بعد زواج دام ست سنوات ذهبت لتجدد البطاقة فوجدت انها مطلقة
الدراسي بعد انتهاء الامتحانات
قرر وقتها رشيد الموافقه مرغما وأن يتحمل ذلك الوضع حتى يأتى بكوثر ووقتها كل شئ سيحل
فى اليوم التالى فى منزل كوثر حضر عبد العزيز ومعه طبق من الحلوى الشرقيه و هديه لمالك
استقبلته والده كوثر وجلس فى الصالون وبعدها دخلت غرفه كوثر ووجدتها واقفه ومتوتره
مالك يا كوثر فى ايه متوتره كده ليه هو انتى أول مره تتكلمى معاه مش انتوا فى بينكم شغل
دى اول مره اتكلم فى موضوع ارتباط معاه يا ماما
طيب اخرجى عشان احنا طولنا هنا والراجل باين عليه إنه محترم وابن ناس يلا تعالى ورايا
خرجت كوثر ووجدت ابنها يلعب معه بالهديه التى احضرها عبد العزيز وكان سعيدا جدا معه فرشيد لم يلعب معه من قبل فقط هو اب بالاسم فقط ذلك المشهد الذى رأته عند دخولها المجلس جعلها تعيد تفكيرها قبل أن ترفض فابنها يستحق اب يرشده خاصه فى أشياء خاصه بالمراهقه فهى لم يكون لها اخوه حتى تكتسب منهم خبره
دخلت المجلس والقت السلام وجلست فى مكان بعيد نوعا ما وبعدها اخذت والدتها ابنها حت تعطيهم مساحة للحديث بحريه زلكنها تركت الباب مفتوح وجلست بالقرب من الباب وابنها اصبح يلعب على باب تلك الغرفه باللعبه الجديده
مكنش ليه لزوم يا مستر لتعب حضرتك
دى حاجة بسيطة جدا وبعدين مالك ما شاء الله عشرى اوى يدخل القلب على طول وهادى
هو فعلا هادى يمكن عشان انا بس اللى قدامه اغلب الوقت
ممكن فعلا يكون خد الهدوء منك انا بنتى ما شاء الله عليها لو قاعدت عشر دقايق من غير كلام بنكشف عليها
ربنا يخليهالك هى عايشه معاك
لا مع مامتها إحنا لما اتطقلنا اتفقنا هى تبقى معاها الحضانه لأن البنت بتحتاج أم اكتر عكس الولد
ليه مفكرتش ترجع لطليقتك
بصى إحنا قبل ما نتطلق ادينا نفسنا فرص كتير جدا حاولنا بيها نحافظ
على البيت قبل الطلاق لكن للأسف معرفناش فقررنا ننفصل بهدوء واتفقنا على كل حاجه وفعلا نفذنا اتفقنا ده
طيب ايه سبب الطلاق
بصى انا مش هقولك انها وحشه وانا ملاك لا خالص بالعكس
كل الحكايه انها متفتحه شويه فى اللبس فى العلاقات وانا مش بحب ده ومش معنى أنها متفتحه انها بتتجاوز لا سمح الله وقتها مكنتش هسيب بنتى معاها بس هى بتحب الشغل جدا رغم إن شغلها بيكون فى اوقات متاخره وده للاسف طبيعه عملها بتلبس بطريقة معينه انا مش حاببها هى مش متبرجه بس انا بحب الالتزام وهى رافضه تلبس الحجاب وحاجات من النوع ده كتير
اهلنا اتدخلوا اكتر من مره للصلح بس البعد بنا عمل جفاء فى المشاعر صعب انها ترجع تانى
طيب لو هى اتجوزت تانى هتتأثر
زى ما هى عايزه انا ماعنديش مشكله بس وقتها هاخد حضانه بنتى لانى هرفض راجل غيرى يربيها
تمام
مش حابه تعرفى حاجه تانيه
ممكن تكلمنى عن نفسك
انا مستر عبد العزيز مدرس لغه انجليزيه عندى ٣٢ سنه ومطلق وحكيتلك ظروف طلاقى وحابب انى استقر هنا مع انسانه شبهى ده يا ستى ملخص حياتى
وانتى بقى كلمينى عن نفسك
انا كوثر وحيده بابا وماما اتجوزت من خمس سنين كان جواز صالونات وبعد جوازنا سافر رجع لما مامته توفت عشان يحضر العذا وطلقنى غيابى وسافر مره تانيه وانفصلت من غير ما اعرف السبب بس اللى عرفته إن طليقى اتجوز بره وعاش حياته وغالبا ده السبب انها شرطت عليه يطلقنى عشان تضمن إنه يفضل هناك وهو مقاليش انا عرفت بالصدفه وانا بجدد البطاقه معرفش سبب إنه خبى عليا ايه كلها تخمينات
