راح المقابر يسرق عضم الميتين 

راح المقابر يسرق عضم الميتين واللي حصله كان كارثة..
وقبل ما نبدأ حكايتنا اعرفكم على بطلنا اللي اسمه هشام عنده 30 سنة لسه مش متجوز وعايش مع أمه وساكنين في منطقة شعبية وفي يوم رجع البيت من الشغل وقال لأمه
انا سبت الشغل يا أمي
الام بصدمة
وليه كده يابني سبت الشغل ليه بس هو في حاجة حصلت ولا ايه
هشام
مفيش بس انا اتخنقت الصراحة عمال شغال معاهم زي الطور اللي شغال في ساقيه ومفيش تقدير ومفيش زيادة في المرتب اتخنقت مع المدير وقولت له اما مش عايز شغلك ده ومشيت
الام
يابني انت مش تطول بالك ياهشام طيب انت هتعمل ايه دلوقتي بقا طب ده انا كنت عايزة كمان افرح بيك واخطب لك ولا انت مش عايز تفرحني بقا
هشام
ما هو انا هخطب واحده وبعدين اظلمها معايا يا أمي لا خليني كده احسن لحد لما ظروفي تتحسن ان شاء الله واشوف بس انا بفكر اسافر
الام
تسافر فين وتسبني لوحدي يا هشام
هشام
ياحبيبتي هو انتي لوحدك ازاى دي الناس في الحتة والجيران كلهم معاكي اهم يا أمي وبعدين ياحبيبتي انا عايز اسافر سنة ولا اتنين اعمل فيهم قرشين وارجع اتجوز بقا واستقر واعمل مشروع
الام
وانهو سفر ده بقا ياحبيبي اللي هيجيب لك الفلوس اللي هتعمل بيها المشروع وكمان هتتجوز بيها
هشام
ادعي لي انتي بس ياحبيبتي وان شاء الله خير يا أمي أنا عايزك تدعي لي كتير انا هنزل على القهوة اشوف الواد محسن اللي بيشتغل في مكتب السفريات انا لمحتة وانا راجل هتكلم معاه واشوف ايه المطلوب مني
ونزل هشام القهوة وقابل محسن اللي قاله
بس السفر محتاج مبلغ كبير يا هشام هتقدر عليه انت ولا ايه نظام
هشام
مبلغ كبيرازاى بس يا محسن وهو انا لو كان معايا مبلغ كبير كان ده بقا حالي ولا كنت دورت على سفر ولا على غيرة ما انت عارف البير وغطاه
محسن
هو العرف بيقول كده عايز تسافر يبقا لازم مبلغ كبير عشان كمان تقدر تشتغل الشغلانة المناسبة هناك وتجيب لك فلوس حلوه
هشام
خلاص انا هاشوف حد يسلفني المبلغ لحد لما اشتغل وبعدين ابقى اشوف الحكاية دي بس ربنا يسهل بس واقدر أدبر المبلغ اللي مطلوب ده
ومشي هشام وهو في طريقة قابل سماح اللي بتشتغل مع جمالات الدجالة وقالت له
ازيك يا استاذ هشام عامله ايه والنبي ليك وحشة ياخويا طب ده انا حتى لسه سألة خالتي ام هشام لما قابلتها في السوق امبارح
هشام بكسوف
الله يسلمك يا انسة سماح متشكر على السؤال انتي عامله ايه وعم صبحي عامل ايه
سماح
والنبي يا استاذ هشام ابويا تعبان خالص ده حتى الدكتور قال ميخرجش من البيت ابدا بس ابقي تعالي عدي عليه ينوبك ثواب
هشام وهو لسه مكسوف منها
إن شاء الله يا انسة سماح بقولك ايه هو انتي لسه شغاله مع الست بتاعت الأعمال دي ولا بطلتي شغل معاها
سماح في اللحظة دي وشها قلب وقالت له
ليه يا استاذ هشام هو انت بتسأل ليه وبعدين هي الست جمالات بتاعت أعمال دي ست مبروكة وبتساعد الكل طب ده انا لو مشتغلتش معاها مش هلاقي اكل ولا اجيب لابويا العلاج وانا اصلا بشتغل وبتعب عشان لقمة العيش فيها ايه بقا لما اشتغل معاها ولا مع غيرها هو حرام
هشام
ياستي الشغل مش حرام ولا حاجة انا بس يعني بقول بنت حلوه زيك المفروض تشتغل شغلانة تليق بيها بس ده اللي انا اقصده
سماح
والله انا مش بعمل حاجة غلط ولا عيب ولا حرام ياخويا اااه انا بجيب القرش بالتعب وبعرق جبيني وبالاذن بقا ياخويا عشان مقولش حاجة تزعلك مني
