حبي لامي

ما كنتش بعمل حاجه هو اداني فلوس وقالي اديها لك خودي اهم كلهم

عايده بعصبيه

هو في البيت لوحده ولا مراته هناك عنده

ساره

لا هو لوحده وبيقولك لما تصحي ابقي روحي له

عايدة

طيب ادخلي البيت عندنا على بال ما اروح عندهم وارجع لك يلا ادخلي ولو ابوكي سأل عليا قولي امي بتروق للست فايزة

وراحت عايدة لعماد وقالت له

عايدة

هو انت مش قادر تستني لحد لما اجي انا يا عماد انت بتبعت الفلوس مع البت سارة ليه افرض كان سيد موجود وشافها وهي بتديني الفلوس كانت قالت له بقا ورحنا في داهيه

عماد

والله انا مش عارف ايه سيد اللي انتي عامله له حساب ده انتي عارفه جوزك يا عايدة مالوش اي تلاتين

عايدة

هعمل ايه بقا نصيبي وبختي كده يا عماد بقولك ايه بعد كده ملكش دعوة بالبت سارة انت سامع

عماد

البت سارة ذكية مشاء الله عليها دماغها حلوه وانا فهمتها وقولت لها لو لقيتي ابوكي هناك اوعي تدي الفلوس لامك قدامة

عايدة

هي فعلا كانت داخله تتسحب بس معلش بقا بلاش سارة خليها بعيد يا عماد ماشي

عماد

امرك يا عايدة تعالي بقا البسي لي القميص اللي انا جايبه ده انا جايبه مخصوص عشانك

وبعدها عدت الايام وفي يوم رجعت فايزة البيت وكانت ساره مع عماد اللي دخلت وكان مقعدها على رجلة وفايزة قالت

فايزة

ايه ده هي سارة بتعمل ايه هنا يا عماد وانت مقعدها كده ليه

عماد بارتباك

اااا فايزة ااا مفيش ياستي اصل البت ابوها المفتري كان ضاربها وانا كنت بطبطب عليها وبواسيها مفيهاش حاجة يعني يا فايزة هو انتي ايه اللي جابك بدري كده

فايزة

ابدا خلصت شغل بدري روحي انتي يا سارة علي بيتكم ولو ابوكي عملك حاجة تاني ابقي تعالي لي انا وانا هتصرف معاه

سارة

حاضر يا خالتي بس هاخد بس الفلوس من عمي عماد فين الفلوس يا عمي

عماد ارتبك وقال لها

ااه خودي يا سارة هاتي لك حاجة حلوه يا حبيبتي يلا روحي انتي اصل انا كنت قايل لها متزعليش وانا هديكي فلوس

فايزة بشك

ااه طيب انا هدخل اريح شوية يا عماد وبعدين لما اقوم نبقا ناكل سوا انا وانت

ودخلت فايزة الاوضة وعماد اخد نفسه وقال

عماد

هووووف الله يخربيتك يا بنت عايدة كانت هتكشفني الحمد لله ربنا ستر

وفي بيت عايدة لقت نفسها زهقانة ومش عايزة تروح لعماد وقعدت تفكر هتعمل ايه وقالت

عايدة

انا مش لازم اروح له تاني انا خلاص بقيت بكره نفسي منك لله يا سيد انت السبب في كل ده ما هو لو انت راجل زي بقيت الرجاله كنت خلتني ست زي بقيت الستات وفي الوقت ده دخل سيد وقال

سيد

ايه يا عايدة مالك قاعده كده ليه وعملت لنا اكل ولا لسه

عايدة

الاكل على النار يا سيد حالا يكون جاهز وبعدين هو انت كل يوم تسأل عن الأكل وخلاص وعمرك ما بتسأل عن حاجة تانية

سيد

واسأل على ايه يا وليه وبعدين هو في اهم من الاكل في الدنيا بقولك ايه اخلصي وهاتي الاكل

عايدة

وانت بقا مش ناوي تديني مصروف زي بقيت الستات اللي قاعده في بيوتها ومتستته دي

سيد

وانا اجيب لك منين ياختي اليومية اللي باخدها يادوبك على اد سجايري اديكي انا بقا ايه

