسهل انا اخترت الأصعب ال هيخليني في يوم من الايام فخورة بنفسي وأنا بحكي لاحفادي قد إيه كنت قوية قصاد فخاخ الدنيا وربنا قواني.
رجعت ل يحي وقولتله يحي
أنا هقفل المحل.. تشغلني في المحل بتاعك ..
ضحك وقالي موافق طبعا بس ينفع اشغلك في البيت كمان!.
برقت عيني
واټصدمت من كلامه وقولتله حتى أنت كمان زي تيتا.. كلكوا نسخ منحرفة كده.
اټصدم من كلامي وقالي بت انتي فهمتي ايه أنا أقصد اتجوزك دي دماغك هي المنحرفة.
تمت……
