حكاية مازن
خرجت تشتري حاجة
مازن ماما جوة يا عمو و مش راضية تصحى!
الدكتور بيطلع الموبايل
و يتصل بالنجدة و يحكيلهم الموقف
ردوا عليه انه لازم
يدور على الاب الاول لأن مفيش اي حاجة تستدعي كسر الشقة قانونيا
الدكتور واجه لحظة قرار
يصدق طفل عنده ٥ سنين و يكسر باب الشقة و يشوف في ايه
ولا هيجيب لنفسه مصيبة ممكن توصل لقضية كسر و اقتحام
بص ف وش مازن و دموعه اللي لسه مانشفتش
و حاجة غير معروفة جواه حسمت القرار
حاجة مالهاش تفسير و مش موجودة ف اي علم
واحد من الجيران نازل شاف الدكتور واقف قدام باب الشقة و مازن ف إيده
صباح الخير يا دكتور خير في حاجة
الدكتور حكاله الموقف
الجار قال للدكتور مايخافش و انه هيتحمل اي مسئولية و هو اللي هيكسر الباب بس لازم ينادي مراته تكون موجودة معاهم
الجار طلعو جاب مراته و خبط على كذا شقة ف العمارة عشان يكون اكبر عدد من الجيران موجودين
كسروا باب الشقة و دخلوا
مازن
جري على أوضة النوم
الجار طلب من مراته تدخل هي الاول عشان تتاكد ان مامت مازن لابسة لبس لائق قبل ما هما يدخلوا
الجارة غطت مامت مازن كويس و نادت عليهم يدخلوا
الدكتور مسك إيد الام و لقى نبضها ضعيف جدا
مسك رأسها يهزها و لاحظ كدمة كبيرة ورامة ف جنب راسها
اطلبوا الإسعاف حالا!
اللي حصل كان أنه في نكران جميل من والد مازن
ناحية زوجته واللي اتحوزته واتحملت ظروفه الصعبه يومها وهو راجع من الشغل متأخر
لقى مراته بتجهز العشا
ايه دا قول وبيض وبتنجان
ايوه
وليه مطبختيش
منين بس
يعني ايه منين اتصرفي
ازاي طيب
مش انتي اللي ماسكه ميزانية البيت
ايوه بس الدنياغلا والاسعار كل يوم نار
مليش فيه منا طول النهار مربوط في ساقيه
عشان اكفيكي
انتي وابنك
ماهو ابنك انت كمان
انتي هتردي عليا ولا ايه
انا خلاص تعبت وجبت أخري
انا اللي زهقت منك ومن زنك ونكدك ليل ونهار
متبقيش ليه زي الستات الناصحه اللي بتعرف
توفر
وتمشي أمور بيتها
منا بعمل اللي بقدر عليه بس الفلوس مش بتكفي
دي حاجة مش بايدي
خلاص انزلي تشتغلي وساعدي
ياريت هو انا قولت لا
كل ما بقولك بترفض وتقول مش هسمح لمراتي تنزل الشغل
اعمل ايه منا كمان مش لاقي حل
وبعدها حصلت مشادة بينهم
وبابا مازن اتخانق مع الام قبل ما ينزل الشغل عشان زرار قميص كان واقع من الاسورة و هي نسيت تخيطه
و كعادته ضربها بالقلم بعنف على راسها بس الضربة كانت جامدة بزيادة المرة دي
ولما وقعت من طولها مغمى عليها
شالها و راح الشغل
مامت مازن جالها ارتشاح ف المخ لان الزوج دايما يضربها على راسها كل مرة
مامت مارن كانت ف غيبوبة عشان حصل تجمع سوائل و نزيف داخلي ف المخ
مامت مارن كانت ممكن تموت لو مازن مكانش راح جاب الدكتور
مامت مازن كانت خايفة تطلب الطلاق لأسباب كتير
مامت مازن كانت بتستحمل ضرب و اهانة بشكل شبه يومي
و مع ذلك عايشة و مكملة حياتها
عشان الفلوس لان معندهاش مصدر دخل
عشان الزوج مايحرمهاش من مازن
عشان خايفة من مستقبل مجهول
عشان كل ما تشتكي ل أمها أمها تقولها أقذر رد ممكن يتقال ف الموقف ده
معلش استحملي عشان ابنك
الجيران اصروا ان مامت مازن ترفع قضية ضرب و شروع ف قتل
مامت مازن اتطلقت بس اتنازلت
عن القضية عشان ماتدخلش ابو ابنهاالسجن
و اخدت حضانة مازن عشان تعلمه أصول الرجولة الصح
تمت
