عشان عامية وجوزي مش بيخلف
وقبل ما ابدا حكايتي اعرفكم بنفسي انا أسمي ندى عندي 35 متجوزة وعايشة مع جوزى في بيت عيلة فيه امه واخوه اللي متجوز في نفس البيت وفي يوم كنت رايحة انا وطارق جوزي عند الدكتور والصبح قالي
جاهزة يا ندى عشان نلحق ميعاد الدكتور انجزي بقا انا عايز اروح اشوف نتيجة التحاليل
ندى
ايوه خلاص اهو يا طارق وبعدين انت مستعجل اوي ليه كده مش فاهمة يعني ياحبيبي انا قولت لك كذا مرة انا مش عايزة اخلف دلوقتي وبعدين انت كل حاجة ليا اصلا انت ابني وجوزي وحبيبي وكل حاجة
طارق
اسمعي يا ندى انا مش هعيش طول عمري كده من غير اولاد انا عايز اولاد وانتي لازم تسمعي كلامي في اي حاجة بقولك عليها
ندى
وهو انا من امتى مش بسمع كلامك يا طارق هو انا بسمع كلام حد غيرك يعني
طارق
طيب يلا وزي ما اتفقت معاكي محدش يعرف موضوع ان في عيب عندي يعني لو امي سالت رايحين فين هاقولها اننا خارجين وبس تمام انتي عارفه ان الموضوع ده حساس وانا بضا يق
ندى
عيب عليك يا طارق انت عارفني انا عمري ما اقول لحد على اي حاجة تخصك اوي اي حاجة تزعلك انا معملهاش ياحبيبي
ونزلنا من شقتنا وكانت مامته قاعده وفاتحة باب شقتها وقالت لها
على فين يا طارق انت والمحروسة
طارق
اااا خارجين يا ماما رايحين مشوار كده وراجعين علطول انتي عايزة حاجة نجيبها لك واحنا راجعين
الام
لا يا ضنايا عايزة سلامتك والله انا مش عارفه ايه حكاية الخرجات بتاعت كل يوم دي ايه لازمتها كل يوم والتاني خروج وترجع بايديك مليانة حاجات يابني وفر فلوسك شوية
طارق
في ايه يا ماما وبعدين هو احنا يعني بنجيب الحاجات دي كده ماهي حاجات للبيت يعني البيت محتاجها خلاص بقا ياماما سبينا نمشي دلوقتي عشان هتتاخر
ونزلت انا وطارق وبعدها خرجت سلفتي من جوه وقالت لحماتي
الصراحة انا مش عارفه هو طارق بيسمع كلامها في كل حاجة اومال لو كانت جبتله عيل ولا اتنين كانت عملت ايه ياحماتي الصراحة البت دي شخصيتها قوية على ابنك اوي
الحما
بقولك ايه ي هند اصطبحي انتي كمان انا مش ناقصاكي يلا ادخلي شوفي اللي وراكي يلا
هند
حاضر يا حماتي اديني داخله اهو ماهو ناس ليها فسح وخروجات وناس ليها شغل البيت وبس
الحما
انتي بتبرطمي بتقولي ايه يا هند هو انا مش قولت لك اصطبحي على الصبح
وبعدها رحنا للدكتور وقالنا
التحاليل اثبتت فعلا ان في عيب يا استاذ طارق عندك ومش هينفع يحصل حمل خالص على الاقل اليومين دول
طارق في الوقت ده زعل اوي وقال للدكتور
يعني كده مفيش امل يا دكتور خالص
الدكتور
الأمل في الله طبعا يا استاذ طارق احنا برضو هنسيبها على الله وان شاء الله يمكن تحصل معجزة خلي أملك في الله
ندى
ونعم بالله العلي العظيم يادكتور اكيد طبعا الأمل في الله وانا حاسه ان ربنا كرمة قريب يلا بينا يا طارق
ونزلت انا وطارق وركبنا العربية وانا قولت له
انت ساكت ليه يا حبيبي ومش بتتكلم انت هتفضل زعلان كده وبعدين انا قولت لك مش عايزة ولاد
اتعصب عليا طارق وقال لي
بس انا بقا عايز يا ندى مش هسكت غير لما نخلف حتة عيل هو انا هفضل كده من اولاد ده حتى يبقا حرام
ندى
طيب ماهو نصيبنا كده وربنا هو اللي عايز كده انت هتعترض على حكم ربنا وانا قولت
لك مېت مره انا مش عايزة اولاد خلاص بقا
طارق
بس انا عايز يا ندى وسمعت ان في عمليه بتتعمل اسمها
حق
