شوفت جوزي بيراسل واحدة ع الماسنجر ..

واحده كاتبه علي صفحتها:
شوفت جوزي بيراسل واحدة ع الماسنجر ، قمت حظرتها من حسابه وعملت حساب باسمها وبقيت بأراسله كل يوم واتونس بيه واتكلم معاه كل يوم بالساعات 

 بس اكتشفت ياالهوووي انه طلع مش متجوز وبيفتش على تؤام روحه ياعيني .
قلت له : ولسه مالقيتهاش
قال لي : لسه بس انتي بقيتي كل دنيتي ومعايا في الحلم وفي الواقع
قلت له : وانا كمان نفس المشاعر والله بحبك اوووي ، راجلي يانااااس احبه زي ما انا عايزة…
مع مرور الوقت طلبت منه نتجوز بس اعتذر وقالي مش حاقدر دلوقت ، في اللحظه دي روحت مزعقة فيه قلت له : انا عارفه انك متجوز وعندك ولد عنده سنتين..
قال لي : 

 عرفتي ازاي???
قلت له : انا ساحره وبعرف كل حاجه عنك حتى اهلك ولو ماحولتليش مبلغ مليون جنيه حاعمل سحر ليك ولمراتك واخليها تنشل فورا وبعدها انت تنشل كمان ، راح قافل الخط على طول
بعد لما رجع من الشغل لقاني نايمة ع الكنبة وبشتكيله الحقني ياحبيبي مش قادره احرك رجلي ولا اقف على طولي انا شكلي انشليت 

بقى يصوت ويقول حسبي الله ونعم الوكيل ويقرأ قرآن ومسح الفيس والماسنجر وغير ارقامه وباع التليفون وجاب واحد صغير مكالمات بس وبقى يمشي على الصراط المستقيم
جوزي بقى ومن حقي احافظ عليه 

ان كيدهن عظيم