اللعبه بقلم حماده هيكل

شوية ودخل وليد وهو معاه الشاي
اتفضل يا فتحي
معلش انا تعبتك وازعجتكم النهارده
عيب يا راجل انت في بيتك مقولتليش بقى
ايه اخبار دفعتنا ايام الميري لسه بتكلم حد منهم
ها لا مش بكلم حد خالص
انا على تواصل مع أحمد يسري فاكرة
احمد يسري اه اه فاكرة
طب ايه رأيك انا هكلمه هو سهران
مش لبنان بدري هخليه يكلمك
لا ملوش لزوم
لا هكلمهمسك موبايله واتصل على احمد
الو ايوه يا احمد اخبارك ايه
انا تمام الحمدلله مش هتصدق مين قاعد معايا
هنا
ايه مش سامعك علي صوتك طب أستنى
هفتح الاسبيكر
عارف مين قاعد معايا دلوقت
مين
مش هتصدق
مين يا بني
فتحي غانم
بتقول مين !!
بقولك فتحي غانم دفعتنا 
انت بتهزر صح
لا هو معايا اهو فعلا
يابني فتحي غانم ماټ في حاډثة من كام شهر
هو كان عندي على الفيس
سمعت الجملة دي وافتكرت اللي حصل
لما كنت راجع للبيت وراكب عربيتي
وكان في عربية نص نقل جايه قصادي
وبكل سرعتها حاولت اتفاداها لكن معرفتش
والعربية اتقلبت بيا ووقعت بيها من ع الكوبري
وڠرقت!!
دلوقت انا فهمت انا ليه كنت مركز اوي مع اللعبة
بتاعت الولد لاني حسيتها مش لعبة عادية
وليد كان بيتكلم وهو مذهول ومش مصدق اللي بيسمعه
وبص جنبه لقاني أختفيت انا والعربية اللعبة
بتاعت ابنه
وليد انت معايا وليد !!
قفل وليد السكه وهو مش مصدق اللي حصل
كان في حالة دهشة كبيرة وفضل يقول
طب ازاي !! دا كان معايا وبيكلمني
واتعشينا مع بعض ولسه كنا بنشرب الشاي
وبعدها فضل يربط الخيوط ببعضها
نظراتي لابنه وهو بيلعب بالعربية
ولما زعقت وجريت عشان اطلع اللعبة من البانيو
وسؤاله ليا كنت رايح فين قبل ما أعدي عليه
وانا بقوله مش فاكر
قطع حبل افكاره
صوت جرس الباب راح فتحه
ولقى الميكانيكي بيقوله حضرتك استاذ وليد ابو الفتوح
ايوه انا !
في واحد صاحبك كان فات عليا من ساعتين
ومعاه عربية فيها مشكلة قالي انه هيعدي عليك
لحد ما اخلص العربية وانا وصفتله عنوان الحارة
وقالي على اسمك وان بيتك قصاد قهوة طلبة
بس لما اتاخر عليا اضطريت فتحت العربية واكتشفت
أن رخصة العربية باسم وصورة واحد تاني
غير اللي كان عندي واضح كدا انه سارق العربية
هو جه عندك
ها لا لا مفيش حد
عندي وانا معرفش حاجه
عن الموضوع دا
طيب انا هبلغ الشرطه عن وجود عربية مسروقه
هقولهم اوصاف الراجل اللي جابها عندي
وهما
بقى يعرفوا يجيبوه بطريقتهم اسف على الازعاج
قفل الباب
وهو بيقول
مستحيل مستحيل
حد يعرف يجيبه ولا يقبض عليه
تمت
اللعبة
حماده هيكل
ياريت تعملوا شير ومنشن كتير تقديرا لمجهودي في الكتابة
عدد كبير مش بيتفاعل مع القصص وبيقرأ في صمت وده للأسف بېهدد استمراري في الكتابة لأن تفاعلك ودعمك هو اللي بيخليني أشتغل على نفسي أكتر وأكتب حاجة ترضيك وترضيني فمن فضلك تفاعلك بيفرق
تمت
أتمني القصة تكون عجبتكم