لقيت طفل
في يوم مطر شديد لقيت طفلة نايمه قدام بابي ومعاها جواب خلاني ابكي
وقبل ما نبدا الحكايه اعرفكم بنفسي انا شروق
عندي سنه وكان عندي ابني
عندو 5 سنين واتوفي وبعد العزا
بكام يوم لقيت جوزي بيحضر شنطته
شروق
ايه بالظبط يا مصطفي هو انت كنت قاعده هنا علشان خاطر ابنك وبس مش انت قولت مش هتسافر السنه دي وهتفضل قاعد معايا
مصطفي
عايزني اقعد اعمل ايه يعني مهو انتي
ي ست هانم لو كنتي واخدا بالك من ابنك
مكنش حصل كل ده
شروق
هو كل حاجه لازم تكلمني انا بالطريقه دي
حرام عليك والله ارحمني شويه بقي
ده قدر ومكتوب وملناش في نفسنا حاجه
مصطفي
لا ليكي يد علشان خاطر قولتك الف مره
اقعدي من الشغل وانتي مش راضيه
تسمعي الكلام عجبك اللي مثل دلوقتي
وبعدها طلعت حماتي وقالت
الحما
بقولك اي با حبيبي اللي زي دي الكلام
مش هيجيب معاها نتيجه مش عايزك
تزعل نفسك انا من الاول مكنتش
حاسه ان هي بتحب الواد ده
شروق
بطلي بقي الكلام اللي بتقولي عليه
ده والله لولا انك كنتي بتيجي عليا
انا عمري ما كنت سبت ابني ونزلت فكرت في
شغل
مصطفي
بس بقى حرام عليكوا ارحموني انا زهقت من المشاكل دي وسايب لكم البلد وماشي
شروق
احب اقولك ان انت لو سبتني ومشيت انا هروح بيت اهلي انا مش هقدر اقعد مع امك
انت شايف طريقتها معايا عامله ازاي
مصطفي
اللي انتي عايزه تعمليه اعمليه يا شروق انا مسافر يعني مسافر
وفعلا بعد مشيت وروحت بيت ابويا كان
بيت مهجور بس قولت اعيش فيه
وهناك بدأت افتكر اللي حصل
فلاش باك
مصطفي قاعد بيلاعب مازن
مصطفي
خلاص بقى يا مازن سيبني ارتاح شويه مش عارفه انا تعبت ازاي
وبعدها دخلت شروق وقالت
شروق
ادخل جوه يا مازن علشان خاطر عايزهاتكلم مع بابا في كلمتين وبعدها قال
مازن
طب انا هنزل عند تيته تحت وهطلع على طول
وبعدها نزل وانا قولت
شروق
بجد يا مصطفى عايزاك تشيل موضوع ان انا اقعد من الشغل ده من دماغك احنا لازم ناخد شقه بره
مصطفي
ثاني شروقي الكلام ده طب كانت حجتك الاول ان انا مسافر بره وبتخافي لاحسن مش ابعت
ليكي فلوس اي حجتك دلوقتي
انا نزلت مصر اهو وهفضل عايش معاكم
شروق
هو انت مش شايف طلبات مامتك عامله ازاي وانت مش هتقدر تحوش قرش وانا مرتبي
مش وحش يقدر يخليني ادخل جمعيه
كبيره
مصطفي
طيب اجلي كلام في الحوار دلوقتي انتي مش
عارفه ماما ممكن يحصلها اي لو عرفت
ان هسيب ليها البيت وامشي
وبعدها تاني يوم كنت في الشغل ولقيت مصطفي بيتصل بيا
شروق
خير يا مصطفى في ايه مش قولتلك ان انا مش بعرف اتكلم في الشغل
مصطفي
الحقي ابنك يا ست هانم معرفش اكل اي
من برا وجه ليه تسمم الله يخربيت الشغل
اللي مخليكي نسينا وبعدها روحنا المستشفي
وعرفت ان ابني مات وبعد العزا
الحما
زعلانه عليه قوي يا حبيبتي لو بتحبيه بجد كنت قعدتي من الشغل ما فكرتيش انك تشتغلي وتسيبي
شروق
ارحمني بقي حرام عليكي طيب انا بديكي فلوس علشان خاطر تقدري تعملي اكل في البيت ليه خليتيه يخرج ياكل من بره
الحما
جرا اي با حبيبتي هو انتي هتجيبي المشكله
من عندي ولا اي بقولك اي اطلعي شقتك
انا مش عايزه اسمع صوتك امال
وبعدها طلعت وخرجت ناهد بنتها
الحما
مالك يا بت عامله تبصي ليا كده ليه
حاسه انك هتخديني صوره
ناهد
هو انتي مش صعبانه عليكي خالص الواد اللي راح ده ممكن يكون راح بسببك
الحما
اشششش وطي صوتك بقولك اي انا مش عايزه
اسمع كلمه منك انك سامعه ولا لا وبعدين
هو انا كان قصدي اعمل كده
ناهد
يبقي ارحمي البت اللي فوق دي بقي وبطلي
