العامل
قديم مفيش حاجه أبيعها وخۏفي أقابل ربنا وأنا عليا الديون دي ومرتحش ف تربتي وبتعز عليا نفسي إني أروح لجمعيات او ناس بتساعد يساعدوني وتارك الأمر لله لو ليا نصيب أسد ديوني هيسخرلي السماء والارض وما عليهم لقضاء حاجتي.
إيمانه وعزة نفسه عرفوني معدنه وأصله الطيب واللي أكدلي ان كنت باجي احاسبه ف اديلو مبلغ زياده يقولي لا مش هاخد غير حسابي ويرفض ياخد الزياده.
من أسبوعين طلب مني ٥٠٠ جنيه وقالي اخصمهم م الحساب وراح جاب كيلو كبده وفينو وعملهم وغلفهم ف اكياس ونزل وزعهم ف بقوله بتعمل كده علطول قالي بتمني بس الظروف مبتساعدش طول الوقت بس حسيت اني محتاج اعمل كده حاجه بسيطه بس لو ربنا تقبلها بنيتي فيها هيخلف عليا بيها كتير .
والله تاني يوم روحنا كومباوند وخدته معايا هو بس وباقي العمال ف موقع الشغل عشان يستفيد هو وأقدر اساعده العميد
صاحب الفيلا شافه وهو شغال قالي مين ده شكله بن ناس وكل شويه بينفض هدومه بس شكله بتاع شغل والله ما كان ف نيتي حاجه واتكلمت بعفوية قولتله ده قصته قصه وحكيت له كل حاجه ف قالي أيوا كده الموضوع صح خليه يجيب بطاقته ندهت ع احمد وهو بيديه بطاقته كان ف نظرات قلق منه حاولت اطمنه وطلبت منه يكمل شغله نص ساعه كان كل الأحكام اللي عليه والأماكن اللي شاكياه منهم افراد خارجيين كانوا مبعوتين ف رساله ع الواتس للعميد ده وانا والله ما كنت أعرف هو شغال إيه بعد يومين كان هو عمل تحريات عنه كلمني وطلب مني اروح له انا وأحمد.
مكنتش عارف عاوزنا ليه وكنت قلقان عليه جدا وبقول لو حصله حاجه هبقي أنا السبب المفاجاه ان العميد جابله تاريخ حياته. احمد كان قاعد مخضوض وبيسمع له وبيردد ع لسانه وأفوض أمرى إلي الله وكأنه متوقع إنه هيتقبض عليه مع ان العميد كلامه مكنش فيه اي حاجه تقلق ولا حاجه غلط ف حق احمد بس الخۏف سيطر عليه .
الحمد لله الفلوس اللي على احمد اللي كانت للأفراد اتدفعت والناس اتنازلت لسا البنك بعد اجازه العيد وكل ده بكفالة من العميد جزاه الله كل خير.
إمبارح كنت قاعد معاه وبقوله ربنا بيسبب الأسباب بس انت عملت اي يخليه يسخرلك الحكومه اللي أنت خاېف منها هيا اللي تساعدك ويخلي هيئتك سبب ف استغراب الناس عشان تعرف قصتك قالي يقين بالله وتفويض الأمر لله انا اليوم اللي عملت فيه اطعام حلمت ان حد بيديني تفاحه وجه واحد قالي زى ما اداك إدي غيره مكنتش فاهم الحلم بس نويت اعمل الاطعام وربنا تقبل النيه و٥٠٠ جنيه كانوا سبب ف سداد ٥٠٠ الف جنيه.
كبتب ليكم البوست وقصه أحمد عشان اقولكم متستعجلوش لو لسا ملقتوش ثمار اطعامكم وصداقاتكم ربنا بيسبب الأسباب ف اوانها وعشان اقولكم عالجوا ضيق الرزق والهموم والمړض واي حاجه بالصدقات حتي لو بمبلغ بسيط رب درهم سبق الف دينار
فاللهم قلبي وما فيه يسره
مما قرأت ولمس قلبي
