ابويا
ورحت المكان اللي هو كان عايزني اروقه ولقيت ست كبيره
رقيه
مساء الخير انا شوفت اعلان على النت ان انتم طالبين واحده تروق الشقه هنا وانا جيت
الست
اهلا بك يا حبيبتي تعالي اتفضلي وبعدين دخلت ولقيتي شقه نظيفه جدا
رقيه
على فكره انا شايفه شقه كويسه جدا مش فاهمه هو ايه بالظبط اللي محتاج يتعمل
الست
انا عارفه يا بنتي ان الشقه نظيفه بس انا محتاجاك في حاجه ثانيه جدا واتمنى ان انت ما تقوليش لا
رقيه
مش فاهمه قصدك حضرتك عايزه ايه بالظبط وطالما الشقه مش محتاجه حاجه كده نزلتي ليه الاعلان
الست
انا عايشه لوحدي هنا وبجد اتخنقت عيالي ما بيفكروش يسالوا عليا خالص عايزه واحده بس تيجي تقعد معايا كل يوم لاني خلاص بدات اكلم الحيطان والله
رقيه
يا خبر ابيض معقوله حد يبقى عنده ام كويسه كده زيك وفي الاخر يعمل كده
الست
كثر خيرك يا بنتي انا بالنسبه ليكي كويسه بس بالنسبه لغيرك لا المهم يا حبيبتي قولي لي انت اكلتي ولا ما اكلتيش
رقيه
الحمد لله شبعانه تحبي اعملك اي حاجه تاكليها
الست
تعالي ندخل المطبخ ونعمل الاكل اللي انت عايزاه وبعدها دخلنا وفي الوقت ده البواب
اتصل علي بنت الست وقالها
عبدو
ازيك يا مدام فاطمه عامله ايه في واحده طلعت عند مامتك دلوقتي وبقى لها يجي ساعه كده وما اعرفش هي مين دي
فاطمه
وانت ازاي تخليها تطلع اقفل السكه انا جايه حالا وبعدها اخدت اختها وراحت
فاطمه
ممكن اعرف مين دي يا ماما بتعمل ايه عندك هنا
الست
جرى ايه يا بنتي انا واحده ست كبيره ما بقدرش اعمل حاجه في الشقه دلوقتي وجبت واحده علشان خاطر تساعدني ايه المشكله بالنسبه لك يعني هو انا كمان المفروض قبل ما ادخل اي حد شقتي اتصل بيكي ولا ايه
فايزه
لا يا ماما مش المفروض انك تعملي كده المفروض اصلا ما تخليش حد يدخل الشقه هنا الشقه دي من شقتك لوحدك دي ورث ولا ايه
الام
حرام عليكوا اللي انتم بتعملوه فيا ده انتم عايزين تقطعوني من الناس كلها
فاطمه
هو مش حضرتك مش عايزه تروحي ترمسنين وانا عملت لك كل اللي انت عايزاه هنا مش هنخلي حد يقعد في الشقه دي اتفضلي امشي من هنا لو سمحت
الست
حرام عليكوا انا طول عمري حنينه عليكم ما استاهلش اللي انتم بتعملوه معايا ده
فايزه
لما تغيري يا ماما الوصيه هنخليكي تعملي اللي انت عايزاه ولو انت عايزه تعيشي اليومين اللي انت عايزاهم فرحها وفي هنا من رايي انك تغيري الوصيه
الست
مش هعمل كده انا مش هغضب ربنا عشان كنتم الاثنين
فاطمه
قدري بقى ان احنا ساكتين عليكي لحد دلوقتي وانت يا بنت انت مالك واقفه كده ليه اتفضلي مش هتطلعي بره
وانت يا فايزه انزلي هاتي كالون جديد عشان انا هغير الكالون وهقفله عليها
الست بعياط
خلاص حقك عليا والله العظيم مش هدخل
حد شقه ثاني وهعمل كل اللي انتم عايزينه بس بلاش تحبسيني في البيت
فاطمه
ماشي واعملي حساب ان انا صابره عليكي
وبعدها مش هو انا كنت روحت البيت ودخلت وحكيت لياسمين كل حاجه
ياسمبن
طب يا بنتي انت زي
ما بلغتيش البوليس على موضوع زي ده الست دي في خطړ معاه عيالها
ارجوكي تتصرفي
رقيه
هو انت اكيد بتهزري طب ما احنا كمان في خطړ مع ابوكي فكرنا ان احنا نروح نبلغ عنه بجد الست صعبانه عليا قوي بس انا مش عارفه عيالها عرفوا منين
ياسمبن
مش انت بتقولي وانت طالعه بواب العماره فضل يسالك طالعه ليه وعايزه ايه بالظبط ما يمكن هو اللي يكون كلم البنات
رقيه
طب انا عايزه اروح لها بجد لازم افهم منها
