عشان عامية وجوزي مش بيخلف
هتعمل البيت انا بقول نشوف واحدة احسن
طارق
طيب طيب ان شاء الله المهم ادخلي ارتاحي انتي في اوضتة النوم يلا
ودخلت اوضتة النوم وجه حد لطارق وقاله
انت متأكد ان احنا هنقدر نشتغل وهي موجوده هنا مش هتحس بحاجة ابدا انا خاېف لتفضحنا ياعم طارق
طارق
ياعم انت متقلقش من الحكاية دي انا مظبط الدنيا انت هتيجي كل يوم تشتغل بالراحة وهي مش هتحس بحاجة ابدا دي اصلا مش شايفه متخافش انت بس يلا ادخل كمل الحفر يلا
ودخل الراجل اللي مع طارق وفضل يشتغلو في الاوضة وكل ده وانا مش حاسة بس لما حسيت بحركة غريبة قولت لطارق
يا طارق انت هنا يا طارق هو في ايه رد عليا ياطارق
طارق بارتباك
اااا ايوه يا قلبي انا هنا اهو في ايه يا حبيبتي مالك انتي عايزة حاجة
ندى
هو انت بتعمل حاجة في الاوضة انا حاسة ان في حاجة غريبة بتحصل هو في ايه يا طارق انت بتعمل ايه
طارق
انا اااا بروق الشقه ياحبيبتي متاخديش في بالك انتي انا لقيت الشقه عايزة تتنضف قولت انضفها بس مفيش حاجة يعني متقلقيش
ندى
طيب اساعدك طيب بدال ما انت عمال تخبط في كل حاجة كده انا عارفه انك مش هتعرف تعمل حاجة ابدا يا طارق انا هاقوم اساعدك
طارق
لا لا لا يا حبيبتي تساعديني ايه بس انا عايزاك ترتاحي خاااالص ومتحطيش ايديك في اي حاجة ابدا انا هعمل كل حاجة بنفسي وبعدين انا ياستي عايز كده
ندى
ربنا يخليك ليا يا طارق انا عارفه اني بقيت حمل تقيل عليك يا حبيبي ربنا يديك الصحه والعافيه يارب
وبعدها فضلت في حيره انا مش عارفه ايه اللي بيحصل ولا شايفه وعدت الايام وفي يوم كنت تعبانة وقولت لنفسي
ده العلاج بتاعي خلص طيب انا هعمل ايه دلوقتي بقا انا دماغي ھتنفجر من الصداع انا هاروح الصيدلية اللي في شارعنا انا عارفها كويس اجيب لي العلاج ما أنا مش لسه هستني طارق علي ما يرجع
وخرجت مشيت في الشارع وفجأة اتزحلقت واحده من الجيران قالت لي
يا حبيبتي يا بنتي اسم الله عليكي انتي ايه اللي خرجك من جوه يا ندى وانتي كده يا بنتي
ندى
اعمل ايه بس يا خالتي ام محمد اصل جوزي في الشغل وانا كنت تعبانة وعايزة علاج كتر خيرك انا كويسة وصليني بس لحد البيت
ودخلت البيت ولقيت نفسي بشوف وقولت انا هعملها مفاجأة لطارق لما يرجع
وفضلت قاعده في الاوضة وبالليل لقيته راجع وايده راجل وقاله
ان
الحق ياعم طارق دي مراتك لسه صاحيه انا مش هعرف اشتغل كده
طارق
ياعم اشتغل وملكش دعوة ما انت عارف انها عاميه ومش شايفه حاجة
ولقيتهم بيشيلو السجاده وبيفتحو غطا كبير وتحته حفرة انا اټصدمت وقولت لهم
انتو بتعملو ايه ده ايه ده ياطارق فهمني
طارق
ندى انتي بتشوفي طب ازاى
ندى
ااه ما أنا نسيت اقولك يا حبيبي انا فتحت وكنت عملاها لك مفاجأة بس مكنتش اعرف انك بتعمل كده ليه كده يا طارق
الراجل
الصراحة كده يا مدام البيت بتاعكم ده في اثارات وجوزك جابني عشان نخرجها من هنا وقالي انك مش هتحسي بحاجة
ندى
طب ازاى وليه جبتني هنا معاك
الراجل
اصل اللي حصل
فلاش باك
طارق
اسمع يا سعيد احنا دلوقتي الناس في الحارة بقو يحسو اننا بنعمل دوشة فانا هجيب مراتي هنا بحجة
اني هبيع الشقه عشان هي تعمل عمليه عشان تخلف
سعيد
يابن اللذينة ده دماغك دي سم يا طارق والله فكرة انا عايزك تخلص في الحكايه دي
بسرعه عشان انا عايز اخرج الحاجة
طارق
متقلقش ياعم كلها بس كام يوم كده هجيبها هنا ونشتغل
تاني ونخلص شغلنا على نضافة انا حاسس ان ربنا هيكرمنا في العمليه دي وهنقدر نخرج الآثار دي
سعيد
والله يا عم طارق انا نفسي بجد نعمل الحكايه بسرعة بقا ونخلص
بااااااااااااااك
سعيد
ادي كل الحكايه والمشكلة الحاډثة اللي حصلل لكم دي عطلت كل حاجة ومعرفناش نكمل غير دلوقتي بس
ندى
كده يا طارق بقا بتستغلني عشان طمعك وجشعك بقا كده وبتمثل عليا الحب وانك خاېف عليا كل المده ده اد كده انا كنت مغفله وعبيطة
طارق
لا ياندي انا فعلا بحبك يا حبيبتي وبخاف عليكي والله بس انتي عارفه ظروفي وموضوع الآثار ده اللي هيخلينا نبقا في حتة تانية خالص انتي بس سبيني اكمل ونخرج الحاجة ويبقا معانا فلوس
ندى
انا لا يمكن اعمل حاجة زي دي ياطارق طلقني انا لا يمكن اعيش مع واحد غشاش وكذاب زيك
طارق
اني بتقولي ايه يا ندى ازاي الكلام ده بس انا عايز اكمل حياتي معاكي انتي
ندى
وانا مش عايزة انت ضحكت عليا وغشتني وانا مش هكمل معاك طلقني بقولك طلقني يلا
طارق
ياندي فكري تاني في الحكايه مش هينفع اللي انتي عايزاة ده
ندى
انا مصممة يا طارق ولازم تطلقني دلوقتي حالا
وفعلا طارق طلقني انا خرجت الحاجة وسلمتها للحكومة ودوني مكافأه وبعدها عيشت لوحدي وقررت اعيش لنفسي
وبكده تكون خلصت حكايتي
