ماذا لو عاد نادما بقلم اماني السيد
مسرعا من منزل أهل نورا متوجها لمنزل عبير
فى منزل عبير طرقت نورا الباب وقامت عبير بفتح الباب دلفت نورا للمنزل بتكبر
نورا روحى اندهى مالك
عبير ببرود روحى دورى عليه فى مكان تانى غلطتى في العنوان
نورا أوعى تفتكرى إنك ممكن تخبيه منى وأنى مش هعرف اوصله تبقى لسه هبله زى زمان
عبير مش محتاجه اخبيه لانى رميته وأنا لما برمى حاجه استحاله اوطى واجبها
اثناء حديثهم وصل مالك ووقف عند باب المنزل ليستمع لباقى حديثهم
نورا هههههههههههه ده الكلام اللى بتصبرى بيه نفسك يا حرام انا لو مكانك هقول لنفسى كده
الحقيقة إن مالك عمره ما حبك ولا هيحبك هو سايبك على زمته بس عشان خاطر ده طلب مامته حتى إبنه اللى من صلبه رفضوا عشان منك انتى بصى انا عامله ازاى وبنتى شكلها ايه ولابسه ايه غير الفيلا اللى كنا قاعدين فيها فى دبى كل ده وتقوليلى انتى اللى رمتيه معلش بقى يا عبير وسعت منك دى ولو انتى اللى رمتيه فعلا مااطلقتيش غيابى واتجوزتى غيره ليه عارفه ليه عشان يا حرام لسه شاغل قلبك بس
انتى مش فى بالوا أصلا بس يلا صدقه منى
هسيبهولك يومين يمكن يتقبل فيهم ابنه
عبير عارفه يا نورا أنا مش محتاجه ابررلك ولا حتى اقولك انا هحارب عشان ارجع مالك تانى لانه مايستهلش وانتى ماتستهليش أصلا انى اضيع وقتى فى الكلام معاكى خليكى عايشه في اوهامك وتخيلاتك بس انا مكنتش عارفه انى حراقه أوى كده عشان تكلفى نفسك وتلبسى وتجرى بنتك وراكى عشان بس تثبتيلى حب مالك ليكى ولما انتى واثقه اوى كده فى حبه جايه تحكيلى أد إيه حياتك كانت حلوه معاه
اديكى حكتيلى وادينى عرفت ها عايزانى بقى أعمل ايه
نورا عايزه يبقى عندك كرامة وتطلبى الطلاق منه وتسبيه خالص
هنا تدخل سريعا مالك يكفى ما سمعه ليتأكد من ظنونه وانهم هم من أبلغوا عبير بزواجه وانهم حقا كانوا يعلمون بحملها وانجابها واخفوا عنه ليست هى من اخفت عن الجميع كما ظنها حتى وإن اخفت ذلك هو يعطيها عذرها ويسامحها وتتمنى أن تعطيه الفرصة وتسمعه وتعلم ماحدث معه بالكامل
مالك نورا اخرصى خالص ولا كلمه زيادة
عبير لا بقولك ايه انت وهى انا مش عايزه الشو بتاعكم ده يبقى هنا فى بيتى ابنى نايم جوه ومش عايزاه يعرفكم كفايا اسئلته بتاعت امبارح اتفضلوا اطلعوا بره وكملوا كلامكم فى اى مكان تانى
مالك عبير أنا آسف عن كلام نورا
نورا بتتأسف على ايه المفروض هى اللى تتأسف هى اللى اخدتك منى زمان هى وأمك واجبروك عليها يا تتجوزها يا إما امك تغضب عليك فكروا بأنانيه ومش مهم قلبى وقلبك يفترقوا
عبير ياستى ربنا جمعكم اهو سبونى وامشوا بقى معنديش أى اهتمام اسمع اد ايه كنتوا بتحبوا بعض وقصت كفاحكم عشان تحافظوا على حبكم ده مش فارق معايا
ڠضب مالك كثيرا من تصرف نورا لانها بهذا الشكل قامت بقطع أى أمل فى ان تسامحه عبير
بينما عبير ارادت الرد على نورا بشكل عملى وترد كيدها لها الذى جاءت من أجله
امسكت عبير رأسها بيد واليد الاخرى سندت بها على الطاولة التى أمامها نظر لها مالك بلهفه وجرى عليها وحملها ووضعها على الاريكه
مالك بلهفه مالك يا عبير انتى كويسه حاسه بإيه
ونظر لنورا بعصبيه روحى هاتى مايه وحاجة تشريها بسرعه
عبير نظرت لنورا بشماته بسبب لهفه مالك عليها وادركت نورا ما فعلته عبير
نورا مالك دى بتمثل عليك ماهى زى القرده اهى
