اخو زوجى
وقال لها
ازيك يا ليلي انا جاي بعد العده ماخلصت عشان كنت عايزك في موضوع مهم أوي
ليلى
موضوع ايه ده ياجمال اللي انت عايزني فيه انا مش فاهمة يعني
جمال
انتي عارفه يا ليلي اني عندي ورشة نجارة بتاعتي وانا اللي بشغلها وكسيب ومعايا الحمد لله اللي يفتح بيت واتنين وعشرة عشان كده جيت لك عشان اطلب ايدك واتجو زك يا ليلي
ليلى باستغراب
واشمعنا انا ياجمال اللي عايز تتجوزها هو انت مش لسه صغير وقدامك العمر كله وممكن تلاقي واحده أصغر مني وكمان تبقى بنت بنوت
جمال
بس انا عايزك انتي يا ليلي ومش عايز اي واحده غيرك انا بحبك من زمان يا ليلي ومكنتش بفكر فيكي صدقيني انتي عندي اغلى من اي واحدة انا شوفتها وقابلتها
ليلى
يعني على كده يا جمال انت مستعد تتجو زني وتجيب لي شبكة ومهر من اول وجديد تاني ما أنا مش هقبل با اقل من كده
ردت مرات ابوها وقالت له
ااه ياجمال لو فعلا يابني عايز ليلى يبقا تدفع لها مهر وتجيب لها شبكة من اول وجديد
جمال
اكيد انا هعملها كل اللي هي عايزاه بس توافق قولتي ايه يا ليلي
ليلى
خلاص سبني افكر بقا في الحكاية دي وبعدين ابقا ارد عليك
جمال
خلاص انا في انتظار ردك يا ليلي بس ارجوكي متتاخريش عليا
ومشي جمال وليلى قالت لمرات ابوها
انتي ايه رايك في الحوار ده يا سميرة انا بقول يعني جمال كسيب ومعاه فلوس وهيقدر يعملي اللي انا عايزاه
سميرة
والله لو انتي شايفاه فعلا كسيب ومعاه وهيقدر يسعدك خلاص يبقا توافقي عليه
ليلى
ايوه انا هوافق انا الصراحة محتاجة راجل في حياتي ومش هلاقي واحد احسن من جمال
وبعدها فعلا ليلى وافقت على جمال وحماتها قالت لها
اسمعي بقا لما اقولك انتي تخلي بالك من ابني جمال وإياكي تخليه يسافر زي ما اخوه راح وسافر واتغرب والآخر يرجع لي چثة
ليلى
انا هشيل جمال في عنيا يا حماتي اطمني انتي عليه بس انا عارفه ان جمال ملوش في الغربة ومش هيسافر ابدا
وعدت الايام وفي يوم في شقه ليلى وجمال وهي قالت له
انا عايزة اروح اكشف ياجمال واشوف الحمل ده اتأخر ليه احنا بقالنا سنة متجوزين ومحصلش حاجة
جمال
اسمعي يا ليلي ياحبيبتي انتي حاولتي قبل كده عشان يحصل لك حمل ومحصلش خلاص بقا انا مش عايز غيرك
ليلى
يعني انا هفضل من غير عيال كده يا جمال انا عايزة اخلف بقا الله يخليك وافق بقا
جمال
خلاص يبقا نروح بكره للدكتور ونشوف
وتاني يوم راحو ورجعو وامه قالت له
ها يابني عملتو ايه عند الدكتور وقالكم ايه على موضوع تأخير الحمل ده
جمال
ولا حاجة يا أمي الدكتور قال لنا ان شاء الله في امل بس هو مايعرفش امتى هيحصل وادينا سيبنها على ربنا
الام
ونعم بالله يابني خلاص بقا مش مهم تفضلو كل شويه رايحين على الدكاترة كده انتو لسه صغيرين وبكرة ربنا يرزقكم بعيال
جمال
والله انا مش مستعجل وعايز ليلى وبس ومش عايز غيرها ابدا
ليلى
ربنا يخليك ليا ياحبيبي ولا يحرمني منك ابدا ياجمال انت العوض اللي ربنا عوضني بيه والله
جمال
ويخليكي ليا يا حبيبتي انا فعلا مش عايزة واحده غيرك انتي وبس يا ليلي
وعدت الايام والسنين وفضلت ليلى مع حماتها تنزل لها وتشتغل عندها وتعملها كل اللي هي عايزاه لحد في يوم قالت
الحقني ياجمال انا تعبانة اوي ودايخة انا عايزة اروح اكشف انا بطني ۏجعانيي
الحما
اعملي لك شوية نعناع وخلاص ياح بيبتي انتي يعني هي اول مره تتعبي يعني ولا ايه
ليلى
اه
