ديه صورة متاخدة من لايف تـيـك توك لبنت بلوجر من دولة اجنبية

ديه صورة متاخدة من لايف تيك توك لبنت بلوجر من دولة اجنبية اثناء اللايف دخلت اختها وشاركتها في اللايف بس فجأة وزي ماهو واضح في الصورة كده يظهر في المرايا الي وراها صورة لشخص ببشرة سودة ملامحه غريبة شوية
الشخص ده ظهر في المرايا لمدة لا تتخطي ال٣ ثواني وبعدين اختفي بطريقة غريبة بس الناس الي كانت في اللايف معظمهم لاحظ الي حصل معادا البنت و أختها كل الي شاف اللقطة ديه فضل يسألهم في التعليقات هو مين الي ظهر في المرايا ده واختفي
الاكتر من كده ان بعض الناس اصيبت بحالة من الذعر وده من تعليقاتهم نفسها والي كانت من نوع انا قلبي اتقبض اول لما شوفت الشخص ده ظهر انا جسمي بيترعش لما شوفته انا أصيبت بحالة هلع و خوف وتعليقات كتير متشابهة عشان كلامالناس يكون تأكيد ان اللقطة ديه مكانتش طبيعية
بس الغريب في الموضوع ان البنت الي طالعة لايف مجاوبتش على اي تعليق وكأنها متعمدة او زي ما تكون عارفة او فاهمة تفسير الي حصل لكن بعد دقايق الشاشة بقت سودة ومبقاش متبقي حاجة من اللايف غير صوت بس .. صوت البنت و أختها
وبعد ما كانوا بيغنوا وبيرقصوا الموضوع يتقلب لشئ اشبه بالجحيم صوت بكاء ونحيب بطريقة مرعبة كان فيه نوع من التوسل لحد على وشك انه يأذيهم وبيطلبوا منه ميعملش كده مفيش ثواني واتحول البكا لصريخ هستيري صريخ واستنجاد وكأنهم جوا فيلم رعب
الناس في اللايف مكانتش شايفة حاجة لأن الشاشة كانت سودة زي ما قولت بس الصوت الي كانوا سامعينه خصوصا بعد الي شافوه في المرايا كان كفيل انه يرعب ويدمر اعصاب اي حد بيسمع ..ومع ان الي كان بيحصل شئ مش طبيعي إلا ان بعض الناس كانت بتكتب ان ديه مجرد احداث مفتعلة عشان الموضوع يبقي تريند نوع من إثارة الجدل يعني
وتبدأ اصوات الصريخ تزيد ويدخل فيها صوت غريب صوت شئ غير بشري مجرد ما ظهر الصوت ده بدأت اصوات البنتين تختفي ويكون هو واضح اكتر لحد ما اختفي صوت البنات تماما وبعدها يختفي الصوت المرعب ده وكمان اللايف يتقفل
المتابعين كانوا مستنين اللايف الجاي للبنت عشان تفسر ايه الي حصل كانوا متوقعين انها هتطلع وتقول كلام تخلي الناس تتعاطف معاها وتبقي تريند وتتشهر اكتر لكن الي حصل كان عكس كل التوقعات
حسابات البنت على السوشيال ميديا اختفت تماما مبقاش ليها أي وجود بعض الناس قالت ده جزء من الخطة عشان الموضوع يبان مر يب اكتر وانها كام يوم وهتظهر لكن الواقعة ديه حصلت ايام كو رونا ولحد وقتنا هذا اختفت البنت بكل الاكونتات بتاعتها..مش بس كده ده اللايف ده اختفي تماما من كل حته حتي الي كانوا مسجلينه ورجعوا نشروه المنصات مسحته من الاكونتات بتاعتهم
اتضح ان البنت من دولة المكسيك وانها كانت عايشة في شقة هي و أمها و اختها و اتضح انهم من بعد اللايف ده اختفوا من الشقة رغم وجود كل متعلقاتهم الغريب ان الشقة مكنش فيها اي اثار تدل ان حصل فيها اي حاجة غريبة ولا حتي وجود بصمات تدل ان حد دخلها غيرهم
وفضل الموضوع لغز محدش فاهم تفسيره اتقال من بعض المتخصصين ان الي ظهر في الصورة ده جن وانه هو الي انتقم منهم بسبب عهد بينه وبينهم وكلام كتير عن حاجات خارقة للطبيعة لكن مكنش فيه دليل يثبت اي رواية من كل