مالك بغيظ احترمى نفسك يا نورا اخر مره هقولهالك كلمه كمان واعتبرى نفسك طالق
مالك لعبير امتى حاسه بإيه طيب استنى هجبلك دكتور
عبير مالوش داعى خد مراتك وامشي
مالك انتى كمان مراتى وليكى حق عليا
عبير لأ مش مراتك يا مالك ولو عايزنى اسامحك فعلا تطلقنى عشان انا مش هدخل منازعات انا فى غنى عنها انت متستهلش يا مالك احارب عشانك كنت في ايدك وانت ضيعتنى طلقنى عايزنى أبقى مبسوطه طلقنى يا مالك
اثناء حديثهم خرج أنس من غرفته ومعالم النوم على وجهه
أنس إيه ده بابا جه تانى ولا أنا لسه نايم
ذهب مالك مسرعا واخذ أنس فى احضانه
مالك لأ مش بتحلم يا حبيبي انا بابا
نظر أنس لوالدته التى اماءت براسها بالموافقة
أنس ماما قالتلى انك كنت مسافر وقالتلى انك لما ترجع هتجبلى لعب جبتلى لعب زى ما ماما قالتلى
مالك انا فكرت فى حاجة احلى لو كنت جبتلك لعب على زوقى كان ممكن ماتعجبكش ايه رأيك نستاذن ماما ونخرج واجبلك أى حاجة تشاور عليها
أنس جرى على أمه بحماس ماما ماما انا عايز أخرج مع بابا ممكن
عبير ماشى يا حبيبي روح غير هدومك وروح مع بابا بس ماتتأخرش
ليلى وأنا يا بابا مش هتاخدنى معاك
نورا أكيد يا حبيبتي هنروح معاه
مالك لأ سيبى ليلى وتروحى على بيت ابوكى وماتطلعيش منه غير بإذنى وانا هعدى عليكى بعدين
خرجت نورا من منزل عبير وهى تشعر بغيره حارقه هى تعلم جيدا ما يدور في ذهن مالك وتعلم جيدا السبب الحقيقي خلف اختفاء مالك تلك المده وعدم تواصله مع عبير تخشى أن يبوح لها بذلك السبب فتخسره وتخسر ذلك الثراء الذى تعيش به فبلأساس مالك يشك بها
منذ مده
عند مالك وعبير جلس مالك أمام عبير أرضا
مالك عبير أنا آسف على كل كلام نورا بس صدقينى مش كله صح
عايزك تسمعى منى يمكن تعذرينى
عبير مش هسمع حاجه يا مالك انا مش هحرمك من ابنك مش عشانك لأ عشانه هو عشان هو من حقه يحس بوجود اب مايكنش يتيم وأبوه عايش ويحاسبنى لما يكبر خد ابنك وهاتله اللى هو عايزه وتجيبهولى تانى
مالك طيب تعالى معانا
عبير لأ يا مالك ومن فضلك تعمل حدود بينا وورقة طلاقى توصلنى بدل ما اوصلك ورقه خلعك
مالك حاضر يا عبير لو ده اللى هيريحك هعمله
اخد مالك أولاده وذهب لأكبر ستور لبيع لعب الأطفال وقام بشراء كل ما يراه مالك ويعجب به كانه يقوم بتعويضه عن تلك السنوات التى حرموا من بعضهم خلالها لا ينكر تقصيره معه فمالك لم يكون طوال الوقت برفقه نورا وما حدث له بدبى
كان عقاپ له على ما اقترفه في حق عبير
ياترى حكايه مالك كانت ايه فى دبى
البارت الخامس
انتهى اليوم وعاد مالك لمنزل عبير مصطحبا معه أنس وليلى دخل انس المنزل ومعه ألعاب جديدة وكثيره ذهلت عبير من كم الالعاب الذى اشتراه مالك لانس ولكن هذا بالنسبة اليها عباره عن رمله فى كومه رمال لا يعوض وحدتها وخزلانها منه طلب مالك من أنس الدخول لغرفته هو وأخته واللعب بالعابهم
وساعدهم مالك فى تحويل الالعاب داخل غرفته
خرج من غرفت أنس واتجه للحديث مع عبير
مالك عبير ممكن نتكلم لو سمحت
عبير كلامنا خلص
يا مالك اللى بينا أنس وانا مش هبعده عنك مش عشانك لأ عشانه هو
إنما انا مش هتنازل عن الطلاق وعلى فكره انا رفعت قضيه خلع فياريت تجبها من عندك بدل مشوره المحاكم
مالك طيب اسمعيني يا عبير وبعدها وعد هنفذلك كل اللى إنتى عايزاه
بس ارجوكى يا عبير وغلاوه والدتى عندك
