منى فندي حليفة ابلـيــس
منى فندي حليفة ابليس
في التمنينات ب ماليزيا ظهرت مطربة اسمها مازنة اسماعيل المطربة دي سابت الغناء بعد ما فشلت واشتغلت ساحرة! و بقت اشهر واقوى ساحرة اتحلفت مع الشيطان..
وقدمت قربان بشړي للشيطان !
حكايتنا النهاردة بتبدأ في سنة 1956 لما اتولدت واحدة اسمها مازنة اسماعيل مازنة من وهي صغيره كان صوتها حلو اوي وبتحلم انها تكون مطربة مشهوره.. ولما كبرت عملت اول البوم غنائي ليها.. لكن للاسف الالبوم فشل.. لكنها مايأستش.. وعملت البوم تاني وبرضه فشل.. فهنا دخلت في حالة اكتئاب شديدة.. لحد ما اتعرفت على رجل اعمال اسمه محمد فندي اللي اعجب بصوتها جدا.. وكمان حبها وقرر انه بيتجوزها.. فعرض على مازنة انه هيعملها البوم وكمان فيديو كليب.. وعرض عليها كمان الزواج.. و طبعا مازنة وافقت لانها فرصة كبيره ليها ومستحيل تضيعها.. زوج هيكون معاه فلوس كتير يقدر يصرف على انتاج البوم قوي وبكده تحقق حلمها..
اتجوزوا
فعلا واتغير اسم مازنه عشان يبقى اسمها الفني منى فندي واتعملها البوم وفيديو كليب.. لكن للأسف الالبوم والفيديو كلب فشلوا!..
بعد فشل منى فندي المستمر دخلت في حالة اكتئاب شديدة.. وده خلى جوزها محمد فندي انه يدور على حل لمشكلة مراته.. وفعلا لقي الحل عند واحد من اللي بيشتغلوا معاه وكان اسمه جيرمي حسن جيرمي قاله ان الطريقة الوحيدة اللي هتوصل بيها منى فندي لحلمها.. هو انها تعمل سحر يخليها مشهورة وعندها قبلوا وسط الجماهير.. وفعلا محمد فندي دور على ساحر لحد ما وصل لاقوى ساحر في ماليزيا.. وعملها السحر.. وبعد وقت قصير بدأت تتعرف ونجح اول البوم ليها.. فهنا منى قررت انها تتعلم السحر عشان تعمله بنفسها بدل ما تستنى حد يعملهولها.. دورت على ساحر اقوى.. ووصلت له وبفلوس جوزها الساحر بدأ يعلمها كل فنون السحر لحد ما اتقنتوا.. وفتحت مدرسة خاصة بيها للعلاج الروحاني..
منى نسيت حلمها انها تكون مطربة مشهورة
لانها حققت شهرة اكبر وفلوس اكتر في السحر الاسود.. لدرجة انها اشترت قصر كبير وكان بيجلها ناس من كل فئات المجتمع الماليزي.. اغنياء وسياسيين ومشاهير الفن.. كل الشخصيات المهمة دي اللي من اعلى طبقة في ماليزيا.. قالوا لمنى انهم عايزين جلسات السحر تكون سرية عشان محدش يعرف هما بيعملوا ايه.. لان اغلب اللي بيجولها بيعملوا اعمال شړ يعني مثلا فنانه متغاظة من زميلة ليها وعايزه تبعدها من الساحة فتروح لمنى فندي تعملها سحر.. فعشان كده كانوا عايزين الجلسات سرية.. فاللي عملته منى انها عملت غرف سرية تحت القصر صعب حد يوصلها.. غرف زي السراديب كده!..
فضلت منى فندي تشتغل في اعمال السحر لحد ما جالها واحد اسمه مازلان إدريس شخصية سياسية وعضو في مجلس الدولة عن دائرة باتو تالام.. زارها في قصرها وطلب منها
انه عايز يكون رئيس ماليزيا! منى فندي اول ما سمعت اڼصدمت.. سكتت ومارددتش عليه.. لكن مازلان قالها هديكي
كل الفلوس اللي هتطلبيها بس أكون رئيس لماليزا.. منى قررت ماتفوتش الفرصة دي من ايديها.. فقالت له يسبها كام يوم وهترد عليه.. فعلا سابها مازلان وبعدها اتناقشت مع جوزها محمد فندي والمساعد جيرمي حسن عن اللي هيعملوه.. لحد ما وصلت منى للحل.. وهو انها هتوهم الراجل ده ان معاها قبعه لرئيس اندونسيا السابقة.. قبعة مسحورة هتخليه مش رئيس ماليزيا بس.. هتخليه اقوى شخصية في ماليزيا كلها!
بعد تلات ايام جه مازلان على الميعاد.. وقالت له انها عملتله قبعة مملوكة لرئيس اندونسيا السابقة سوكارنو اللي بالمناسبه القبعه دي كانت فعلا مع رئيس اندونسيا ومكانتش بتفارق راسه.. فهي استغلت الحته دي بذكاء!..
وقالت له ان القبعة دي عليها تعويذة هتخليه لما يلبسها كل الشخصيات المهمة حواليه ويحبوه.. وبعدها بسهوله هيكسب انتخابات الرئاسة! مازلان فرح وانبهر بالكلام.. واتفقوا على المبلغ اللي كان وقتها بيقدر ب 500 الف رينغت..
