“جلطة في مركز النوم: مريض يدخل في نوم أبدي دون غيبوبة”

(روح يا شيخ إلهي تنام ما تقوم!!)

أمس في العناية المركزة وقت مرور الاستشاري، دخل علينا عيان ٦٠ سنة نايم خالص. بنسأل الأهل إيه حصله؟ قالولنا إنه قام صلى الفجر ومن بعدها وقع ما قامش.

نفحص العيان نلاقيه كويس بس هو نايم وبيشخر عادي؟ نعمل تحاليل شاملة تطلع كلها كويسة. شكينا إنه ممكن يكون نزيف أو جلطة خصوصًا إنه ضغطه كان عالي شوية.

عملنا له CT Brain أشعة مقطعية على المخ، وتفاجأنا إن الأشعة سليمة، بس برضو العيان نايم ومش بيفوق.

نبعت نعمل تحاليل سموم باعتبار ممكن يكون أخذ دواء أو شرب حاجة. التحاليل كلها كويسة ومفيهاش حاجة!!

في الآخر السينيور بتاعنا د/ عمر جابر، واستشاري العناية د/ أحمد العربي، قرروا يعملوا MRI (رنين مغناطيسي).

وهنا كانت المفاجأة، العيان عنده hypothalamic infarction، جزء في المخ ميت،

ويصادف أن الجزء اللي ميت في sleeping center مراكز النوم.

وده معناه إن العيان ده هيفضل نايم طول عمره مش هيصحى، ودي حالة نادرة جدًا.

فسبحان الله العظيم ..