طاهرت المتوفيه قبل ما اغسلها بقلم هويدا زغلول
ايه وبعدين اصلا ما انتي عارفه ان بنتك مش بتبقا حابه ان احنا نتدخل في حياتها ابدا انتي عارفه كده كويس
الام
ايوه يابني عندك حق والله يا حسام ده انا حتى لما كنت اجي اتدخل الاقيها تقولي خلاص مفيش حاجة وانا اقول لنفسي طالما مشكلتهم اتحلت خلاص ربنا ييسر لهم الحال وأفضل ادعي لهم
حسام.
اه بتتحل وترجع وتاني في مشاكل والموضوع كده زاد عن حده اوي ولازم نعرف ايه سبب المشاكل
الام. خلاص يا حسام يا حبيبي وبما انك اخوها انا عايزاك تروح تقعد مع جوزها في اي مكان بره كده وتفهم منه بالعقل كده في ايه ياحبيبي
حسام
حاضر ياماما انا بكرة بعد ما اخلص شغلي هتصل علي عصام واقوله يقابلني في اي مكان ونقعد ونتكلم
وفعلا حسام راح وقابل جوزها عصام وقعد معاه وبدا يتكلم معاه ويساله رد عصام وقال له
عصام
يا حسام يا حبيبي انا المشكله اللي بيني وبين اختك اني اكتشفت ان هي اني اتكلم معاها واحده واحده بالكلام بالعقل وجبت لها ايات من القران بتحرم اللي هي بتعمله ده وبرضو مفيش فايدة فيها
حسام.
ايه الكلام الغريب اللي انت بتقوله ده يا عصام هو معقولة اصلا ان في واحده عاقله تعمل العمايل دي انا مش مصدق اصلا
عصام
انت عارف يا حسام عشان هي كانت بتأخر حكايه الشاور دي كانت بتأخر الصلاة وتجمع الصلوات كلها في وقت واحد مع بعض بقا اسمه كلام ده وده طبعا شيء حرام في الأول ده غير انه حكايه عدم الاستحمام دي هياذيها وتاذيني معاها وهتسبب لينا الامړاض انت شايف ان ده ينفع يا حسام
حسام
لا طبعا ده لو اللي انت بتقول عليه ده حقيقي تبقا کاړثة طبعا
عصام
انا والله يا حسام ما بكدب وكنت كل لما اجي اتكلم معاكم هي كانت بتقفل الكلام ومش بترضى تخليني اتكلم واقول يمكن بتنكسف اني اتكلم وبكره ينصلح حالها بس هي ما كانتش بتسمع كلامي
حسام
خلاص يا عصام انا هتكلم مع امي انت عارف ان ده موضوع حساس جدا ويمكن هي تتكسف فعلا عشان كده انا هحكي لماما وهي تقول لها
عصام.
على العموم انا شاري اختك لحد اخر لحظة يا حسام وعايز اكون اسره انا وهي والموضوع البي هي بتعمله ده انا نفسي انها تتعالج منه
وسابه حسام ورجع البيت مصډوم وكلم امه وحكي لها كل حاجة وقال لها
حسام
بصي يا ماما انا مش هينفع اتكلم مع رقيه في حاجه زي كده بعد اذنك انتي بقا اللي تكلميها
شرين
اكيد طبعا انت مش هينفع تكلمها يا حسام في حاجة زي كده اصلا المواضيع اللي زي دي يا ماما انتي اللي تتكلمي فيها
الام
طيب يا حسام انا هفتح معاها الموضوع ده ازاى انا حاسه انها لو عرفت ان جوزها قال كده عنها مش هتكست وهتقلبها على دماغه
حسام
وهي هتعمل كده ليه بقا ان شاء الله ده الراجل حكي لي من غلبه منها وانها مش عايزة تتغير ابدا هو هيعمل ايه يعني احنا لازم نقف جنبه يا ماما وهي بنتك اللي غلطتك يبقا تدفع تمن غلطها
وتصلح من نفسها ده اللي اصلا مفروض انها تعمله
الام
حاضر يابني انا هتكلم معاها هدخلها الاوضة واتكلم معاها واشوف ايه حكايتها وهي ناويه تتغير ولا لا
وفعلا امها دخلت لها
وقالت لها
الام.
بقا كده يا رقيه يابنتي عمايك السوده اللي انتي بتعمليها دي انتي ازاى يابنتي عايشة كده انتي مش عارفه ان اللي انتي بتعمليه ده حرام وغلط عليكي واذى ليكي
رقيه
ايه الكلام ده يا ماما
