وانا بغــسل حماتى
ما تعملي نفسك ست البيت
نوسة بلطف
ده بيت جوزي يا طنط وأنا بعمل أكل لينا كلنا.
فوزية بتريقه
جوزك! اللي لسه انا مش مصدقه إنه اتجوز واحدة زيك! على فكرة إنتي خربتي بيتنا وخليتي ابني يتمرمط.
نوسة پصدمة
إيه الكلام بتقوليه ده أنا مالي ولا عملت ايه انا
نوسة پصدمه
انتي بتقولي إيه انتي أنا عمري ما عملت حاجة غلط وكل الناس عارفة ده وابنك اول ما حد عارف
فوزية
استني عليا بس اما وريتك انا هعمل ايه
وتمشي فوزيه بكل حقد وكره ونوسه تتصل علي حوزها حازم وتقوله
نوسة
حازم أمك بتظلمني وبتقول كلام مش حقيقي لدرجت انها خلت سيرتي في كل الحاره
حازم
بصي أنا عارف إن أمي ساعات بتكبر المواضيع بس خليكي إنتي أهدى منها انا مش عايز مشاكل معاها
نوسة بۏجع
تهدى إيه ! وده كلام صعب يا حازم إزاي تسكت عليه
حازم
نوسة مش هينفع أقول لها حاجة دي أمي قولتلك
نوسة. بدموع
وأنا مراتك! ولازم تدافع عني.
وفي نفس الوقت نوسه تسمع صوت لفوزية بتتكلم مع جيرانها في الحارة وتقول
فوزية بصوت عالي
اسمعو يا حاره انا قفشت مرات ابني اسمعو وشوفو
واحده من الجيران
اغوذو بالله ايه اللي بيحصل في الدنيا خليه يطلقها ومشيها من البيت
فوزيه
هو ده اللي هبحصل انا من الاول مكنتش راضيه عن الجوازه دي بس انا هصله. كلو دلوقتي
وتروح فوزيه تجيب نوسه اللي واقفه قدام باب البيت ومصدمه من اللي بتشوفه وتسمعه لمه تلاقي فوزيه قربت منها تقولها
نوسه بإنهيار
حرام عليكي انتي بتعملي ليه كدا ليييه انا عملتلك ايه
فوزيه بصوت واطي
هو كدا كيفي كدا انتي مش عجباني
وراحت فوزيه مسكتها من شعرها ورمتها في وسط المنطقه وقالت
فوزيه بكل جبروت
يلا غوري انتي من هنا مش عايزين نشوف وشك تاني
وتسيب فوزيع نوسه في وسط الحاره وتدخل البيت وتقفل الباب في وشها
عوده للوقت الحاضر
نوسة تبكي بحړقة قدام فاطمة وهي بتحكي اللي حصل
نوسة
شفتي بقى شفتي قد إيه هي دمرتني طلقتني وشوهت سمعتي خلتني أهرب أنا وأهلي من البلد وعايزاني دلوقتي أدعي لها بالرحمة!
فاطمة بحزن
نوسة أنا فاهمة قد إيه هي ظلمتك بس الظلم ده ما راحش عند ربنا شفتي بنفسك اللي حصلها. الدعاء مش ليها لوحدها ادعي عشان نفسك كمان عشان ربنا يشفي جروحك.
نوسة بتنهد وهي تبكي
أنا مش قادرة الچرح كبير أوي يا فاطمة.
فاطمة تحاول تهديها
الزمن بيجبر كل الچروح بس خليكي متأكدة إن ربنا ما بيظلمش حد. ادعي واطلبي من ربنا يريح قلبك مش عشانها الدعوة عشانك إنتي الظلم اللي حصل لك ربنا شافه ورده شفتي منظرها وهي خارجة دي كانت عبرة لكل اللي شافها.
نوسة تمسح دموعها
والله يا فاطمة أنا كل يوم كنت بدعي ربنا ياخدلي حقي. كنت فاكرة إن حقي عمره ما هيرجع بس شوفتي ربنا رجعه.
فاطمة. بحزن
وده اللي أقصده ربنا عادل. إنتي دلوقتي اللي محتاجة تستريحي. كل اللي حصل خلاص انتهى عارفة إن جواكي ألم كبير بس الظلم ما بينتهيش بالعند أو بالكره لو فضلتي شايلة الغل ده هتفضلي تعبانة. سامحي عشان نفسك
نوسة. بتمسح دموعها وهي بتتكلم بنبرة مکسورة
انا فاكرة لما كانت تدخل عليا كل يوم تشتمني قدام جوزي فاكرة لما اتهمتني وخلت الناس كلها تتكلم عني فاكرة لما سابتني أنا وأمي نبكي على الأرض زي الشحاتين وهي بتضحك
فاطمة. تهز راسها بحزن
كل ده وكل اللي عملته ربنا شايفه. هي دلوقتي بين إيده وإحنا مش هنقدر نغير حاجة حصلت لكن نقدر نغير اللي جوانا.
وهنا نوسة تبص لفاطمة وهي مترددة كأنها بتحاول تستوعب الكلام. تقعد شوية في
صمت وبعدين تقول بصوت
ضعيف
نوسة
يمكن يمكن أقدر