عايدة

انت مفيش منك فايدة ابدا وعايز تخليني اروح أمد ايدي للي يسوي واللي ميسواش وانا ولا منك ولا كفاية شرك

سيد

استغفر الله العظيم بقا هتبدا الموشح بتاع كل يوم هو انتي يا وليه مابتزهقيش ابدا ده ايه ده يعني اسيب لك البيت عشان ترتاحي

عايدة

ولو سبت البيت مش هيفرق معايا اذا كان اصلا وجودك زي عدمة

سيد

بقا كده يا عايدة بقا انا بقيت وجودي زي عدمه روحي ياختي لاخوكي اللي واكل حقك في أرض ابوكي لا وكمان عارضها للبيع هو انتي مش ليكي ورث برضو ولا ايه

عايدة

اخويا هيبيع الأرض لا ده لازم اروح اشوف ايه الحكايه دي

وراحت بسرعه بيت اخوها اللي اول لما مراته شافتها وقالت

منال

ايه ده عايدة قال يا قاعدين يكفيكو شر الجاين خير يا عايدة عايزة ايه

عايدة

بصي يا منال انا مش جايه لك انتي انا جايه لاخويا هو فين يا ابراهيم انت يا ابراهيم

منال

الله حيلك حيلك ياختي هو في ايه مالك داخله بزعابيبك كده ابراهيم مش هنا ابراهيم بره

عايدة

طيب اسمعي بقا لما اقولك انا عايزة تبلغيه اني عرفت انه عايز يبيع الأرض بتاعت ابويا يعني انا ليا في الأرض دي

منال

أرض ايه يا ام أرض اللي كانت جايه تسالي عنها دي بقولك ايه يا عايدة احنا قولنا لك يا حبيبتي انتي ملكيش حاجة

عايدة

ما هو انا عارفه ان طول ما واحده حرباية زيك ورا اخويا انا مش هاخد حاجة خالص منه بس انا كده بقا هاروح المركز وارفع عليه قضية

منال

شوف ياختي الوليه انتي عايزة تسجني اخوكي يا عايدة قال بطلوا ده واسمعوا ده على العموم أعلى ما في خيلك اركبية يا حبيبتي البنات مش بتورث

عايدة

حسبي الله ونعم الوكيل فيكي بس العيب على عره الرجاله اخويا اللي مخليكي عامله كده معايا ماشي يا منال

وسابتها ومشيت وفضلت عايدة تعيط وراحت علي عماد اللي قالها

عماد

ايه بس يا قلبي مالك كده عماله تعيطي كده ليه الله في ايه يا عايدة

عايدة

بقولك ايه يا عماد لو انت فعلا عايزني وبتحبني اكتر من مراتك زي ما بتقولي يبقا انا اطلق من سيد وانت تتجوزني مش بتقول انك بتحب بنتي زي بنتك

عماد

اتجوز مين يا عايدة اتجوزك انتي ليه من قله الحريم اي نعم انتي احلى واحده في البلد هنا واجمل ست عليها جسم حلو والرجاله كلها هتمو,,ت عليكي بس مش لدرجة اني اتجوزك

عايدة

يعني ايه يا عماد كلامك ده خلاص انا من هنا ورايح مش جايه لك تاني ولا هتشوفني هنا ولو مراتك بعتت لي انا هعتذر لها

عماد

بقا كده يا عايدة خلاص براحتك بس ابقي وريني بقا هتصرفي على بنتك منين وتاكلوا منين ماشي يا حلوه وابقي افتكري كلامي كويس اوي

عايدة

حسبي الله ونعم الوكيل في الرجاله كلها ربنا يولع فيكم كلكم

عماد

الله جرا ايه يا عايدة بس هو انت قلبتي عليا كده ليه هو انا كنت عملت لك حاجة ولا عشان انتي زهقانة من جوزك جايه تطلعيهم عليا وبعدين هو احنا مش حلوين مع بعض

عايدة