اللي بتعملي معاها ده شويه وبعدها
قامت مشيت
باك
وتاني يوم روحت الشغل و
وقابلت استاذ حسام
حسام
البقاء لله يا استاذه شروق والله انا كنت عايز اجي اعزي بس انا معرفش زوج حضرتك
وبعدين هو انتي نزلت شغل بدري ليه كده كنت قعدتي لما تكوني ريحتي اعصابك شويه
شروق
البقاء لله واحده بصراحه حاسه ان انا مخنوقه وانا قاعده في الشغل قولت انزل الشغل احسن
حسام
انا ما عنديش اي مشكله انا بس خايف عليكي والله اتفضلي روحي شوفي شغلك
وبعدها وروحت واقعد جنب عزه
عزه
هو ازاي يا حبيبتي انتي قدرتي كده تتلمي على اعصابك وتنزلي الشغل بدري ده انا الكلب اللي عندي لما مات فضلت قاعده زعلانه عليه شهر
شروق
بطلي كلامك ده يا عزه انت عارفه ومتاكده كويسه قوي ان انا كنت بحب ابني جدا بس انا طول ما انا قاعده في البيت عماله افتكره
عزه
اه مهو باين يا حبيبتي انك زعلانه عليه وبعدها بدات اشتغل وبصراحه حسام كان كل شويه بيطمن عليا علشان كان شايف ان نفسيتي
وحشه
وفي يوم راحت عزه عند حماتي
الحما
ازيك يا حبيبتي عامله ايه عاش من شافك
عزه
الحمد لله كويسه والله يا طنط انا شروق فين هي لسه ما رجعتش من بره ولا ايه
الحما
شروق يا حبيبتي من يوم ابنها ما مات وهي سايبه البيت وقاعده في بيت ابوها بتقول بغير جو بعد جوزها مسافر بقى مش عايزه تقعد معايا
عزه
مش عايزه تقعد معاكي برده ولا عايزه اكون على راحتها علشان خاطر وقت ما تروح هي وحسام محدش يقولها حاجه
الحما
ايه الكلام الغريب اللي انتي بتقوليه ده يا بنت انا مش فاهمه منك حاجه
عزه
والله انا بقول لك على اللي بيحصل بعينيا من يوم ما نزلت من الشغل وهي متغيره جدا تصدقي ان هي قلعت الاسود بعد موت ابنها بست شهور بس
الحما
معقول الكلام ده صحيح ناس تخاف مش تختشي
عزه
بالله عليك انت ما تعرفيش انا محتاجه الشغل ده قد ايه وانت لو اتكلمت معاها في حاجه هتروحي وتقول له حسام ويمشيني من الشغل لو سمحت مش عايزاك تتكلمي معاها في حاجه
الحما
متخافيش يا عزه مش هتكلم
وبعدها مشيت وحماتي جت عندي ولاحظت
ان تخنت اوي وقالت
الحما
والله يا حبيبتي اللي يشوفك قبل جوزك ما يسافر يقول انك كنت زعلانه على ابنك قوي انما ايه اللي انت عملتيه في نفسك ده ده انتي تخنتي جدا
شروق
هو في ايه يا حماتي بالظبط مالك جايه عماله تتكلمي معايا كده ليه
الحما
جايه اقول لك يا حبيبتي هترجعي بشقتك تاني يا اما هخلي ابني يرمي عليكي يمين الطلاق هو انا مش واثقه انتي بتعملي ايه وانتي عايشه
لوحدك هنا
شروق
انا مش هسمحلك تكلميني بالطريقه دي تاني انت سامعه ولا لا ولو عايزه ابنك يطلعني خليه يطلقني
الحما
يبقي فعلا الكلام الي سمعتو عليكي صح عاوزه تفضلي قااعده في بيت ابوكي علشان تمشي علي حل شعرك بس انا مش هلبس لابني قروون علشان جنابك
شروق
اي الكلام العبيط ال انتي ده انا لحد هنا مش هسمح ليكي انتي سمعتي
الحما
ماشي يا شروق ما ابقاش انا الا لما خليت مصطفي يطلقك ويتجوز ست ستك
وخليكي قاعده هنا ما ده المكان الي يشبه القرف الي انت كنتي بتعمليه وبتروح ماشيه
وبعد شويه بسمع صوت رعد وبرق والدنيا بتبدا تمطر
شروق
يا خبر هتصرف الزاي دلوقتي البيت قديم قووي واكيد الدنيا هتتبهدل هتصرف الزاي انا دلوقتي
استرها يا رب وفجاءة بسمع صوت طفل عمال يعيط
شروق
هو انا بيتهيالي ولا اي وبفضل اقرب من الصوت لحد ما بقرب من بابت البيت وبلاقي الصوت بيزيد
واول ما بفتح بلاقي الصدمه طفله صغيره قدام البيت والمطره مغرقاها
شروق بصدمه
يا خبر مين الي معندوش قلب
