جوازة الندامة بقلم سوليية نصار

اوعي تفتكري اني اتجوزتك حبا فيكي أنا عمري ما هحبك أنا اتجوزتك عشان الفلوس متروحش بعيد
كان عمار بيزعق ومنفعل وانا المسكينة كنت بنسف حلة ورق العنب اللي امي عملتهولي عشان نتعشي بيه هو مفروض كنت اغير فستان الفرح بصراحة لكن مقدرتش اقاوم ريحة ورق العنب أنا عايزة دماغ اللي اخترع أننا نحشي ورق العنب ونأكله يا سلام ياريت الرجالة كلهم يتحولوا لورق عنب ونخلص واهو يبقالهم فايدة 
سمعتيني يا آسيا بقول ايه قولتلك اني مبحبكبش عشان متحطيش امل اني احبك ولا حاجة 
دخلت في بوقي صابعين ورق عنب في وقت واحد وفضلت امضغهم ببرود وقولت
جرا ايه يا ابو الصحاب ما تهدي كده وتقعد ليطقلك عرق 
ابو الصحاب!!!
قالها عمار بذهول وڠضب وبعدين كمل 
فعلا لوكال 
ضحكت وقولت بإستفزاز
سيبنالك البرستيج يا عمار المهم انت متعصب ليه يعني اتجوزنا وخلص الموضوع 
كتف ايديه وقال
انا مش متعصب أنا بقولك بس اللي فيها عشان متحطيش امل عليا 
هزيت كتفي وقولت
وانا مش حاطة امل ولا حاجة انت ليه محسسني اني دايبة فيك وھموت عليك !ينيلك فاكر نفسك عمرو دياب !!ده انت ابتلاء ده انا دايما بقول اللي هتتجوزك اكيد امها داعية عليها طول رمضان وانا اللي لبست شكلها امي لما داعت عليا اشوف المرار في حياتي دعت بضمير واهو اتجوزت المرار ذات نفسه 
اتعصب عمار وقال
والله ما فيه حد مرار غيرك يا ام لسان طويل أنا معرفش ازاي اتبليت بيكي أنا  
اتنهدت بزهق وقولت
هو انت هتقعد تصيح طول الليل مش عايزني اتعامل كأني مراتك قول كده ومتقلقش الجوازة دي من اولها باينة جوازة مصلحة عشان الشركة اللي بين ابوك وابويا وقت ما يدونا نصيبنا فيها هنتطلق ولا تزعل 
يعني انتي مفيش في بالك اي مشاعر كده ولا كده من ناحيتي 
شاورت علي نفسي وقالت
بالله عليك ده منظر يكون عنده مشاعر !يا بني انا شيلت القلب عشان أوسع معدتي يمكن تقدر تهضم العك اللي بعكه اقعد يا راجل بلاش دلع كل ورق العنب ده طعمه دمار 
بص عمار لحلة ورق العنب ولقاها قربت تخلص وقال پصدمة 
انتي نسفتي حلة ورق العنب كله 
بصيت للحلة بخضة وقولت
يخربيت الزولم يا اخي لسه فيها صفين اهم اقعد يا راجل ومتقلقش فيه حلة تاني واعرف ان معدتك المسكينة ملهاش ذنب في مشاكلك الاجتماعية والمالية
هز كتفه وقال
تصدقي عندك حق
وبعدين قعد جمبي ووفضل يأكل 
ضړبته علي كتفه وقولت
براحة شوية علي ورق العنب 
والحمدلله بعدها اتفقنا وقررنا نصبر لحد ما ناخد الفلوس 
تاني يوم 
حسيت بجرس الباب بيرن جامد في ودني صحيت من النوم وانا مش فايقة اصلا ومشيت ناحية الباب مكنتش فاكرة اصلا أنا فين للدرجة اني خبطت في الحيطة فوقت نفسي ولقيت الباب اخيرا فتحت الباب وشعري منكوش زي العفريتة عشان فجأة الاقي اهلي واهل عمار قدامي وابتدوا يصرخوا بړعب لما شافوا شعري المنكوش فأنا صړخت زيهم !!
بس اكتموا 
قالها بابا فجأة بعد ما خلص صړاخ فبطلنا احنا نصرخ كمان بصتلي امي وقال
سلام قولا من رب رحيم مالك يا بنتي شبه سوكا كده ليه هو انتي اتكهربتي !
