راح المقابر يسرق عضم الميتين 

عمل عشان اسافر
جمالات
لا مش هعملك عمل انا هشغلك معايا والشغل معايا بقا هيكسبك كتير اوي وفلوس ملهاش عدد
هشام انفعل وقال لها
اشتغل معاكي لا لا طبعا الكلام ده مش هيحصل انا مشتغلتش الشغلانة دي ثم انا هشتغل ايه اصلا يعني انتي عايزاني اعمل ايه مش فاهم
جمالات
اسمعني بس هو انت مش عايز الفلوس عشان تسافر بيها ويمكن لما تشتغل معايا والشغل يعجبك تفضل هنا وتستقر بقا ولا تسافر ولا تتغرب
هشام
انا مش فاهم حاجة وبعدين هو انا هشتغل معاكي ايه يعني عشان اجيب فلوس كتير هو انتي بتعملي ايه يجيب فلوس كتير
جمالات
شوف يا استاذ انا عارفه انك شاب ولسه المستقبل قدامك وانا هقدر اساعدك انك تعملك مستقبل انا بس عايزاك في شغلانة بسيطة اوي هي انك تروح تجيب لي حاجات من المقابر هتاخد عليها فلوس
هشام
انتي بتقولي ايه ياست انتي مقابر ايه دي اللي اروحها لا طبعا انا مش هشتغل الشغلانة دي وبالاذن انا ماشي
جمالات
براحتك بس صدقني انت مش هتلاقي حد يديك فلوس السفر ولا كمان هتعرف تسافر انا قولت لك وانت حر
مشي هشام من عندها وخبط في سماح وهو خارج وقالت
يووه مش تفتح يا استاذ هشام ده ايه ده
ومشي هشام رجع البيت وفضل يفكر في كلام جمالات وفضل يكلم نفسه وقال
وبعدين ياهشام الست دي كانت بتتكلم جد انا خايف لتعمل فيا حاجة لا انا هاروح لها تاني واشوفها ايه اللي مطلوب مني يمكن كلامها يطلع مظبوط واعرف اجمع الفلوس اللي انا عايزها
وفعلا تاني رجع لها هشام وقال لها
انا جيت له اهو لما اشوف اخرتها ايه وايه المطلوب مني اشمعنا اختارتيني انا بالزات
جمالات
والله انا اخترتك عشان اساعدك الصراحة لقيتك غرقان في شبر مايه وقولت طالما اقدر اساعدك معملش كده ليه
هشام
ايه المطلوب مني
جمالات
المطلوب انك هتروح المقابر وهناك هتجيب لي حتة من كفن ومره تجيب لي شوية شعر من جثة وهكذا
هشام
طيب وده انا هعمله ازاى بس ياست جمالات مش عارف واصلا هدخل المقابر ازاى
جمالات
حكاية دخول المقابر دي ملكش دعوة بيها انا هعرف اخليك تدخل المقابر ازاى بالاتفاق طبعا مع التربي اللي هيدخلك ومتقلقش شغلك كله هيبقا بعد نص الليل يعني محدش هيحس بيك ابدا
هشام
طيب انا موافق بس بشرط أن محدش يعرف اني بشتغل معاكي ياست جمالات خلي شغلي معاكي كده بيني وبينك
جمالات
طبعا يا استاذ هشام محدش هيعرف حاجة ابدا اطمن
وفعلا راح هشام المقابر وطبعا بعد ما التربي اتفق مع جمالات انه يفتح المقابر لهشام وفعلا دخل اول ليله القبر وجاب لها كفن طفل صغير لسه مدفون ورجع لجمالات وهي ادته فلوس وقالت له
جدع يا استاذ هشام انا قولت ان محدش هيعرف ينفعني في الشغلانة دي غيرك انت وبس
هشام
وانا تحت امرك ياست جمالات ده الحكاية اصلا طلعت سهله هي بس رهبة القبر دي هي اللي خوفتني في الأول بس شكلي هتعود على كده
جمالات
دي الحكاية سهلة خالص اطمن انت بس المهم انا عايزاك النهاردة تروح القبر تجيب لي من هناك شوية رمل من تحت راس راجل عجوز هتسأل بشندي التربي وهو اللي يساعدك في الحكايه دي
هشام
امرك يا ست جمالات طيب ينفع اروح انام بقا ارتاح لحسن انا حاسس اني تعبان اوي من دخول القبر ده
جمالات
ومالو ياخويا روح ارتاح وبكرة تروح القبر وتجيب لي المطلوب
