الصورة الأخيرة قصة بقلم حماده هيكل
شوية عروستنا الحلوة
هتمسكي إيده وتبصي ناحيته مع إبتسامه خفيفة
بس كدا أثبتوا
أول ما ضغطت على زرار الكاميرا وضړب الفلاش في وشهم
فجأة ملامحهم أتبدلت والذعر ظهر على ملامح العروسه
وقالت لعريسها
كفاية كدا هنتأخر
بص لساعته وقال فعلا فاضل عشر دقائق
قولتلهم وأنا مستغرب
هو في حاجة
لأ لا مفيش كفاية الصورة اللي أخدناها هنا
يعني خلاص مش هتكملوا باقي الألبوم
لأ طبعا هنكمله بس مش هنا
اومال فين!!
تعالى معانا
على فين
في كوبري قريب من هنا هنتصور عنده
تصوير خارجي يعني
اه بالظبط يلا بسرعه لو سمحت ومتقلقش هتاخد الفلوس الي أنت عايزها
بعد تردد لقيت انه ليه لأ رزق وجايلي ايه المشكله
ها قولت ايه
تمام موافق
خرجت معاهم بس كان شكلهم مستعجلين زي ما يكون في معاد معاهم بس ايه اللي المعاد اللي هيكون ورا أتنين عرسان يمكن مستعجلين عشان يخلصوا تصوير ويروحوا الفندق ويتقفل عليهم باب واحد
اصله ملهاش تفسير للإستعجال بتاعهم غير كدا
ركبت العربية معاهم من ورا كانوا مبسوطين
والعريس إيده على الدركسيون وايدوا التانية ماسك بيها إيد عروسته وبيبوس فيها وهي بتبصله بنظرة حب
وكأني مش موجود معاهم في العربية تجاهلوا وجودي
تماما وكأنهم لوحدهم وفضلوا يتكلموا عن الصعوبات اللي واجهتهم في فترة الخطوبة وانهم خلاص بقوا لبعض خلاص
وصلنا للكوبري نزلوا الأتنين وفضلت أصورهم
كانوا فرحانين جدا بس حسيت بلمحة حزن في عيونهم مفهمتش ايه سببها في ليلة زي دي
بعدها العريس حضڼ عروسته وحطها على سور الكوبري الحديد وقعد جنبها
خلي بالك يا عريس كدا خطړ
لا متقلقش أحنا تمام ركز أنت بس في الصورة دي بالذات أنا عايزها تكون حلوه وواضحه
تمام متقلقش
قعد جنب عروسته على سور الكوبري وفي ضهرهم المائه
كان أرتفاع الكوبري يزيد عن العشرين متر
أبتسمت وهما ماسكين إيدين بعض وعيونهم في عيون بعض
وكانت فعلا وضعية ممتازة للصورة وبدون اي توجيه مني
أخدت الصورة وبعدها العروسه شكرتني
والعريس قالي وهو متأثر متشكر جدا انك صورتنا
وخرجت معانا في الجو دا وفي الوقت المتأخر دا
بس انت عارف مينفعش ليلة الډخله تعدي من غير ذكرى حلوة زي دي
مفيش داعي الشكر أنا تحت أمركم في اي
وقبل ما أكمل جملتي لقيت الأتين بصولي بصة حزن
ومالوا بجسمهم للوراء وهما ماسكين إيدين بعض
ووقعوا من فوق الكوبري جريت ناحيتهم
وشوفتهم وهما نازلين بسرعه في الهواء ولسه ماسكين إيدين بعض لحد ما أرتطم جسمهم بالمياه وغاصوا لتحت
بصيت بذهول ليهم وأنا بقول يا ساتر يارب
ألتفت لورا لقيت عربيتهم أختفت حسيت برعشه في جسمي كله وأخدتها جري لغاية الاستوديو
كان جسمي بيتنفض وانا مستغرب من الموقف اللي حصلي دا وأد ايه انا حزين على العرسان دول
بعد يومين شوفت خبر على التلفزيون
إنتشال چثة العروسين اللذان لقيا حتفهما ليلة زفافهما
بعد أنحراف السيارة عن المسار وأنزلاقها من أعلى الكوبري
قبل أسبوع حيث تمكن فريق الغواصين من العثور على الجثتين بعد أن جرفهما التيار مسافة بعيدة أدت ألى طول فترة البحث
الموضوع أثر عليا فعلا وخۏفي زاد من الموقف دا أكتر وأكتر بعد الخبر اللي شوفته وعرفت أن أرواحهم اللي كانت معايا اول إمبارح وانهم ماتوا في حاډثه ليلة فرحهم من اسبوع
أشتغلت على صورهم وحمضتها وطلعوا اجمل صور صورتها
دورت على مكان قبرهم وعرفته واخدت معايا بوكيه ورد
وقرأت على قبرهم الفاتحه حطيت بوكيه الورد وجنب منه صورتهم كانت اجمل صورة صورتها في حياتي
وكانت بالنسبه ليهم الصورة الأخيرة
تمت
حماده هيكل
