قصة الموظفة والسكيورتي كاملة بقلم حماده هيكل

الساعه كانت 4 وخلاص بجهز عشان امشي ومسكت شنطتي ..لقيت مستر حسام المدير بيقولي 
معلش يا مدام إيمان ..النهارده هتتاخري شويه 
في فايل مهم عاوزك تراجعيه ويكون بكره الصبح على مكتبي 
ابتسمت بعيد وانا بقول ..اوك تمام يا مستر 
معلش هو مش هياخد وقت معاكي 
تمام هشتغل فيه فورا 
كل الموظفين مشيوا في خلال نص ساعه ومفضلش غيري انا وعم سعيد الساعي 
معلش يا عم سعيد فنجان قهوة مظبوط عشان افوق شويه 
تحت امرك يا أستاذه 
اتصلت على جوزي 
اسفه يا حبيبي انا هتاخر شويه في الشغل
اتغدا انت وتابع مذاكرة الولاد 
ومتنساش معاد الدوا بتاع منه على 6 بالظبط 
حسيته اتقمص شويه ..بس اعمل ايه ڠصب عني 
دقايق وعم سعيد جاب القهوة 
تؤمري بحاجة تاني يا ست الكل 
لا متشكرة اوي يا عم سعيد ..اتفضل روح انت 
ليه خليني معاكي احسن تحتاجي اي حاجه كدا ولا كدا 
لا انا تمام اوي القهوة معايا ..تسلم ايدك 
طيب انا هبلغ رأفت السكيورتي أن حضرتك فوق 
عشان لو احتجتي اي حاجه 
اوك شكرا يا عم سعيد 
خرج وقفل الباب وراه 
وانا اخدت بوق قهوة ومسكت الملف 
اممم …واضح أنه محتاج شويه وقت 
ع البركه 
خلعت الجزمه وقلعت الطرحه بعد ما قفلت الباب من جوه واستعديت للشغل 
فات ساعه فتحت الواتس ..جوزي قالي أنه جهز الغدا 
وعمل عصير للولاد عشان يذاكروا 
شكرته وأكدت عليه مينساش معاد الدوا 
قالي متقلقيش حاضر 
قفلت النت ورجعت اكمل شغلي عشان انجز ومتاخرش عليهم 
كانت الشمس غابت ..والشباك جايب برد 
قفلته وشديت الستاره ..وشغلت النور 
المكان مفتوح شويه ..حسيت بسقعه 
قفلت الجاكيت ولمېت شعري وحطيت فيه توكه 
ورجعت اكمل شغل 
دقايق ونور المكان بدأ يرعش 
استغربت جدا ..وبعد ثواني ثبت تاني 
وبعدين سمعت صوت خبطه جايه من ناحية البوفيه
حسيت بتوتر وقولت مين !!
مفيش رد 
قولت يمكن قطة أو حاجه وقعت 
حاولت ارجع اركز ..لكن صوت الخبطة رجع تاني 
قومت من مكاني مفزوعه 
بخطوات مهزوزه اتحركت ناحية الصوت 
وانا من غير جزمه ..حسيت بسقعة الأرض..و لما قربت من البوفيه لقيت صوت الخبط وقف 
قربت اكتر وبصيت بسرعه ملقتش حاجه 
لكن بعدها حسيت بحد واقف ورايا ..
جسمي ارتعش ونبضات قلبي زادت جدا 
شهقت بصرخه عاليه وبصيت لورا
لقيت رأفت السكيورتي
بلعت ريقي وانا بذقه بعيد..انت بتعمل ايه هنا 
وقالي انا اسف جدا والله يا أستاذه 
مقصدتش أخوفك 
رد عليا بتعمل ايه هنا وسايب مكانك تحت 
مفيش انا بس لقيت النور رعش ..وبعدها سمعت صوت خبط فوق..قلقت وجيت اشوف في ايه !!
حسيت بنظرة في عيونه مش مريحاني 
رغم أن كلامه منطقي ودا شغله أصلا 
ولما لقاني ساكته كمل وقالي 
وكمان عم سعيد وهو خارج وصاني اخد بالي من حضرتك 
احسن تكوني محتاجه مساعده 
كان بيتكلم وهو مركز فيا 
اخدت بالي اني بشعري 
جريت بسرعه وحطيت الطرحه على دماغي 
قالي معلش اسف لو كنت خضيتك
عموما انا انا موجود تحت ولو في أي حاجه محتجاها مني 
تحت امرك 
لسه هيخرج سألته
هو انت دخلت ازاي وانا قافله من جوه 
طلع مجموعة مفاتيح وقالي 
نسخ المفاتيح كلها معايا ..
ابتسم ابتسامه