عندى ٢٦ سنه
لسه بتتواصلى مع طليقك
بعد ما عرفت بقيت نادرا ما برد عليه وعشان اعرفه اخبار ابنه فقط
طيب ليه ماقولتلوش إنك عرفتى إنه طلقك
مش عارفه يمكن عشان لو عرف انى عرفت كان هيقطع مصروف ابنه وانا فى الوقت ده كنت محتاجاه وبعد كده معرفش ليه مقولتلوش يمكن حبيت اسيبه مخدوع زى ما خدعنى
طيب هتقوليله
لا هعمله بلوك خالص مش لازم يعرف عنى حاجه ولما ابنه يكبر ويسأل عنه وقتها هعرفه على باباه وانا مش عايزه يبقالى صله خالص بينهم
بصى أنا مش حابب أنى اتدخل فى قرارات تخصك بس أهم حاجة عندى بإذن الله بعد الزواج تفكيرك يكون ليه انا وبس
شعرت كوثر بالاحراج من تلميحه الأخير وقررت تخطى الموقف
باذن الله لو حصل نصيب
باذن الله وعايز اقولك إن باذن الله لما يحصل نصيب انا معنديش مشكله إن ابنك يعيش معايا نهائي بالعكس انا مرحب جدا بيه
اماءت كوثر رأسها ببطء ولم تجب عليه
دخلت عليهم بعد ذلك والدتها
خير يا جماعه باذن الله
خير يا حاجه باذن الله أنا منتظر ردكم فى اقرب وقت
حاضر يابنى البنت هتصلى استتخاره ونرد عليك بإذن الله
مر ثلاث ايام وكانت كوثر تشعر براحة داخلها تجاه موضوع زواجها
يتبع.
الحلقة الخامسة
فى اليوم الرابع قامت ساميه بالاتصال على كوثر واعطتها كوثر الموافقه
قامت ساميه بالاتصال بزوجها وإعطائه البشاره بموافقة كوثر من الزواج من عبد العزيز
شعر عبد العزيز بسعادة من موافقه كوثر لطلبه
واتصل على أهله واخبرهم التفاصيل وظروف العروس ورحب أهله بها
مر اسبوع وأتى اهل عبد العزيز فهم يقيمون في محافظة اخرى وتقدموا لكوثر وحضر بعض من اقارب كوثر وتم قراءه الفاتحه وتم تحديد موعد الزواج حين الانتهاء من تجهيز الشقه
وبالفعل تقرب
عبد العزيز من كوثر وقرر تأجير شقه فى نفس منزل والدتها حتى يكون قريب من المدرسة التى يعمل بها وبنفس الوقت تكون كوثر قريبه من عملها
وفى ذلك الوقت أيضا كان رشيد يجهز نفسه للرجوع لبلده وعندما أتصل بكوثر قرر أن يبلغها موعد رجوعه حتى تجهز نفسها له
وبالفعل قررت كوثر أن لا تخبره بل وتقيم زفافها يوم عودته لترد له ما فعله بها ولم تخبر عبد العزيز بذلك الامر
وفى الجهه الأخرى اصبح مالك يحب عبد العزيز فكان يأخذه ليقضى معه بعض الوقت ولم يكتفى بهذا بل اخذ الولد ليعرفه على ابنته وكانت كوثر تتركه معه فى رأت مدى تعلق مالك به فهو عوضه عن الاب
وفى منزل طليقه عبد العزيز كانوا الاولاد يلعبون وكانت تجلس امامه رحاب طليقته تتحدث معه
مبروك يا عبد العزيز
الله يبارك فيكى
على فكره أنا معنديش مشكله خالص فى جوازك وده مش هيأثر فى علاقتك ببنتك
شكرا يا رحاب على تفهمك بس انا كنت بستأذنك اخد البنت عشان تتعرف على خطبتى
أه طبعا مافيش مشكله
وحاجة تانيه ينفع بعد جوازى اخدها تقعد معايا كل اجازه ليها بحيث إنها تفضل قريبه منى ومتحسش أنى فضلت حد عليها.
ماعنديش مشكله طالما ده فى صالح البنت اكيد البنت محتاجانا طبعا وطالما هتكون مبسوطه خلاص
شكرا ليكى انا كنت شايل هم القاعدة دى بصراحه سهلتيها عليا
لا أنت عارف انا انسانه عمليه وبحب بنتى ومتعلقه بيها عشان كده اللى فى مصلحة ليها هعمله بالإضافة إننا من ساعه ما انفصلنا انت مأثرتش معاها
ومش هأثر معاها باذن الله
انتهت الزياره فى منزل رحاب وشعر بعدها عبد العزيز براحه فهو كان يخشى رد فعل رحاب ولكنه حمد الله على تفهمها
مرت الشهور سريعا واقترب موعد الزفاف وموعد عوده رشيد