وفعلا رجع هشام البيت ودخل ينام وبقا يشوف كوابيس وان هو في القبر ولوحده والقبر مقفول عليه وهو بيسرخ وبيقول خروجوني من هنا خرجوني وقام من النوم مفزوع وهو بيقول
اعوزو بالله من الشيطان الرجيم ده ايه الحلم الغريب ده ربنا يسترها
وتاني يوم راح القبر عشان يجيب المطلوب زي ما جمالات قالت له وفعلا راح وجاب لها شوية الرمل اللي هي عايزاهم وحكي لها عن الحلم وقالت له
معلش هو الحلم ده جالك عشان بس انت حاطط في دماغك موضوع القبر وانك بتدخل القبر وكده بس متقلقش دي كلها كوابيس وخلاص يعني
هشام
الصراحة الحلم كان مرعب اوي ياست جمالات انا خوفت اوي منه هو مفيش حاجة تانية اعملها غير موضوع المقابر ده انا الصراحة جتتي مبقتش خالصة
جمالات
لا لا ده لسه التقيل جاي يا هشام طب ده انت طاقة القدر هتتفتح لك في الشغل اللي جاي ده
هشام باستغراب
شغل ايه هو في شغل اتقل من اللي احنا بنعمله ده اوعي تقولي لي بقا اني هاروح اشتغل مع التربي ههههه ده اللي ناقص
جمالات
لا انت مش هتشتغل مع التربي انت بس هتجيب لي حاجة من القبر مهمة اوي بس لازم تركز وانت بتجبها وتقول لبشندي يدور كويس عليها ويقولك
هشام
انا مش فاهم حاجة ياست قولي لي ايه المطلوب بالظبط
جمالات
شوف ياسيدي انا عايزاك تروح القبر وتخلي بشندي يشوف لنا جتة بنت بتاعت قول كده 17 سنة كده وتكون مدفونة من فترة عشان انا عايزة العضم بتاعها بس
هشام
العضم بتاع بنت طيب وده هتعملي بيه ايه ياست جمالات افهم بقا
جمالات
مطلوب مني سحر اسود ويكون اوي يا هشام ولازم السحر ده يتعمل بعضم بنت بنوت والا السحر يبوظ وميكنش ليه اي لازمة
هشام
بس انا مش هقدر اجيب لك العضم ده لا لا انا مش هقدر انا كفايه عليا اجيب كفن اجيب شوية تراب انما عضم وجثة وكده لا لا انا مش هستحمل
جمالات
انت لو عرفت احنا هيطلع لنا ايه من المصلحة دي هتروح جري على هناك الناس اللي عايزة السحر ده مستعده تدفع اي مبلغ احنا نطلبه وانا الصراحة ممكن الاقي غيرك كذا حد يعمل كده بس انت عارف انا بعزك اد ايه ومش هينفع اضيع منك المصلحة دي ها قولت ايه
هشام
موافق بس بشرط ياست جمالات هعمل الشغلانة دي وهاخد الفلوس ومش هتشوفي وشي تاني كل واحد يروح لحاله
جمالات
اللي تشوفه ياهشام بس المهم تنفذ المطلوب
وراح هشام للتربي واتفق معاه انه يشوف له قبر بنت وفعلا التربي قاله
هو في بنت كانت مدفونة هنا من تلات سنين كده البنت دي كان عمها اللي دفنها لأنها كانت عايشة معاه في البيت 
هشام
كريس اوي الكلام ده يا بشندي فين بقا القبر بتاعها البنت دي
بشندي
تعالي معايا يا استاذ هشام لما ادخلك القبر
وفعلا دخل هشام القبر وكان لوحده وبيبص ملقاش جثة البنت زي التربي ما قاله وبيبص وراه شاف بنت واقفه شعرها منكوش ووشها كله دم وضحكت وبانت سنانها اللي كلها دم في اللحظة دي هشام سرخ جامد وطلع يجري من القبر
بشندي
في ايه يا استاذ هشام مالك انت طالع مفزوع كده ليه انت شوفت ايه جوه
هشام بينهج وقال بخوف
انا انا نا شوفت شوفت بنت شكلها مرعب واقفه جوه يا عم بشندي والله شوفتها
بشندي
يا استاذ هشام بنت ايه بس اللي شوفتها البت بقت عضم اصلا انت بس تلاقيك بيتهيالك واللي شوفتة ده تخاريف مش اكتر تعالي تعالي انا هدخل
هشام
لا لا انا مش داخل يا عم بشندي ادخل انت انا مش داخل تاني
بشندي
تعالي معايا بس يا استاذ هشام وانت هتشوف بنفسك انه مفيش حاجة ياراجل ميبقاش قلبك