بنتى والحضانة
موافقات إنهم يدوا أولادنا أدوية من أول يوم سجلنا في الحضانة..
احساسي بالذنب كان بشع وقولت لأم بول لازم نتصرف.. لازم نقول لباقي أولياء الأمور.. ام بول وافقتني.. وبعد يومين عملنا اجتماع عندها في البيت.. وكان موجود فيه أولياء أمور كل الطلاب..
واحدة من الأمهات اڼهارت في العياط لما أدركت إن تأخر النطق عند ابنها أكيد مرتبط بالأدوية اللي بياخدها..
والد بنت وقف وفضل يحلف إنه هيرفع على الحضانة قضية.. ويفلسهم..
أغلب الأباء والأمهات كانوا في حالة صدمة من اللي سمعوه..
كان لازم نهدى ونفكر بالراحة هنعمل ايه.. وقررنا إننا نقدم شكوى جماعية.. وفعلا حصل تفتيش على الحضانة والمديرة كانت متوترة طول الوقت بس متعاونة.. وقدمت مستندات تأكد إن الأعراض اللي بتيجي للولاد فعلا أعراض حساسية..
بدأت أشك في نفسي.. خصوصا بعد ما أماندا نومها اتحسن وكان شكلها أسعد.. قولت لنفسي إني يمكن كبرت الموضوع ع الفاضي.. بس بعدها جالي تليفون من رقم مجهول.. كان من موظفة سابقة في الحضانة سبق واستقالت من 6 شهور.. وقالت إنها محتاجة تكلمني عن الحضانة..
اتقابلنا في حديقة عامة تاني يوم الصبح.. قالت لي كلام خلاني عايزة أرجع.. الحضانة ماكنتش بتستخدم أدوية الحساسية وقت القيلولة بس.. دول كمان بيستخدموا الأدوية لما حد من الأولاد بيعيط جامد خلال اليوم.. لما الولاد ميرضوش يقعدوا بالترتيب.. لما الولاد يتكلموا كتير.. وفي مرة من المرات مدرسة من المدرسات أدت ولد دوا الحساسية.. عشان ضحك بصوت عالي..
المديرة كانت شايفه إن ده أسلوب أسهل من تعديل السلوك أو التصرف بشكل طبيعي مع الأطفال.. وطبعا أولياء الأمور عمرهم ما هيشكوا في أدوية الحساسية والا يرفضوا إن الأطفال ياخدوها..
وبعدها ورتني صور تثبت الجرعات اللي الولاد بياخدوها.. واللي كانت أعلى كتير من المعدلات الآمنة.. في أولاد كانوا بياخدوا 3 أو 4 جرعات من الدوا بشكل يومي..
فورا عملت الحسبه في دماغي وعرفت إن بنتي أخدت دوا الحساسية خلال الكام شهر اللي فاتوا 200 مرة.. راجعت كل صور البنت على تليفوني بتركيز أكتر ولاحظت التغيير في شكلها.. بنتي اللي بتحب الحركة بقى عندها خمول طول الوقت.. تأخر في النطق..
دكتور الأطفال قالي على ملاحظات كتير مش طبيعية ماكنش لها تفسير دلوقتي كلها بقت منطقية.. كل شك جوايا اتأكد.. كل مرة فكرت إن البنت مش طبيعية كانت صح.. كانوا بيخدروا بنتي..
فورا روحت على قسم الشرطة وقدمت كل الأدلة اللي معايا.. واللي ادتهالي الموظفة
السابقة اللي استقالت من الحضانة.. واللي بالمناسبة وافقت على الشهادة على الحضانة لو الموضوع وصل للمحكمة..
في خلال أسبوع تم مراجعة الحضانة وتفتيشها بشكل محترف.. وفعلا لقوا أزايز دوا مستخبية في مكتب المديرة..
قفلوا الحضانة والمديرة تم اتهامها بشكل رسمي بتخدير الأطفال بشكل غير قانوني.. اتحكم عليها بالمراقبة والخدمات الاجتماعية بس.. وكل ولي أمر أخد مبلغ كتعويض على اللي حصل للولاد.. بس الفلوس مصلحتش المشاكل الصحية اللي اتسببوا فيها للأطفال..
أماندا لسه عندها مشاكل في التركيز واللي غالبا بسبب الاستخدام المفرط لأدوية الحساسية.. بس مش سهل يتم إثباته..
أخيرا لقيت حضانة جديدة لأماندا.. بس مبقتش قادرة أثق فيهم.. أنا براقب كل تصرف بيعملوه مع بنتي.. الثقة
اللي كانت عندي راحت خلاص للأبد.
احاديث تيكتوكيه
