قصة ب 100 راجل ل حماده هيكل
كاملة
جوزي ماټ واترملت على بنت وحيده عمرها 12 سنه
بقيت ليها الأم والأب جوزي فات لنا دار تسترنا
مع قيراطين و جوز بهايم عايشين من وراهم وحامدين
ربنا على كرمه صبرت واحتسبت وقررت اعيش لبنتي
ورفضت اتجوز وبقيت بشتغل كل يوم في الأرض
وأكل البهمتين منهم لكن البت تعبت في يوم وجالها مغص شديد جريت بيها ع المستوصف الحكيم قالي دي حالة زايدة ولازمها عملية بسرعه والا ھتنفجر وټموت
وتكلفة العملية ألف جنيه واني مش معايا
مكنش قدامي حل غير اني استلف من المعلم
راشد جاري في الارض روحتله وطلبت منه الفلوس
قالي موافق بس بشرط تبيع لي القيراطين بتوعك
لانهم جنب أرضي والجار أولى بالشفعه
ايوه بس دول قوتي وقوت بنتي واحنا عايشين من وراهم
خلاص ملكيش فلوس عندي وشوفي مين من أهل
البلد الفقرا يسلفك خليكي معاندة كدا لغاية
ما البت ټموت منك وخلي الأرض ساعتها تنفعك
وافقت ڠصب عني ابيع له قيراط من القيراطين
وبعدها جريت ع الحكيم وعملت العملية
والحمدلله بنتي بقت كويسه صممت انها تكمل
علامها زي ما وصاني ابوها الله يرحمه لغاية ما دخلت
الثانوي وللأسف فلوس القيراط كانت خلصت
والقيراط اللي فاضل مبقاش يكفي
حد ابن حلال اقترح عليا ازرع نصه برسيم
ونصه فجل وجرجير وانزل ابيعهم كل كام يوم
في السوق لقيت أن دا انسب حل واهو حاجه تساعد
في مصاريف مدرسة نورا بنتي
اشتريت عربية كر وحمار وبدأت اشتغل وربنا ييرزق
في يوم كنت في الدار قاعده ولقيت نورا راجعه معيطه
سألتها مالك
قالت لي عوض ابن المعلم راشد اعترض طريقي
تاااني !! هو احنا مش هنخلص من الراجل الظالم دا
وابنه حسبنا الله ونعم الوكيل
روحت اشتكي لأبوه عمل ودن من طين وودن من عجين
وقالي ما قولتلك خلاص حقك عليا
عايزاني اشنقلك الواد عشان ترتاحي
انا عايزاه يبعد عن طريق بنتي وكفاية لحد كدا
ولا هو عشان احنا ولايا وممعناش راجل يحمينا
انا بقول انتي تبيع القيراط اللي حياتك دا
وانا هخليه يحل عنها ويسبها في حالها
قولت لأ ونعيش منين
ربنا موجود انتي هتكفري يا ام نورا
ربنا !! وهو انتوا تعرفوا ربنا مش مكفيك كل الأفدنه
والجناين اللي عندك وباصص لي في حتة القيراط
اللي فاضل يا شيخ روح ربنا ع الظالم
طب يلا بقى خدي بنتك ومن غير مطرود
ومتعتبيش نواحي دارنا هنا تاني
بس انا هخرج من الجنة ولا انا جايه اضايف
اني جايه احذرك تبعد ابنك عن بنتي
ودي اخر مرة احذرك فيها
سبته ومشيت وهو بيضحك عليا وبيقول ولية خرفانه
للأسف عوض مرتجعش عن أفعاله
وفي نوبة أستغل اني في السوق
وراح خبط
ع البت
