ام احمد المغسله
ياخوي ليه كده يا عادل بقا الثقه تخليك تعمل كده ليه يا حبيبي ده الدنيا مفيهاش امان خالص
عادل
يابنتي ده صاحبي وزي أخويا هو هيعمل ايه يعني وبعدين انا واثق فيه متقلقيش انتي بس
وبعدها عدت الايام ورجع عادل في يوم وهو حزين ومهموم وسعاد قالت له
سعاد
مالك يا عادل راجع من برة عامل كده ليه يا حبيبي ايه اللي حصل
عادل
الظاهر انك انتي كان عندك حق يا سعاد لما قولتي مأمنش للي إسمه مختار ده
سعاد
ليه هو عمل ايه سرق الفلوس يا عادل صح يلهوي اهو ده اللي انا كنت خايفة منه
عادل
انا مش عارف هو اللي سرقهم ولا الراجل اللي بيشغل الفلوس أنا جيت أقوله فين الأرباح قالي الشركه خسرت قولت له انت اللي ملرزوم قالي مليش دعوه
سعاد
قولت لك يا عادل بلاش تأمن اديك شوفت اللي حصل أهو
وفجأة عادل وقع في الأرض وراح وفضلت سعاد تصوت جامد وبعد العزا بكام شهر راح لها مختار وقال لها
مختار
البقاء لله والدوام لله
سعاد
انت ليك عين تيجي هنا انت ايه معندكش احساس يا جدع انت انا مش عارف انك انت السبب في إللي حصل
مختار
انا السبب في ايه بس يا مدام سعاد انا قولت له اني هستني بس الشهر ده عشان الأرباح تيجي له كتير لكن مصدقنيش وافتكر اني سرقته وهو انا اقدر لسرقه برضو يا سعاد
سعاد
اسمع لما أقولك يا مختار الفلوس دي فلوس الواد اليتيم ده واللي انا هعلمه بالفلوس دي فياريت تتصرف وتجيبهم عشان اقدر اعيش انا وابني
مختار
خلاص أنا هستناكي تجي لي بكره لوحدك عشان تاخديهم انا مقدرش أتأخر عنك ابدا ياسعاد
وبعدها سعاد حكت لهاشم وقالها
هاشم
خلاص انا هاجي معاكي مش هسيبك تروحي لوحدك يا سعاد
سعاد
لا يا هاشم انا هسيب معاك محمود واروح انا انا مش عايزة اي مشاكل مع الراجل ده قبل ماخد منه فلوسي
هاشم
يعني هتروحي لوحدك ازاي بس يا سعاد علي العموم اللي تشوفيه اعمليه ياختي انا هستناكي هنا مع محمود لحد لما ترجعي
وفعلا راحت له وقالها
مختار
الدنيا كلها نورت يا سعاد هو انتي مش ناويه تتجوزي ولا إيه اصل حرام يعني قمر زيك كده تفضل عايشه لوحدها كده
سعاد
انت مالك انت انا جايه أخد فلوسي وامشي ارجوك هات الفلوس
مختار
الفلوس اهيه يا سعاد انا مش هاكل عليكي حاجه انا بس نفسي اشوفك مبسوطه أوي
وبيقرب منها وهي قالت له
سعاد
بقولك ايه يا مختار لو سمحت بلاش تقرب كده ارجوك ابعد
مختار
تعرفي انك حلوه اوي والله غلطان عادل أنه راح وسابك كده لوحدك وانتي اكيد محتاجه راجل في حياتك
وبيقرب كمان وكمان وهي قالت
سعاد
يا مختار أرجوك أبعد أرجوك يا مختار
وقرب منها اوي لحد لما سعاد استسلمت ليه وحث بينهم وفضلت تعيط وقالت له
سعاد
انت ايه اللي انت عملته ده انت واطي وحقير
مختار
بقولك ايه انتي اللي مصدقتي يا حلوه انتي هتستعبطي ولا إيه لا بقولك إيه انا مش عايز اللؤم ده ويلا من هنا
