عايشة مع حماتي
عايشة مع حماتي
انا عايشة مع حماتي في نفس الشقة واخو جوزي متجوز قريب مننا شارعين بيجي كل يوم يفطر عندنا ويرجع من شغله يتغدا ويريح شوية وبعد العشاء يروح لمراته انا جوزي مسافر وبيجي اجازات الشقة ٣ اوض منهم أوضة حماتي وهي اللي فيها المكيف هو طبعا بينام فيها لما يرجع من الشغل وانا وعيالي بنقعد في الأوضة التانية حر جدا وخاصة معايا طفلة رضيعة ولما ببعت العيال ينامو في الأوضة دي عمهم بيمشيهم ده غير اني اغلب الوقت مش واخدة راحتي في بيتي وقاعدة اغلب الوقت
بالحجاب ولما كلمت جوزي يجبلنا مكيف وافق بس حماتي حلفت ما يدخل البيت خاېفة علي فاتورة الكهربا مع ان جوزي اللي بيدفعهم بس هو مطيع لأمه ومش بيرفضلها طلب وده شئ مش مضايقني بس مش علي حساب عياله احنا لينا حق برضو وآخر موقف جاب مراته قعدت معانا حوالي ١٥ يوم في رمضان حرفيا كدة مبتعملش غير انها تغسل ايديها وتاكل بس وحماتي زيها بس انا بقول ست كبيرة انا اخدمها عادي فمرة البنت پتبكي معايا فقلتلها ممكن تغسلي المواعين قالتلي مش ممكن وسابتني ودخلت الأوضة ولما جوزها رجع طبعا اشتكتله والله اعلم قالتله ايه قعد يزعقلي ويقولي انتي بجحة وانا مراتي هانم اللي زيك يخدموها قولت لجوزي مجبليش حقي لانه طيب جدا ومش بتاع مشاكل ودلوقتي من أيام العيد قاعدين معانا برضو مش عارفة اعمل إيه واتصرف مع الأشكال دي إزاي حسبي الله ونعم الوكيل