عبير اتفضل يا مالك قول اللى عندك
مالك انا مش هعفى نفسى من الغلط أبدا بالعكس أنا معترف بكل غلط عملته وندمان عليه
عبير خلاص ولا فى حاجة تانية
مالك لا فى يا عبير خلينى احكيلك واسمعينى للأخر بدون مقاطعه
لما كنت في السنه الأخيرة فى الكلية كنت ملتزم بغياب وحضور عشان أخلص من الدراسة بتقدير عالى وارتاح فى السنه دى كنت اغلب وقتى بركب مع نورا الاتوبيس كل يوم كنا بنفضل نبص لبعض قدرت تجذبنى ليها اتقربت منها وحبينا بعض وفضلنا مع بعض لحد ماخلصت جامعه واشتغلت كمان
طلبت من امى أكتر من مره نتقدملها كانت بترفض وتقولى اتجوز عبير بنت خالتك
طيب انا فين مشاعرى فين كل ده مكنش ليه لازمه عند أمى لحد ماخيرتنى بينها وبين رضاها وبين نورا وطبعا رضاها فى أنى اتجوزك
للاسف تحت ضغط امى اتجوزتك مش هنكر معاملتى ليكى بس انا كنت مجبور طول الوقت حاسس إنك انتى وامى بتتفقوا عليا بتكتفونى كنت مخڼوق
عبير إذا كانت البنت بتختار شريك حياتها انا كولد مش من حقى كنت بتضايق من نفسى عشان طرقتى معاكى بس احساس انى اتغصبت عليكى كان طاغى على اى شعور عندى حاولت ابعد عن نورا لكن مقدرتش وعودى ليها وانجذابى كان صعب يروح وقتها لحد ما والدتى اټوفت وجاتلى فرصه السفر قررت انى اخدها ونسافر ونعوض اللى فات
صمت مالك وقام بشرب كأس الماء الذى أمامه ثم أكمل الحديث
كان ممكن اطلق او ابعتلك ورقتك وساعتها هتبقى حره منى وانا القيد اللى كان رابطتى بيكى مبقاش موجود بس مقدرتش أعمل كده كنت فاكر بجوازى من نورا هحقق السعاده اللى بتمناها واللى بدور عليها بس للأسف مكنتش بحس معاها بحاجة حتى الرغبه فقدتها لكن كنت بعلملها بما يرضى الله بعد ما سافرت واستقريت بشهرين بقيت ابعتلك فلوس مع عمر وأنتى كنتى بترجعيها وقتها حسيت انى خسرتك قررت أن فى أقرب فرصة ارجع واخدك تعيشى معايا في دبى مر حوالى ٨ شهور كنت وقتها بشتغل بكل طاقتى كنت باخد عمولات كبيرة على كل صفقه بعملها لحد ماعملت مبلغ كبير وخلاص قررت أنى انزل وحددت معاد السفر واشتريت التزاكر كمان
لكن نجاحى ده كان مضايق ناس تانيه شايفين إنهم اولى قبل معاد سفرى بيومين الحكومه الامراتيه قبضوا عليه لانى من ضمن الصفقات كان فى صفقه مشبوهه
صدقيني انا لحد دلوقتي معرفش إزاى مضيت على الورق ده
اتحبست ٣ سنين طبعا نقلت كل فلوسى لحساب نورا عشان تقدر تصرف فى غيابى قبل تنفيذ الحكم وقبل ما يصدروا أى حاجة
فضلت ٣سنين في الحبس فى الغربه حسيت إن ده ذنبك وانى اوخليت عنك وقتها الدنا اسودت فى عينى و اتقطعت كل وسائل الاتصال مكنش حد واقف جمبى غير رأفت اللى ماسك شغلى دلوقتي هناك ونورا ونورا كمان كانت حامل
رأفت مسكتش أبدا وفضل يجيب التسجيلات والامضاءات بتاعتى وكل تسجيلات الكاميرات وتواصل مع السفارة وصراحة السفير عمل مجهود كبير لإثبات برأتى بس بعد ايه
وطبعا قبضوا على المتهم الحقيقي
صاحب الشركه حاول يعوضنى رجعنى الشغل بعد ما نزل اعتذار ليه واخدت مكافئه كبيرة أوى أوى أوى
بدأت بيها
شركتى بقيت الصبح فى شغلى وبعد العصر والاجازات في شركتى غير طبعا شغلى من البيت السوق عبارة عن سمك بياكل بعضه لو غفلت لحظه واحده هرجع لمكان مابدأت بس وانا مفلس من كل حاجه سبت شغلى وركزت على شركتى فقط نجحتها وكبرتها كنت ببعتلك عمر
لكن مكنش بيدينى