سعاد
حسبي الله ونعم الوكيل فيك يا واطي يا زباله
ورجعت سعاد بالفلوس البيت وفضلت تسرف منها علي محمود لحد في يوم ما اكتشفت انها حامل وراحت لمختار وقالت له
سعاد
الحقني يامختار انا حامل انت لازم تتصرف انا كده هتفضح انت لازم تتجوزني
مختار
نعم ياختي اتجوزك ده إيه هو انا بتاع جواز اصلا انا مش بتاع جواز يا سعاد يلا روحي من هنا وبعدين قولي انك كنتي حامل من المرحوم
سعاد
انت مجنون ازاي يعني الكلام ده الي حصل ده حصل بعد ما عادل راح بست شهور وانا حامل في التالت ازاي بقا هاقول كده
مختار
يبقا تنزليه ومتقرفناش يا سعاد قولت لك انا مش بتاع جواز ماشي ويلا بقا من هنا
ومشيت من عنده وهي بتقول
سعاد
حسبي الله ونعم الوكيل فيك هعمل ايه ياربي بس هعمل
حاولت كذا مرة أنها تسقط نفسها بس منفعش وفضلت بطنها تكبر وهي كانت بتدرايها باللباس الواسع لحد في يوم هاشم قالها
هاشم
انا ملاحظ انك تخنتي اوي يا سعاد
سعاد بارتباك
هااا ايوه يا هاشم هو انت بتحسدني ولا إيه
هاشم
لا ياحبيبتي انا مبسوط انك بقيتي كويسه
سعاد
الحمد لله على كل حال يا هاشم
وبعدها عدت الايام وفي يوم الولاده سعاد قالت لمحمود
سعاد
انت هتفضل عند خالتك يا محمود لحد لما اروح مع واحده صاحبتي المستشفى وهفضل معاها طول النهار ويمكن ابات معاها
محمود
ماشي يا ماما متخافيش عليا
وراحت المستشفى وولدت بنت وفكرت تعمل فيها إيه وحطتها قدام ملجأ وعلمتها بعلامه والملجا خدوها وبقت سعاد تروح لها كل يومين تراعيها بس من غير ما حد يعرف حاجه لحد لما تعبت والمديرة قالت لها
المديره
البنت دلوقتي عندها ١١ سنه بس عندها كانسر والدكاترة قالو انها مش هتعيش كتير
سعاد
ايه ازاي الكلام ده يا حبيبتي يابنتي يعني هي مش هتكبر اصل انا كنت ناوية أخدها بس مش عارفه ظروفي مش سامحه اني اخدها معايا
المديرة
البنت دي جميله وهاديه بس يا حبيبتي عمرها قصير ربنا يتولاها برحمته
وبعدها فضلت سعاد تروح لها وتاخدها في حضنها وهي كانت مريضة جدا وصورتها صورة وخدتها وبعدها عرفت أنها ماتت وحزنت سعاد وتعبت ومحمود كان عنده ٢٢ سنه وقالها
محمود
انا مش عارف انتي ايه اللي تعبك كده يا ماما انتي كنتي كويسه ايه اللي حصل
سعاد
انا خلاص مش هعيش كتير يا محمود عشان كده عايزاك تحط الصورة دي معايا في النعش بتاعي وتتدفـ,ـن معايا
محمود
واشمعنا بقا يا ماما ومين دي اللي في الصورة دي أصلا
سعاد
ملكش دعوه دي واحده انا أعرفها اسمع الكلام واعمل بالوصيه يا محمود اوعي تخلفها يابني
وبعدها راحت سعاد
#بااااك
المغسله
لا حول ولا قوه الا بالله العلي العظيم ربنا يرحمك ويغفر لك الذنب اللي انتي عملتيه يا سعاد انا هخلي ابنك يسامحك وان شاء الله هو هيفهم ويسامح
وبعدها حكيت لهم كل حاجه ومحمود أنهار وفضل يعيط وبقا يدعي لأمه
وبكده تكون خلصت حكايتنا