قالت كلامها ومشيت من قدامة وهو قال لنفسه
انا مالي بيها ما اللي يشتغل يشتغل انا شاغل بالي ليه انا
ودخل البيت وبعدها دخل اوضتة عشان ينام وفي نص الليل شاف سماح هي جمالات معاه في الاوضة وافقين قدام السرير وجمالات قالت له
انت هتفضل تفكر كده كتير انت حلك معايا وعندي وانا اللي هساعدك محدش غيري هيعرف يساعدك
هشام
هتساعديني ازاى ياست انتي وانتي ايه اللي جابك عندي هنا ودخلتو عندي ازاى ياماااا يامااا
جمالات
امك مش هتسمعك مهما تنادي عليها انت بس اسمع كلامي وانت هتكسب انا اللي يجي في طريقي بيكسب كتير اوي
سماح
اسمع كلام ستنا يا هشام وانت هتكسب فعلا وهي مستنياك اوعي متجيش
فضل هشام ينادي على امه ينادي ودخلت امه تصحية من النوم وقالت له
اصحى ياهشام يابني فوق فوق ياحبيبي
وفتح عيونة فاجأة وقال لها
امي الحقيني يا أمي انتي شوفتيهم
الام باستغراب
شوفت مين يابني بس ايه ياحبيبي انت بتحلم حلم وحش ولا ايه باين عليه كان كابوس قوم ياضنايا قوم اغسل وشك
وسابتة امة ومشيت من الاوضة وهو فضل يفكر في الحلم وقال لنفسه
طيب هي الست دي هتساعدني ازاى دي قالت لي كده بس انت كنت بتحلم ياهشام بس مش يمكن الحلم ده فعلا رساله ان الست دي هتقدر تساعدني يمكن تسلفني الفلوس اللي هسافر بيها انا هاروح لها واشوف حكايتها ايه
وفعلا استني لحد بالليل وقال يروح عند جمالات من غير ما حد يشوفه من الحارة ودخل عندها وسماح قالت له
مين استاذ هشام يا اهلا وسهلا يا استاذ هشام ده ايه النور ده ياخويا اتفضل ادخل
هشام
انا جاي للست جمالات كنت عايزها في موضوع كده ممكن ادخل لها
سماح
اوي اوي يا استاذ هشام اتفضل ياخويا متتكسفش ادنا هدخل لستنا اديها خبر انك عايزها
وفعلا دخلت سماح اوضة وخرجت منها قالت له
اتفضل ادخل للست مستنياك يا استاذ هشام
ودخل هشام عند جمالات اللي كانت قاعده قدامها البخور والاوضة شكلها مرعب اوي وفضل يبص في كل مكان في الاوضة وجمالات قالت له
يا اهلا وسهلا بيك يا استاذ هشام ده ايه النور ده اتفضل اقعد انت واقف ليه
هشام بخوف
م م مساء الخير يا ست جمالات
جمالات
يسعد مساك ياخويا مالك كده انت خايف ولا ايه ده انت ضيفينا هنا اوعي تخاف دول حتى مرحبين بيك اوي
هشام بنفس نبرة الخوف وهو بيبص حواليها وقال لها
هم هم هما مين دول ياست جمالات اللي مرحبين بيا هو في حد معانا هنا
جمالات
اومال ايه ياخويا دول معانا هنا هما بيسبوني ابدا المهم مقولتليش طلبات ايه قول متتكسفش وانا عنيا ليك
هشام
في الحقيقه انا جاي لك في حاجة بس انا مش عارف انتي هتصدقيني ولا لا ياست جمالات الصراحة كده انا امبارح بالليل وانا نايم حلم.
ولسه هيكمل كلامة جمالات قالت له
حلمت بيا وانا بقولك اني انا هقدر هساعدك مش كده
هشام برعب
ب ب بسم الله الرحمن الرحيم وانتي عرفتي منين ياست جمالات هو انتي كنتي عندي فعلا ولا ايه ارجوكي انا جتتي مش مستحمله
جمالات ضحكت بصوت عالي وقالت له
هاهاهاها هو انت فاكر ان في حاجة في الحارة دي بتخفي عني يا استاذ هشام طب ده انا اعرف العفريت مستخبي فين بص يا استاذ هشام انا عارفه انك سبت شغلك وبتدور على سفر عشان تكون مستقبلك وانا بقا الوحيدة اللي هتساعدك انك تعرف تسافر
هشام
ازاى الكلام ده ياست جمالات هتعملي لي