اخوها كان تحت السرير
داخل اوضتي اصلي راجع من الشغل تعبان
ودخلت خالد اوضتة ورجع محمود من برة شايط ومخڼوق وعمال يزعق ويقول
انتي يابدرية انتي ياهانم
خرجت له بدرية من المطبخ بسرعه وقالت له
في ايه يامحمود جرا ايه انت مالك داخل يذعابيبك كده ليه ياراجل الله
محمود
انتي كان عندك راجل هنا في البيت قبل ما اجي يا بدرية مش كده ولا ايه
بدرية
يانهارك اسود راجل انا كان معايا راجل انت اټجننت يا محمود انت ازاى تتهمني اتهام زي ده ده انا هخرب بيتك
محمود
بقولك ايه يابت انتي هتعمليهم عليا ولا ايه ده الراجل اللي قدامنا مركب كاميرات في الشارع
خرج خالد من اوضتة وطبعا صدق لانه هو كمان كان شاكك وقال لمحمود
طيب وانت عرفت منين الكلام ده يا محمود قبل ما تظلم اختي لازم اعرف انت عرفت منين وايه دليلك
محمود
انا في ناس قالو لي يا خالد علي اللي اختك بتعمله والبيت اللي في وشنا مركبين كاميرات مراقبة
خالد سمع الكلام راح عليها قام ضربها بالقلم على وشها وهي قالت له
انت بتصدق كلامة يا خالد ده كداب انت تصدق على اختك كده برضو
خالد
ايوه أصدق عليكي واخرسي خالص ومش عايز اسمع لك صوت انتي فاهمة وانت يامحمود شوف اللي يرضيك ايه واعمله وانا معاك فيه
محمود
أطلقها ومش عايزها على زمتي وتمشي انت وهي من البلد بحالها عشان الڤضيحة والعاړ اللي صابني ده
خالد
وانا موافق يا محمود يلا بينا يابدرية نروح نشوف مكان تاني في بلد تانية
بدرية بټعيط
كده يا خالد كده خليتة يطلقني ياخويا ماشي ياخالد ماشي وانت يامحمود انا مش هسيبك انت فاهم
واخدت بدرية اخوها خالد وولادها ومشيت راحت بلد تانية مرضتش ترجع بلدها وكان معاها ذهب وقال لخالد
اسمع ياخالد انا معايا حتتين دهب انا هبيعهم ونشتري بيت هنا في البلد دي اهي محدش يعرفنا فيها وهنعيش هنا وخلاص
خالد بزهق وضيق
اللي تشوفيه اعمليه انا مش هاقولك لا على حاجة انتي دلوقتي واحده مطلقه بس يكون في علمك انا بعد الڤضيحة اللي عملتيها لي دي انا مليش دعوة بيكي خالص بس اياكي تعملي الغلط تاني
بدرية
لا لا غلط ايه بقا ياخالد انا عمري ما عملت حاجة غلط ماشي
خالد
انتي ليكي كمان تتكلمي وتقولي انك معملتيش حاجة والله انا ماعارف اقولك ايه بس الله يسامحك يا بدرية يابنت ابويا وامي
وعدت الايام ورجعت بدرية تشتغل تاني في الخضار وفضلت توسع تجارتها لحد في يوم قالت لخالد
بقولك ايه انا قررت اجيب شباب اللي هما بيشتغلوا في المصنع اللي في البلد ده قررت اخليهم يجو ياحرو في البيت معانا اصلا
خالد
شباب ايه يا بدرية انتي عايزة تدخلي شباب غريب البيت
بدرية
يعني ايه يا خالد هو انت هتقولي مين يدخل هنا ومين لا لا ياحبيبي انت هنا تسمع الكلام وبس وملكيش دعوة بحاجة ابدا انت فاهم
خالد
لاااا انتي كده شكلك مش ناوية تجبيها لبر بقا يا بدرية انا هرجع البلد واروح لعمك وهو يجي بقا يشوف له صرفه معاكي ده انتي خليتها زفت خالص يا بدرية
بدرية
انت رايح فين يا خالد رايح فين بقا انت هتسبني وتروح لعمك اللي عمره ماسال علينا بكلمة واحده انت شكلك جرا في مخك حاجة ولا ايه
خالد
سبيني يا بدرية
