الچثة
قد تسرب شئ ما عن الواقعة للصحافة فيجد امامه المدعو عماد وهو يجلس في برنامج تلفزيوني ويقص كل ما رآه علي المشاهدين بل ويزيد بأحداث من عنده ليجعل القصة مٹيرة أكثر.
فجاة وفي اقل من يومين أصبح عماد وقصته هما حديث الساعة في البلد . ودب الړعب أكثر في نفوس الناس
وأصبح الجميع يتحدث عن الكائن الغريب الذي يقوم پقتل الفتيات ويتركهن مبتسمين في مشهد حير كل من رآه أو حتى سمع عنه..
يدخل محلل الكاميرات ليبلغ الضابط حسن بالمستجدات..
اديني الفيديو بسرعة دنا مستنيه على ڼار يمكن نلاقي فيه اي حاجه توصلنا للي بيعمل كده..
للأسف يا فندم مش هتلاقي اي حاجه تفيدك ..
ازاي يعني والحاجات اللي عماد بيقول إنه شافها بنفسه
زي ما بقول لحضرتك كده إحنا فرغنا الكاميرات كلها و اتفرجنا عليها اكتر من مرة وكان الوضع عادي جدا مفيش اي حاجة مريبة. لكن في حاجة لازم حضرتك تعرفها من الساعة تلاتة صباحا لحد تلاته ونص مش موجوده ليها أى أثر خالص.
ازاي وضح لي
يعني مقصوصة حضرتك .
ودي ممكن تحصل عادي يعني غلطة في الكاميرا ولا ايه بالظبط .
لا حضرتك دي بتحصل بفعل فاعل بس يعني لازم يكون حد هو اللي عمل كده وقص اللقطة دي.
طب شكرا لو احتجتك تاني هبلغك.
كده في حاجات كتير مش مظبوطة ومش راكبة علي بعضها وكل حاجة فيهم هي طريق غلط والواحد بقي واقف قدام طرق غلط كتير أوي بس ثانية واحدة الطرق الغلط دي كلها نهايتها عند عماد الواد ده لازم ييجي واقعد اتكلم معاه علي رواقة بقي
بعد ما تم إحضار عماد لمركز الشرطة جلس أمام الضابط حسن وهو تبدوا عليه الفرحة الغريبة والغير مفهومة..
ايه ياعماد وشك فرحان كده ليه انت كسبت اليانصيب ولا حاجه
لا أبدا يا فندم بس من يومين وانا بقيت مشهور أوي وكل القنوات عايزة تعمل معايا لاقئات وبقيت حاسس إني نجم سيما ولا لاعب كرة مشهور..
اه طب ياسيدي مبروك بس مش ده اللي انا عايزك فيه انا عايزك في حاجة اهم إحنا راجعنا الكاميرات وشوفنا كل حاجة وكلامك طلع مظبوط يا عماد الله ينور عليك.
مظبوط ازاي حضرتك وشفتوا كل حاجة إزاي
ايوه ياعم شوفنا كل حاجه بس مش عيب تضحك عليا ومتقوليش إن انت اللي قټلت البنت.
قټلت مين حضرتك انت بتقول ايه أنا مقتلتش حد
ازاي ياجدع ده الكاميرا جيباك وانت بټقتلها بس مش الكاميرا اللي انت قصيتها وقطعت منها نص ساعة كاملة اللي قټلت فيها البت لا دي الكاميرا الي كانت في الحيطة التانية واضح انك نسيتها دي يا عمدة بس متخافش احنا منسيناش
والله ما قټلت حد يا بيه ده انا عبيط ولا يمكن اقتل حد أبدا
يا عماد بقولك شفناك تقولي عبيط عيب عليك.
شوفتوني ازاي بس وانا أصلا كنت.
ها ما تنطق كنت ايه.
هفهم حضرتك كل حاجة دلوقتي بس اديني فرصة اشرحلك
الجزء الثالث..
قصة.
ضحكات_الاموات
طب احكي يا عماد واوعي تكدب عليا علشان ورينا هعلقك من رجليك لو كدبت علشان انا القضية دي تعبتلي اعصابي ومش ناقص أي حوارات خالص.
لا هحكي لحضرتك كل حاجة بالظبط . الساعة اتنين بالليل بتبقى الدنيا هاديه دايما ومفيش اي حاجه خالص علشان كده بستغل الوضع ده و بريح شوية على الكرسي قدام الشاشة بعد ما صحيت على الساعه سته الصبح كده ببص في الكاميرات قدامي لقيت الچثة مرمية على الأرض اټرعبت ومكنتش عارف اعمل
