رواية النصيب

أنا آسف يا عمي… بس مش هقدر أكمل مع بنت حضرتك.
آسف! طب والفرح اللي بعد أسبوع
فرح إيه يا عمي! أنا آسف بس بصراحة مش هينفع أكمل مع واحدة أخلاقها بالشكل ده.
بالله عليك يا ابني اتجوزها حتى شهرين وطلقها بعد كده لو ما ارتحتش بس ما تفضحناش!
ولا حتى ساعة واحدة! أنا آسف بس اللي حصل خلى بنت حضرتك تبقى في نظر الناس… أي حد ممكن يصدق عنها أي حاجة!
يا ياسر… يا ابني اسمعني…
أنا خلاص قررت وحمدت ربنا إننا ما كتبناش الكتاب… عن إذنكم.
كان نفسي ما أسمعش الحوار ده… كان نفسي أكون مش موجودة أصلا أو على الأقل ما أسمعش الكلام اللي هدم حياتي في لحظة.
كنت نايمة على سريري أو بعمل نفسي نايمة بس دموعي نازلة وعيني وجعاني من كتر البكا.
سمعت خطوات بابا بيقرب مني وأنا قلبي بيضرب… مش قادرة أواجهه.
افتحي عينك يا أميرة… أنا عارف إنك صاحي.
بابا… أنا آسفة.
آسفة على إيه بالظبط!
آسفة على إنك خليتي راسي تتحط في الطين
ولا آسفة على خطيبك اللي مشي وسابنا
ولا على الفرحاللي اتلغي في آخر لحظة
ولا على سمعتك اللي بقيت الناس كلها تتكلم عنها!
آسفة على كله… والله آسفة أنا مش بإيديا.
عارفة لو أمك كانت لسه عايشة كانت عملت إيه كانت ممكن ما تسامحكيش طول العمر!
أنا عارفة… عارفة إني جرحتكم بس أنا والله اتظلمت يا بابا.
ظلمتي نفسك قبل ما تظلمينا!
اللي حصل ده كارثة وحياتنا كلها اتقلبت.
بس أنا محتاجة آخد حقي… أنا ناوية أرفع قضية وأثبت براءتي.
براءتك!
ومين قالك إنك هتقدري ترفعي قضية وتخلينا على كل لسان!
رجوع حقك مش هيصلح حاجة ده ممكن يكبر الموضوع أكتر ويفتح كلام مالوش آخر.
بس يا بابا… أنا ما عملتش حاجة غلط وأنا اللي اتأذيت.
وأنا قلت غير كده! بس الناس مش هتشوف كده… الناس بتحب تتكلم وأنت عارفة قد إيه المجتمع قاسي مع البنت حتى لو كانت ضحية.
أنا رفضت أعمل محضر أو أتكلم علشان أستر عليك… ما كنتش متخيل إنك هتفتحي الموضوع تاني.
وقف وسابني وخرج وأنا ببص على مكانه وقلبي بيتقطع.
مش مصدقة إن بابا اللي كنت طول عمري شايفاه مصدر الأمان هو كمان اتخلى عني.
آه يا ياسر… ويا خسارة على حبك اللي كنت فاكراه سند!
كان باقي أسبوع على فرحي…
أسبوع!
من عروسة نازلة تعمل بروفة فستان لبنت مرمية في المستشفى خطيبها سابها وأبوها باعها…
كل ده حصل في ساعة واحدة!
قصة من الواقع فعلا قصة بتلخص قضايا مجتمعية بتواجهها بنات كتير وبتطرح سؤال مهم
فين العدالة الاجتماعية لما البنت تتأذي وتلاقي نفسها بتتحاسب بدل ما تتساند!
يتبع…
عدى يوم ورا يوم وأنا لسه مرمية في سريري مش قادرة أستوعب اللي حصل.