ضحكت حماتي وقالت وهي بټضرب امي علي كتفها وقالت
جرا ايه يا ام العروسة بنتك عروسة جديدة عايزة شعرها يبقي ازاي 
وبعدين غمزتلي يا دي المصېبة أنا نسيت اني اتجوزت لازم اجري بصراحة واصحي الچثة اللي نايمة جوا دي 
عروسة ايوة أنا عروسة اتجوزت عن اذنكم اروح اصحي جوزي 
وبعدين جريت من قدامهم ضحكت حماتي وقالت
ظهر أننا جينا في

وقت مش مناسب خالص 
وضحك الكل 
في الاوضة جريت علي عمار وانا بقول بصوت عالي
اصحي يا عمار يخربيتك اهلك واهلي جم 
فتح عمار عينيه وبدأت عينيه توسع لما شافني ولسه هيصرخ بفزع كتمت ايدي ببوقه وقولت 
اهدي وصلي علي النبي كده أنا للأسف مراتك أه والله اتجوزنا امبارح اعذرني علي شعري المنكوش دي بس أنا لما بصحي من النوم بكون عاملة زي الغوريلا المهم اهلك جم بره هما واهلي عشان يباركوا زي الشاطر هتطلع فاهم 
هز رأسه فبعدت ايدي بلع ريقه وقال
بس ايديكي لما تيجي تصحيني تاني تكوني مسرحة شعرك منظرك ده علي الصبح قطع خلفي والله 
قومت بعصبية وقولت
طب قوم يا حيلتها شوف اهلك وسلم عليهم يا عريس هيباركولك بمناسبة جوازة الندامة دي 
قام عمار وهو بيحط ايده علي ضهره وقال 
قصدك عروسة الندامة يخربيتك ضهري واجعني بسبب نومة الأرض والله لانام النهاردة علي السرير ولو اتكلمتي لاحدفك في الشارع 
وبعدين طلع برة 
هزيت راسي وروحت علي المرايا عشان اسرح شعري ولما شوفت منظري صړخت وانا بقول
بسم الله الرحمن الرحيم معقول أنا ابقي الغوريلا دي !
مسكت المشط وانا خاېفة وحطيت كريم علي شعري وبدأت اسرحه 
خرجت بعد شوية بعد ما طبعا لبست حاجة عدلة وشعري كان مسرح كان الكل بيضحك 
ايه القمر ده يا عروسة 
قالتها حماتي بحب فابتسمت ليها وقولت
اسفة يا حماتي علي المنظر المعفن اللي قابلتك بيه في الأول أكيد في سرك بتتحسري علي ابنك اللي وقع في واحدة زيي 
ضحكت حماتي وقالت
بالعكس والله ابني محظوظ عشان
اتجوز سكر زيك 
ضحكت ليها بس عمار قال
ايوة بس أنا بتحسر 
ضړبته علي كتفه وقالت
اتلم يا واد
بعدين فتحت ايديها وقالت
في البلكونة كان ابو عمار وعمار قاعدين مع بعض 
بصله عمار وقال
اهو اتجوزتها زي ما طلبت امتي هتتنازلي عن الفلوس 
بصله ابوه وقال
مستعجل ليه يا حبيبي اصلا الشركة مش هتكون ليك هتكون لابنكم اللي هيتولد !!!
بطل صياح 
قولتها وانا بتغدي ببرود لعمار اللي عمال يصيح زي الديك 
كان عمار شغال يلف حوالين نفسه وهو حاسس أنه هيتجنن كان خلاص برج من دماغه هيطير مكانش مصدق أن أبوه هيحطه في الموقف ده 
فجأة قعد جمبي وبصلي وانا بأكل وقال 
هو انتي معندكيش ډم معندكيش احساس 
بصتله وانا بمضغ الاكل وقولت 
من شهرين تقريبا كنت بقطع السلطة والسکينة چرحتني ونزلت ډم فلا عندي ډم متقلقش
حس عمار بنغزة في قلبه وحط ايديه علي قلبه وقال
انتي ناوية تجلطيني صح 
مسك وشي وانا باكل وقال
خلاص بطلي لغ واسمعيني ابويا عايز حفيدانتي عارفة الكلام ده معناه ايه !
زقيت أيده وكملت اكل وقولت 
ايوة عارفة وانا هتصرف خلاص استني بس شهرين كده 
حط أيده علي بوقه وقال بتوتر
اسيا انتي اكيد مش قصدك اننا نخلي جوازنا حقيقي أنا 
هزيت كتفي وقولت
لا انت دماغك راحت لبعيد متقلقش أنا صح مچنونة شوية بس مش لدرجة اني ادبس فيك طول حياتي يالا يا راجل كل شكلك هفتان المكرونة بالبشاميل دي فظيعة 
مسك عمار الشوكة وقال
طيب 
جه الليل 
ايه ده انت هتعمل ايه !!
