رحت اكشف علي بنتي كانت تعبانة
السلام عليكم ورحمة الله. والله اللي هقوله حصل بالظبط
رحت اكشف علي بنتي كانت تعبانة وركنت العربية تحت عيادة الدكتور ونزلت من العربية لقيت الشخص الطيب دة قالي امسحلك العربية انا في العادة برفض لقيتني بقوله ماشي لقيته فرح اوي وجري في شارع جانبي كدة انا معرفش راح فين قولت اكيد راح يجيب الفوطة خلصت ونزلت لقيته واقف عند العربية وطلعت الاي فيه النصيب وكانت هنا الصدمة بجد لقيتو بيقولي انا عايز اكل مش عايز فلوس انا اخواتي جعنين وعايز واحدة بامبرز قولتله واحدة بس قالي اة علشان اختي الصغيرة انا طبعا بجري في الكلام اشوف فعلا محتاج ولا. المهم قولتله تمام عايز اكل اية قالي جبنة وعيش وكيس لبن البودرة لاختي وواحدة بامبرز قولتله تمام طيب بص علشان انا مستعجل خد فلوس اهي وقلتله هات اللي انت عايزه قالي معلش السوبر ماركت هناك اهو تاني مرة اتاكد ان هو فعلا محتاج قولتله تمام تعالي واحنا ماشين قعد اتكلم معاه ولقيته عيط وبيقولي الايام دي بقت صعبة اوي ومش عارف اعمل اية والله بدور علي شغل ومش لاقي وانا عايز اذاكر علشان انا بحب العلم ولقيته بيقولي لما قولتلي ماشي امسح العربية انا رحت ادور علي حاجة امسح بيها ملقتش قمت قلعت التيشرت اللي انا لبسه ومسحت بيه اقسم بالله سعتها الدنيا اسوديت في وشي وقلي كلام كتير فعلا يقطع القلب انا قولتله انا هصورك وهخلي مصر كلها تساعدك ان شاء قالي ماشي. يااااريت اي حد يقدر يعمل حاجة يعملها بجد الناس دي محتاجة مننا اي مساعدة والله هنتسال علي الناس دي يوم الدين ياريت بجد اي حد يقدر يساعد حتي لو بالشير
اسمه / باسم محمد احمد مصطفي
العنوان / كابينة النور منطفة النورة المرج شارع محمد فكري
الدال علي الخير كافعله