ببص للسقف وبدموعي بسأل نفسي
ليه كل ده حصل
وليه لما البنت بتتأذي… بدل ما تلاقي اللي يقف في ضهرها تلاقي الكل بيلومها
سمعت خبط خفيف على باب أوضتي في المستشفى.
ممكن أدخل
رفعت عيني بسرعة
يزن!!
آسف جيت فجأة كده بس الشغل كله بيتكلم عنك بعد ما ياسر نشر كل حاجة.
هو لحق!
للأسف… بس أنا مصدقك يا أميرة ومصدق إنك اتظلمتي.
وعشان كده جيت النهارده لو ناوية تتحركي قانونيا أنا معاك ومستعد أوقف جنبك للنهاية.
بس خلاص معدش فيه قضية بابا رفض وقفل الموضوع كله.
يعني إنتي موافقة تسيبي حقك يضيع!
مش بمزاجي يا يزن أنا حاولت بس اللي المفروض يسندني هو أول واحد تخلى عني.
بصيت له ولساني مش قادر يكمل
دموعي نزلت من غير استئذان.
أميرة لو مشيت من هنا دلوقتي تبقي فعلا ظلمتي نفسك.
أنا… أنا خلاص مش قادرة.
لا تقدري.
أنا عرفتك من أيام الجامعة عارفة قد إيه إنت قوية وقد إيه وقفت جنب ناس كتير وجت اللحظة اللي تستحقي فيها حد يقف جنبك.
سكت شوية وبعدين كمل بهدوء
أنا معاك ومش هسيبك.
بعدها بكام يوم رجعت على البيت لكن ما قدرتش أكمل فيه أكتر من ساعة.
كل كلمة من بابا كانت زي خنجر في قلبي.
شغل إيه مش هتنزلي تاني من البيت.
بس يا بابا شغلي هو اللي هيأكد للناس إني مظلومة.
والمجتمع هيقتنع بإيه!
هو الناس بتسأل مين الصح ومين الغلط!
الناس بتحكم من بعيد وبتشاور وتتكلم وتنسى إن ربنا هو اللي بيحاسب.
بس أنا مش لعبة في إيد أي حد.
أنا إنسانة ليا كرامة وحق وانت أبويا المفروض تبقى أول واحد يحميني.
إحنا قفلنا على الموضوع وسيبيه يعدي.
يعدي إزاي!
بلاش فضايح أكتر كفاية اللي حصل.
سكت وسابني وخرج وأنا قلبي بينهار.
قررت أسيب البيت مش علشان هربانة لكن علشان أقدر أواجه الدنيا من غير قيود.
مشيت في الشارع من غير هدف من غير وجهة لحد ما لقيت نفسي بتتصل بيزن.
يزن
أميرة!
محتاجة أتكلم معاك شوية.
طبعا أنا أساسا بدور عليكي بقالنا يومين تليفونك كان مقفول.
قابلته في كافيه هادي وأنا ما بين الخوف والتعب.
أنا قررت أرجع الشغل.
أميرة المدير رفض وجاب حد غيرك.
يعني خلاص الكل حكم عليا
محدش له حق يحكم عليكي. بس الحقيقة إن الناس بتحب تمشي ورا الروايات اللي فيها شوشرة مش دايما الحق.
أنا عايزة أشتغل ومش عايزة أرجع البيت ومحتاجة شقة أقعد فيها.
ووالدك
يزن بعد اللي عمله معايا أنا مش شايفة إنه يستحق لقب أب.
ومن هنا بدأت مرحلة جديدة.
يزن فضل يدور لي على شقة وشغل وساعدني أوكل محامي يرفع قضية.
والمفاجأة
أنا كنت صورت رقم التاكسي اللي حصلت فيه الواقعة عادة عندي بس أنقذتني.
وبالفعل قدرنا نوصل للمجرم ونرفع قضية وبدأت العدالة تتحرك.
عدى 4 شهور…
أربعة شهور