قولتها وانا شايفة عمار ماسك المخدة بتاعته 
بصلي بحيرة وقال
مر الشهرين بسرعة وجهزت خطتي 
كنت قاعدة بعيط جمب عمار وأبوه وابويا قاعدين سوا كنت بقول بصوت مخڼوق
كان نفسي اجيبلكم البيبي اللي نفسكم فيه
بس مقدرتش 
اديتلهم الورقة اللي زورتها واللي فيها اني عقيمة 

بصوا للورقة بشك فكملت أنا عياطي وقولت
انا خلاص مبقاش ليا اي عازة يا بابا خلاص كده اكيد عمار هيطلقني أو هيتجوز عليا وانا مش هلومه ابدا  
مسحت دموعي وانا ببصلهم بحزن مصطنع بمهارة وقولت
للاسف مش هيبقي
فيه طفل عشان تدوله ثروتكم 
بص ابو عمار وابويا لبعض فجأة اتكلم ابويا وقال
انا عارف اني اجبرتكم علي الجواز عشان الثروة بس حسينا انكم مع مرور الأيام هتحبوا بعض خلاص متقلقوش الثروة هتبقي ليكم بس بشرط تاني خالص 
ايه هو !
قولناه بفزع احنا الاتنين فرد حمايا وقال
انكم تفضلوا مع بعض لمدة سنة وبعدين لما تتطلقوا هتاخدوا الفلوس !!!
سنة سنة هقعد معاك سنة !!!
كنت بقولها وانا بعيط كان عمار بيلف حوالين نفسه وبيضرب كف علي كف وبيقول
قدروا يخدعونا قدروا يبقوا اذكي مننا 
بصيتله وقولت
اكيد دي فكرة ابويا 
هزيت كتفي بتكبر وقال
الافكار العبقرية دي متطلعش الا من حد شايل جيناتي 
بصلي عمار بقرف وقال
مستحيل حد يكون عنده نفس جينات غبائك ومنتحرش لسه 
بصتله وانا متعصبة وقومت وانا حاطة ايدي علي وسطي 
نعم يا اخويا !!مين اللي جاب فكرة اني أوهم اني عقيمة 
ضحك وقال
ايوة صح طيب ممكن تقولي نتيجة فكرتك العبقرية يا آسيا اهو لبسنا أنا وانتي وهعيش معاكي سنة بحالها الله واعلم كام جلطة هتجيلي السنة دي بسببك 
وبعدين سابني ومشي 
جاتك نيلة وانت بتبقي زي القمر وانت متعصب 
قولتها وبعدين حسيت بنفسي وضړبت وشي قلم وقولت
مالك يا آسيا اتضبطي كده !!
خلص النهار وجه الليل 
لا مش هخليك تنام جمبي تاني واعمل حسابك لحد ما تخلص السنة دي انت هتتلقح علي الكنبة اللي برا ووريني ازاي هتعترض 
وبعدين اخدت السرير كله لصالحي وابتسمت ببرود وانا بغمض عيني 
فجأة صړخت وانا بحس بيه بيرفعني ويشيلني 
فتحت عيني لقيته شايلني وطالع بيا برة الاوضة 
انت يا مچنون بتعمل ايه !
بصلي ببرود ومردتش بصتله وقولت
تخيل بقالي حبة حلوين اعرفك اول مرة الاحظ أن عيونك عسلي 
حسيته ارتبك للحظات عضيت لساني اللي متبري مني ده بس هو فجأة لقحني علي الكنبة وقال
اعتقد الكنبة هتكون مناسبة ليكي النهاردة ده عقاپ طولة لسانك مش هتنامي جمبي علي السرير 
وبعدين دخل الاوضة وسابني 
يا ابن المچنونة 
قولتها بغيظ فطلع فجأة ورما مخدة ولحاف وقال 
مشي امورك بدول أنا قلبي طيب في النهاية وجنتل ومستحيل اخلي مراتي تنام علي كده 
وبعدين دخل 
فرشت الكنبة وقولت بتريقة
ما هو واضح 
حاولت انام بس مقدرتش فتحت التلفزيون ولقيت فيلم رعبورغم اني بټرعب من خيالي الا اني قررت اشوفه 
كان مغطية وشي الا جزء بسيط من عيني بشوف الأحداث الړعب منها كان قلبي بيدق جامد وحسيت اني هتجيلي سكتة قلبية فجأة 
مقدرتش استحمل اكتر من كده وطفيت التلفزيون بسرعة حاولت انام بس كنت كل لما اغمض عيني اشوف حاجات مړعبة 
بسرعة قومت وروحت علي الاوضة فتحت النور لقيت عمار محتل السرير فضلت اهز فيه
فتح عينيه وهو مخضوض وقال
مالك فيه ايه !
