حكايه ياسمين بقلم حماده هيكل

زوجة الدكتور مراد اللي كان سبب في نقلي وتشويه سمعتي ..حسيت اني عايزه انتقم منه في مراته 
بس قولت حرام هي أيه ذنبها ..هو اللي عمل كدا 
واكيد متعرفش حاجه عن سفالته
قابلني وانا عندها وشكرني على أهتمامي ومعاملتي 
الكويسه مع مراته اللي كانت بتقوله أن ياسمين 
طول الوقت جنبي ومش مقصره معايا في حاجه
مفيش داعي الشكر يا دكتور دا شغلي
وكمان جمايلك عليا ..وربنا يقدرني وأردهالك
هو انت تعرفها يا مراد 
اه دي كانت شغالة في المستشفى معانا قبل ما تتنقل هنا
طب انا هخرج أمتى بقى 
متقلقيش يا روحي كلها يومين تلاته بالكتير 
وهترجعي البيت وياريت نبطل الأكل التيك واي دا 
هو سبب اللي احنا فيه
معلش بقى يا حبيبي ..بس انا كنت مستعجله
ساعتها وكمان المطعم دا نضيف جدا وانا متعوده اكل منه
يلا الحمدلله ربنا ستر 
تاني يوم انا كنت ماسكه وردية الليل من عشرة مساء 
لتاني يوم الصبح كل شوية بمر على الحالات 
واشوف محتاجين أيه واقدمه ليهم ..وبعد نص الليل 
والدنيا هدوء وانا قاعدة في أوضتي
سمعت صوت خطوات بره …خرجت بسرعه 
ولقيت حد لابس قناع وفتح باب غرفة مرات الدكتور مراد دخل وقفل الباب بسرعه
جريت بسرعه عليه وقفت من ورا شباك الأوضة وانا 
بحاول اشوف مين دا وبيعمل هنا أيه
لقيته بيخلعها الدهب من ايديها وصوابعها 
وفجأة 
كنت جريت بسرعه عشان أمنعه 
اول ما فتحت الأوضة وولعت النور 
ساب المخده من إيده 
قبل ما أصرخ خربشته في رقبته وعضيته في أيده ..صړخ وسابني ولسه هجري بره الأوضة خبطني بزهرية الورد على دماغي ..وفقدت الوعي
لما فوقت لقيت النيابة والشرطه ماليين المكان 
والدكتور مراد مڼهار وبيعيط بحرقه
للأسف زوجته ماټت وانا مقدرتش ألحقها 
كنت حاسه پألم في دماغي بسبب الخبطه
النيابة أخدت أقوالي وحكيت لهم اللي حصل بالتفصيل
لغاية ما فقدت الوعي 
سألوني عن شكل او مواصفات القاټل 
معرفش اوصفه لأنه كان مخبي وشه كويس 
ومطلعش اي صوت لكن كان فيه علامه مميزة
خدش في أيده واضح ناتج عن چرح قديم 
وصفته في محضر التحقيقات
فات كام يوم وانا كنت

حزينه جدا 
على ۏفاة الست دي رغم اللي عمله 
زوجها معايا بس الحقيقه هي كانت ست طيبة 
وذوق جدا في معاملتها ودا لمسته فيها من خلال 
الكام يوم اللي قضتهم معاها قبل ۏفاتها
وسبب حزني هو اني مقدرتش ألحقها 
بس انا حاسه اني
أعرف القاټل دا 
لمحت الچرح على ضهر إيده 
بس مش فاكرة شوفتها فين !!
فضلت أضغط على نفسي وانا بحاول أفتكر 
الايد دي انا شوفتها فين لكن معرفتش
فات يوم والتاني وفجأة أفتكرت 
ايوه صح ..هو اكيد هو
ايوه بس ايه اللي يخليه يعمل كدا ..لو طمعان
في دهبها كان سرقها وهرب ليه ېقتلها !
قررت أتصل بزوجها وأبلغه
ازيك يا دكتور أنا حبيت أعزيكي في زوجتك 
ربنا يرحمها ويصبر قلبك
شكرا ..مين معايا 
انا ياسمين 
ياسمين !!
انا عندي معلومه مهمه ممكن تفيدك بخصوص ۏفاة زوجتك
معلومة ايه 
انا عرفت القاټل 
سكت شوية وبعدها قال
مين هو 
سواق حضرتك
أيه !! السواق بتاعي أنا 
ايوه هو 
وعرفتي أزاي
شوفت الخدش