طفلي في حمام المستشفى

تدفعي ليهم كنت زمانك مش محتاجه مني حاجه دلوقتي
ثريا
انا باخد حق بنتي منك ومش هسكت الا لما تعمل لها مصروف شهري ده بنتك بقت عروسه عندها 17 سنه وانت بقالك كام سنه ما فكرتش تبص في وشها
محمد
بطلي بقى نكد وابعدي عني شويه وانا عايزه اقولك لو عايز اذيكي هاذيكي فعلا
ثريا
ولا تقدر تعملي حاجه انت من يوم ما عرفتك وانت اخرك كلام وبس ومن الاخر تروح لبنتك وتطمن عليها كل كام يوم وتشوف طلبااتها والا مش هبطل ارفع عليك قواضي
محمد
اعلي ما في خيلك اركبيه يا ثريا وعلي فكره بقا
انا مش دافع فلوس وخلي المحاكم تنفعك
قال كلامه وسابني ومشي وفي بيت اختي كانت سما نايمه وتعبانه 
انا مش هفضل ادلع فيكي كتير وبعد كده تبقي تاخدي بالك وسابها وطلع ولقي امه في وشه
علي
ماما انا اا..
ناهد
اخرس خالص ولا كلمه وتعالي ورايا علي اوضتي وراحو اوضتها وقالتله
ناهد
ايه بقي الكلام اللي انا سمعته ده
اسمع انت هتسافر عند عمك السويس وتكمل تعليم هناك
علي
لا يا ماما انا هفضل هنا جنب سما لحد ما اخلص المدرسه ومش هكمل تعليم اصلا انا هشوف اي شغلانه 
ناهد
دي بنت بمليون وش وضحكت عليك واللي وخليتك ابنها تعمل اكتر من كده يا ابني ما تتامنش علي بيوت
روح علي اوضتك يلا واعمل زي ما قولتلك
وراح علي اوضته وعندي انا في المستشفي الدكتور قال
الدكتور
الممرضات كلهم هيحللو وكل العاملات وهنشوف نتيجة التحليل متطابقه مع مين واللي هيطلع الولد ده ابنها هنبلغ عنها
وفعلا عملو التحليل وقبل ما النتيجه تطلع انا كنت قاعده مع الدكتور مدحت اللي قالي
مدحت
تفتكري الواد ده. هيطلع مين يا ثريا
ثريا
مش. عارفه انا مش عايزه اتهم. حد ظلم اهي النتيجه هتطلع دلوقتي وهنشووف
مدحت
الكل شاكك في شيماء بقولو سمعوها بتتكلم معاكي انها تنزل اللي في بطنها
ثريا
ايوه بس دي كانت مشكله بينها وبين جوزها احنا مالنا بيها بس شيماء مش هتعمل كده في مكان اكل عيشها لانها هتخااف وهي محتاجه الشغل ده
مدحت
اهي النتيجه هتظهر دلوقتي اما نشووف اخرتها ايه بس اللي عملت كده لازم تتحاسب
المهم انتي كلمتي سما بنتك في الموضوع بتاعنا
ثريا
لا لسه مش عارفه اكلمها هي شايفه اني مقصره معاها اوي ما بالك لو قولتلها اني عايزه اتجوز وقتها البنت هتحس بأيه
مدحت
خدي وقتك يا ثريا المهم ان الموضوع لازم يبقي بينا ولازم نتجوز في اقرب وقت
ثريا
حاضر يا حبيبي هروح انا بقي استني مع الممرضات مش عايزه حد ياخد باله من اللي بينا مش ناقصه كلام من حد
وطلعت وقفت مع زمايلي وكانت شيماء متوتره جدا
ثريا
مش قولتلك لو كان منك كنتي قولي بدل الفضايح دي
شيماء
حرام عليكي يا ثريا ده انا صحبتك ازاي تفكري فيا كده
ثريا
من كلامك يا شيماء وتوترك تقدري تقوليلي ايه اللي موترك اوي كده
شيماء
نظرات الكل ليا كانهم متأكدين ان الطفل ده ابني انا بس انا نزلت ابني وخلاص لكن اللي لقيتيه ده طفل كان عايش وحد خلاه رااح وانا عمري ما اعمل كده
ثريا
ما تخافيش دلوقتي كل حاجه هتبان وبجد حقك عليا انا ما كانش قصدي حاجه
وبعدها فعلا طلعت النتيجه وطلع مدحت وقال
مدحت
النتيجه طلعت كل واحد يخليه في شغله النتيجه ما طلعتش متطابقه مع حد ممكن يكون حد من بره المستشفي
نزلت دموع شيماء وقالت
انا الحمد لله ربنا نصرني الكل كان بيشك فيا حسبي الله ونعم الوكيل في اي حد قال عليا كلمه مش فيا
وبعدها اخدني مدحت ودخلنا مكتبه وحط نتيجة التحليل قدامي وقال
مدحت
اتفضلي يا مدام النتيجه متطابقه معاكي انتي
ثريا
ايه الكلام الفارغ اللي انت بتقوله ده
مدحت
هو انا اللي بقول يا ثريا ما النتيجه قدامك اهي
انا خليتهم عملو التحليل اكتر من مره ونفس النتيجه
ثريا
ازاي والله ما اعرف حاجه عن الولد ده غير لما شوفته مستحيل يبقي ابني
مدحت
ما هو مش ابنك نسبة التطابق 75 في الميه معني كده انه ابن حد قريبك اختك اخوكي بنتك..
ثريا
مستحيل يا مدحت بنتي صغيره واختي ست كبيره وماليش حد تاني غيرهم اكيد في حاجه غلط
مدحت
انا مش هخلي حد يتكلم في الموضوع ده خالص بس حاولي ارجوكي تحلي المشكله دي اكيد الموضوع يخص حد قريبك
ثريا
هيكون مين بس انا هعمل التحليل ده في مستشفي تانيه
مدحت
ماشي وانا هروح معاكي يلا بينا وروحنا فعلا عملنا التحليل في مستشفي تانيه وطلعت نفس النتيجه
مدحت
اسمعي كلامي اعملي التحليل مع بنتك ومع اختك والله واعلم ايه اللي هيحصل
ثريا
هعمل كده انا خايفه اوي يا مدحت لو كانت بنتي او اختي هتبقي مصيبه
مدحت
ربنا يستر يا ثريا اعملي بس زي ما بقولك وما تجبيش سيره لحد دلوقتي وبعدها روحت لبيت اختي
ناهد
كويس انك جيتي يا ثريا خدي بنتك يا اخاخي اللي من لما جات نايمه وعامله فيها مكتئبه
ثريا
هو ايه اللي اتغير يا ناهد ما انتي طول عمرك بتقولي علي بنتي انها بنتك وانك مستعده تشليها في عنيكي كمان لو سيبتهالك خالص
ناهد
يا اختي اهو كلام هو انتي بتصدقي الكلام بتاع عزومة المركبيه ده من الاخر بنتك ما تجيش عندي تاني ليه عشان انا ابني بقي راجل وكبر والشيطان شاطر
ثريا
حاضر يا ناهد بس ممكن يا اختي ادخل الحمام
وبعدها دخلت الحمام واخدت المشط بتاع شعرها ولقيت المشط الكبير بتاع شعر ابنها علي فأخدته هو كمان وروحت لبنتي الاوضه اللي نايمه