بلعت ريقي وقولت
ممكن بعد اذن سيادتك يا كريم يا ابن الناس الطيبين ربنا يكرمك ويوقف دايما في طريقك ولاد الحلال تنومني جنبك ربنا يسترك و
خلاص خلاص انتي هتشحتي
وسع شوية وقال

نامي يا اختي 
نومت بسرعة فطفي النور خۏفت اكتر ومسكت فيه !
ايه يا ست ايه يا ست ماسكة فيا كده ليه انتي ايه معندكيش اخوات ولاد ولا ايه 
انا خاېفة 
بصلي بحيرة في الضلمة وقال
خاېفة من ايه !
بلعت ريقي وقولت
شوفت فيلم ړعب وھموت من الخۏف يا عمار
فجأة سكت القمر كان منور الاوضة ابتسامته وسعت وقال
ومين قالك اني عمار مش يمكن عمار مش موجود دلوقتي اصلا يمكن 
فجأة بدأت اعيط وقولت
انت عفريت صح يالهووووي ھموت 
صوتي علي 
عمار كتم بوقي وفتح النور وفضل يضحك وقال
بس يا عبيطة بهزر معاكي 
مسح دموعي وقال
رغم اني مبحبش انام في النور بس هفتح
النور عشان مټخافيش 
ربنا يسترك 
قولتها وانا بترعش وبعدين مسكت فيه ونومت 
تاني يوم 
شعرك اللي بيتنكش لما تصحي من النوم ده هيجيب اجلي في يوم ايديكي لميه بحاجة 
ضحكت فضحك هو فجأة بقينا احنا الاتنين بنضحك بصوت عالي 
مرت الايام والأسابيع والشهور حتي وانا وعمار ارتبطنا ببعض اكتر كانت علاقتنا غير مفهومة تماما بس لقيت نفسي بحكيله كل أسراري كل أفكاري وكل احلامي كنت زي كتاب مفتوح قدامه زي ما هو كان كتاب مفتوح قدامي 
خلصت السنة بسرعة خلصت بأسرع مما اتخيل
السنة خلصت خلاص وانتوا ممكن تتطلقوا دلوقتي وتاخدوا حقوقكم 
قالها ابويا لما جه هو وحمايا للبيت وكان معاهم المأذون 
بصيت لعمار بتوتر هو كمان كان متوتر بصلنا حمايا بخبث وقال
جرا ايه يا ولاد ليه مترددين كده افرحوا السنة خلصت خلاص والمأذون اهو هيطلقكم 
مسك حمايا عمار وقعده جمب المأذون وشدني ابويا وقعدني جمب المأذون وقال 
ابدا يا شيخنا الاتنين مستعدين يتطلقوا 
عينيا بدأت تدمع معرفش في الوقت ده حسيت اني مخڼوقة واكتشفت اني حبيته حصل اللي مكنتش متوقعة أنه هيحصل 
بصيت علي الأرض ودموعي نزلت حاولت مبينش اني مقهورة 
يالا يا شيخنا ابدا
قالها ابويا 
ولسه المأذون بيقول بسم الله وقف عمار وقال
انا مش هطلق 
قلبي دق پعنف كمل عمار وهو بيبص لابوه 
انت جوزتني بالعافية وجاي تطلقني بالعافية 
بصله أبوه پصدمة مصطنعة وقال
أنا اجبرتك!!!انت اللي عايز تطلق
وانا مش عايز أطلقها مش عايز ولو عايز تحرمني من الورث احرمني 
ضحك ابويا وأبوه وقال ابويا للمأذون
خلاص يا شيخ ولادنا رجعوا لعقلهم 
مشي المأذون فورا فقال عمار
دي خطة منكم 
ضحك بابا وقال
عرفنا انكم لما تعرفوا بعض كويس هتحبوا بعض وده اللي باين من عصيبتك دي وعياط اسيا 
وشي احمر من الكسوف 
ابتسم حمايا وقال 
نسيبكم دلوقتي لوحدكم 
وطلعوا الاتنين من البيت 
وبحبك كمان 
بتحبيني !
معرفتش اتكلم لساني اتربط محستش بنفسي
كنا قاعدين قدام التلفزيون بناكل فشار جاب عمار فيلم ړعب مسكت فيه وقولت
خلاص يا آسيا خنقتيني 
هزيت راسي پخوف وقولت
والله ابدا أنا مړعوپة يا عمار 
ابتسامته زادت وقال
مين قالك اني عمار مش يمكن اه 
صړخ پألم لما عضيته من دراعه
بهزر يا بنت العضاضة !!منك لله أنا ايه اللي خلاني احبك بس أنا استاهل وشكلي هشوف ايام عنب معاكي 
قالها وضحكنا احنا الاتنين مكنتش اتخيل ابدا اني هحب بالسهولة دي بس حصل حصل مع اكتر شخص مچنون قابلته بس انا كمان مچنونة واحنا لايقين علي بعض
تمت