مريبة مغلفة بالود المصطنع
وهو بيقول بعد اذن حضرتك 
اخدت نفسي بشكل سريع وانا بحاول أتمالك اعصابي 
بعد الموقف دا 
ودقايق كنت هديت ورجعت اكمل شغلي 
نص ساعه كمان فتحت نت جوزي بعتلي واتس أن منه خدت دواها وبيطمنوا عليا ..طمنتهم ..خلاص ساعه وراجعه 
خلصت ورجعت البيت 
اخدت شاور وشربت حاجة دافية وجوزي 
جه جنبي وقالي مالك وشك مخطۏف ليه 
مفيش إرهاق بس من الشغل 
طيب تحبي اجهزلك لقمه 
لا انا شويه واعملي سندوتشين كدا 
طيب انا بره هسيبك ترتاحي 
خرجت بعدها عملت سندوتشات لينا كلنا وقعدنا شويه قدام التلفزيون ..
وبعدها دخلوا الولاد يناموا عشان مدرستهم 
وعلى ١١ ونص دخلت انام انا وجوزي 
هو يدوب حط ماغه ع المخده وراح في النوم 
شويه ومسكت الفون بتاعي اقلب في الصور 
عيطت وانا بشوف صورته على موبايلي 
وبقول هو اللي عمل في نفسه كدة .مش انا 

قبل ساعتين 
كنت نازله من الشركه ولقيت فرد الأمن سعيد خلص الشيفت بتاعه وفي حد بداله كان واقف 
ركبت عربيتي وبعد كام متر ..لقيت سعيد واقف ع الطريق بيشاور لي اقف 
استغربت جدا ..وقفت ونزلت ازاز العربية 
ممكن اخد من وقتك ٥ دقايق بس 
خير في ايه 
ممكن بس اوعدك مش هزود عن كدا 
ايوه في ايه اتكلم 
الموضوع بخصوص استاذ عادل جوز حضرتك 
انت تعرفه 
ايوه طبعا ..دا كان صاحبي 
صاحبك 
طب ممكن اركب كدة مش هينفع الكلام في الشارع 
فتحت الباب وخليته يركب 
ايه الحكايه بالظبط 
اتحركت بالعربيه وهو بيقول 
بداية معرفتي بزوج حضرتك في الشركه اللي انا كنت شغال فيها قبل دي ..انا وهو اصلا كنا صحاب زمان من ايام الطفوله 
وهو كان اقرب صاحب ليا في صحابي كلهم
لما كبرنا كل واحد دخل مجال مختلف 
والحياة فرقتنا عن بعض 
هو استلف مني مبلغ ٥٠ الف ج عشان يعمل بيهم مشروع الكلام دا من عشر سنين او اكتر 
غريبة هو عمره ما قالي حاجه زي دي 
والاغرب أنه بعد فترة بطل يرد على مكالماتي ورسايلي 
ويتهرب من سداد الدين 
ولما وصلتله مكان شغله ثبتني ومشاني 
وقالي ظروف ومتقلقش حقك محفوظ
جوزي انا عمل كدا معاك 
وبعد فترة قالي مش هقدر ارجع فلوسك في الوقت الحالي 
الوضع عندي مش احسن حاجه 
بسمعه وانا مندهشه
كمل كلامه معايا وقالي على فكره انا مسامحه
عشان ..
عشان ايه 
عشانك 
نعم 
أقصد عشان حضرتك 
انت بتقول ايه 
. وقفت العربيه قولتله
انت قليل الادب 
كنت في طريق شبه مقطوع ع الدائري 
انا ولا اعرف جوزك ولا عمري شوفته 
انت اكيد مچنون 
من اول يوم شوفتك في الشركه وانا اتعلقت بيكي
حبيتك ..عشقتك ..عشان انتي شبهها
ولازم تحبيني 
شبه مين 
مراتي سابتني 
وبقالي سنين بدور عليها 
وما صدقت ما لقيتك ولقيتها فيكي وحشتيني اوي 
فكرت بسرعه وقولتله
طب ممكن تهدأ يا حبيبي 
انت كمان وحشتني بجد 
ابتسم وقال 
بجد وحشتك 
اكيد طبعا 
مټخافيش دا عشان احميكي بيها
دي شكلها يخوف خالص 
لا
مټخافيش منها 
طيب خلاص خليها معايا 
قولتها بدلع ..فمد ايده وقال 
أهي اتفضلي 
مسكتها وهددته بيها 
انزل من العربية بسرعه 
انزل فين 
انزل بقولك ھقتلك
مش هتقدري 
ھجم عليا ومعرفش ازاي جات لي الجراه 
بعد ما وقفت تسجيل الصوت اللي
شغلته من وقت ما بدا يحكي معايا عشان أواجه جوزي بكلامه لما كنت مصدقه روايته في الاول 
وبعدها فتحت باب العربية 
وزقيته منها بسرعه وقفلت الباب وكملت الطريق بسرعه چنونيه ..وقبل البيت بشويه نضفت نفسي وكرسي العربية بمياه ومناديل ورميتهم في اقرب صندوق ژبالة 
سمعت صوت خبط على باب الحمام 
حبيبتي انتي كويسه 
مسحت دموعي وخرجت بسرعه 
انا تمام متقلقش
يلا نكمل نوم 
بعد كم يوم كنت عايشه فيهم في ړعب 
دخلت الشركه ..لقيت ورقة نعي 
وعليها صورة رافت السكيورتي 
سألت عم سعد 
قالي أنهم لقوا جثته ع الطريق 
وفي چرح في رأسه ناحية العين كدا تقريبا 
ومحدش عارف دا حصل ازاي 
والقضية صعبه وغالبا هتتقيد ضد مجهول
سرحت وانا مبتسمه ومردتش عليه 
استغرب من رد فعلي وقال 
في حاجه يا مدام 
لا ابدا ..ممكن تعملي قهوة 
تمت