رواية النصيب

قدرت أرجع فيهم حقي وأثبت إن كل الكلام اللي اتقال عني كان ظلم وافتراء.
الشغل الجديد كان بسيط لكن بكرامة.
وبابا
ولا حتى سأل.
وفي يوم لقيت رقم غريب بيتصل بيا.
ألو
إزيك يا أميرة
ياسر
أيوه أنا سمعت كل حاجة وشوفت اللي حصل.
إنتي بقيتي بطلة على السوشيال ميديا!
كله بيتكلم عنك وعن شجاعتك وإنك خدت حقك وقفت قدام اللي أذاكي وسكتي كل حد ظلمك.
أنا أنا جيت أطلب إننا نرجع.
ضحكت بسخرية
تؤ تؤ تؤ إزاي ترجع لواحدة انت كنت أول واحد شك فيها وسابها!
لواحدة اتأذت وإنت كان كل همك صورتك قدام الناس!
أميرة حاولي تفهميني
لأ إنت اللي لازم تفهم!
أنا اللي كنت محتاجاك وانت أول واحد مشيت وخليتني أواجه كل حاجة لوحدي.
أنا اللي اتكسر قلبي مش بس من اللي حصل لكن من اللي سابني وقت المحنة.
بس أنا كنت خايف
عادي الراجل بيخاف بس ما يهربش.
مايسبش اللي بيحبها لوحدها.
طب كنت هعمل إيه لو ده حصل بعد الجواز
كنت هتسيبني برضه!
عارف ليه لأنك مش بني آدم يتحمل ولا راجل يتسند عليه.
أميرة
يلا امشي.
خرج ياسر وقلبي أخيرا ارتاح.
دخل يزن بعدها بلحظات وشافني متوترة.
وشك أحمر
من العصبية بس.
ارتحتي
ارتحت لإنك كنت سندي.
كملت أميرة بقوة
يزن أنا عارفة إني مش سهلة بس وجودك فرق.
أنا اتعودت آخد رأيك في كل حاجة وبقيت مش ببص غير قدامي.
لو مكنتش وقفت جمبي يمكن كنت وقعت.
أنت ماوقعتيش يا أميرة
أنت وقفت لوحدك وده أكبر دليل إنك قوية بجد.
يزن
نعم
لو واحدة عدت بنفس اللي أنا عديت بيه وطلبت تتجوزك هتقبل
هو في حد زيك!
أنا أتجوزك وأقول دي بنت بمليون راجل!
ضحكت وهي بتحس لأول مرة من شهور إن قلبها دافي.
طيب نشرب قصب
نرمي كل حاجة ورا ضهرنا ونشرب قصب!
يتبع…
عدى أسبوع وكل يوم بيعدي كنت بحس إني باتشافى.
مش تعافي كامل بس كنت بحاول.
وفي يوم دخل يزن عليا وأنا قاعدة في العيادة الجديدة اللي اشتغلت فيها.
أميرة
أيوه
أنا بفكر تروحي لأبوك تشوفيه.
أشوفه بعد كل اللي عمله بعد ما اتخلى عني وقت ما كنت محتاجاله!
أنا مش بدافع عنه بس في الآخر هو أبوكي.
وأنا قلبي لسه مش قادر يسامح.
مش لازم تسامحي بس على الأقل تطمني عليه.
طيب تيجي معايا
أخاف أسيبك تعملي مصيبة لوحدك بصراحة.
ضحكت وأنا ببصله
وجودك لوحده بيطمنني.
وصلنا للبيت
وقفت قدامه قلبي بيدق بسرعة.
يزن شجعني
خدي نفس أنا جمبك.
خبطت الباب
فتح بابا وبصلي باستغراب.
إنت إيه اللي جابك هنا
مش كنتي سبتينا ومشيتي
جايه دلوقتي ليه!
سكت وبعدين قلتله بهدوء
كنت مستنية إنك تسأل عني
كنت مستنية تشوف الأخبار اللي الناس كلها عرفت إنها ظلمتني وتأخد خطوة.
أنا من الأول وأنا عارف إني ظلمتك بس كنت خايف كلام الناس يزيد وتتعبي أكتر.
طب تحب تعرف أنا تعبت قد إيه
أربع شهور بين مستشفيات ونوبات هلع وأدوية منومة
كنت بنام بالعافية وبصحى على كوابيس.
ومع ذلك كنت لوحدي لا صوت بيطمني ولا حضن بيحضني.
كنت لوحدي يا بابا.
بابا دمعت عينه وقال وهو بيبص في الأرض
أنا آسف يا بنتي
فاكرة يوم ما طلبت منك تسامحيني بعد اللي حصل ورفضتي
هتعملي زيي وتمشي
لسه قلبي مش قادر يحن
بس كل اللي أقدر أعمله إني أطمن عليك.
ممكن تقعدي معايا
مش دلوقتي
أنا لسه مش قادرة أقعد.
بس هسأل عليك كل فترة لحد ما قلبي يتصلح.
بصيت له وسبته وقلبي أخف شوية.
وأنا خارجة سمعت صوت بينده عليا بإسمي
بس المرة دي كان صوت مليان ندم
كان صوت حقيقي مش اللي سمعته أول مرة.
خرجت من البيت لقيت يزن واقف قدامي مدي لي إيده.
ها
ها إيه
نرمي كل اللي فات ورا ضهرنا ونكمل
نكمل
آه نبدأ من جديد.
طب لو جالك عروسة عدت بنفس اللي أنا عديت بيه هتتجوزها
لو كانت زيك أتجوزها وإيديا فوق راسي!
أنت بنت قوية حنينة صبورة
وبمليون راجل.
ضحكت وبصيت له
بس أنا لسه بخاف
وأنا موجود علشان أطمنك.
مش لازم نبدأ دلوقتي
استني على نفسك ولما تحسي إنك مستعدة هتلاقيني مستنيك.
مستني إيه
مستني نصيبي
اللي هو إنتي يا أميرة.
طب إيه رأيك
نرمي كل حاجة ونروح نشرب قصب
أنا هرمي أي حاجة مادام إنتي جنبي.
يلا نشرب قصب.
مشينا سوا
والدنيا كانت مغيمة شوية بس جوايا كانت الشمس طالعة.
كل حاجة بتبدأ من جديد لما يكون في دعم حقيقي.
أنا مش بس أخدت حقي
أنا كمان رجعت نفسي.
وفي الوقت اللي الكل شك فيا
كان في واحد بس شافني بعيون فيها عدالة ورحمة وقلب.
يمكن الجرح يفضل
لكن الحب الحقيقي هو اللي يداوي.
ويمكن النصيب يتأخر
بس عمره ما بيضيع.
تمت.