قصة مجهول الهوية كتابة حماده هيكل
مكان الحادثه واكتشفت أن الأتوبيس
اللي كنت فيه من شوية مقلوب على جنبة والناس والاسعاف
موجودين في مكان الحادث !!!علقي ب٢٠ملصق لرفع البوست ووصل باقي القصه ليكي
وبكره هنشر الجزء التالت والأخير بإذن الله مجهول_الهوية
الجزء_الثالث_والأخير
وقفت تاكسي وطلبت منه ياخدني للبيت
وبعد دقايق الطريق ابتدا يزدحم ..والسواق قال
الظاهر كدا في حادثه
_يا ساتر يا رب
قرب بعدها بشوية من مكان الحادثه واكتشفت أن الأتوبيس اللي كنت فيه من شوية مقلوب على جنبة والناس والاسعاف
موجودين في مكان الحادث !!!
كنت مذهوله من اللي بشوفه وانا مش مصدقه اللي حصل
كان ممكن يجرالي حاجة لو مسمعتش كلامه ونزلت
_بس هو مين ..وبيعمل كدا ليه
رجعت البيت واول ما امي شافتني قالت
_مالك يا شيماء ..وشك مخطوف كدا ليه
_ها..لا مفيش بس شوفت حادثه وانا جاية على الطريق
_يا ساتر يارب ..طب الحمدلله انك رجعتي بالسلامه
_امي خافت لمجرد انها سمعت انه في حادثه
ما بالها لو عرفت اني نجيتمنها بأعجوبة
وعن طريق المجهول دا ..اكيد مش هتصدق
ولا حد هيصدق اصلا ..
_طيب يلا غيري هدومك عشان تتعشي
_لا يا ماما ..انا مليش نفس
_ليه كدا
_أكلت سندوتشات قبل ما اجي ..وشبعانه
_تاني يا شيماء..انا مش حذرتك من اكل الشارع دا
_معلش بقى يا ماما سماح المرادي
غيرت هدومي وبعدها فضلت أذاكر شوية
لمدة ساعة أو أكتر .. بعدها صاحبتي أتصلت عليا
وحست اني صوتي متغير
حكيتلها الموقف اللي حصل معايا .. وكانت مستغربة
وبتقولي انتي بتتكلمي جد ولا بتهزري
_هو الحاجات اللي زي دي فيها هزار
_بصراحه مش لاقية تفسير لكلامك دا
_ولا انا بصراحه
قفلت معايا وبعدها دخلت الحمام عشان اغسل سناني
وفجأة شباك الحمام أتفتح مرة واحده ..أتخضيت جامد
وقفلته ودخلت أوضتي مرة تانية عشان أنام
عدا عليا أكتر من يوم بعدها ومفيش حاجه حصلت
لكن الاحداث بعد كدا أبتدت تزيد..كنت بحس دائما في أنفاس حد معايا في الاوضه رغم اني بنام لوحدي
مشبس كدا ..في يوم صحيت من النوم لقيت آثار
لصوابع على جسمي ..٣ صوابع معلمين في جسمي جامد
وشكلهم مختلف ..مش صوابع إنسان أبدا حجمهم وطولهم بيقول كدا
نفسيتي تعبت جدا وبقيت حاسه بخمول وبحب النوم بطريقة غير عادية ..ولما بصحى بلاقي جسمي متكسر
وعايزه انام تاني ..وشي بقى مرهق ..مليش نفس للأكل
ولا للمذاكرة ..أمي حست بالتغيير اللي حصلي
وقررت ترقيني ..قالت يمكن أكون محسوده
ولكن حالتي متغيرتش كتير
بابا جاب إمام المسجد وقعد معايا وسألني
عن أي حاجة غريبة أنا حسيتها او شوفتها الفترة الأخيرة
حكيت له عن كل حاجه
وبعدها قالي انا توقعت كدا برضو
بس هسألك عن شوية حاجات
_اتقضل
_انتي بتصلي
_اممم يعني
_يعني ايه ..يا بتصلي يا لأ
_بصراحه انا بفوت فروض كتير
الشيخ ظهرت عليه علامات الحزن وقالي
_وطبعا مش بتقولي اذكار الصباح و المساء
ولا دعاء دخول الخلاء
مكنتش عارفه أرد بأيه ..كنت محرجة منه
فقال لبابا
_البنت شكلها جميل ومن الواضحانها معجبة بنفسها
وبتقف كتير قدام المرايا
وكمان مش بتصلي ولا بتحصن نفسها بالأذكار
ودا أكبر مدخل لدخول الجن العاشق
لازم يا بنتي تصلي دا فرض عليكي ..ولازم تقولي دعاء دخول الخلاء ..وتسمي الله وانتي بتغيري_هدومك
لاننا مش لوحدنا في الدنيا دي ..وفي مخلوقات تانية عايشه معانا بيشوفونا ومش بنشوفهم..منهم الصالح ومنهم الكافر
وعشان نحمي نفسنا منهم لازم نقرب من ربنا
وانا شايف انك بعيدة تمام البعد عن ربنا..أنتي كدا مسلمه بالبطاقة ..
كلامه أثر فيا جدا وحسيت بالتقصير في حق ربنا
وفي حق نفسي ..انا بضيع وقت طويل على النت
وفي سماع الاغاني والافلام ..في حين أن الصلاة والاذكار مش بياخدوا مننا وقت وبيخلونا دائما على طهارة
ومتحصنين بذكر الله
من وقتها وأبتديت اصلي بأنتظام واقول أذكار الصباح و المساء ودعاء الدخول والخروج من الخلاء
ومع الرقية الشرعية اللي كانت ماما بتعملهالي
أبتديت بالتدريج أخف والاعراض دي تروح مني
والصديق المجهولدا ..اختفى تماما من حياتي
والحمدلله
تمت
مجهول_الهوية
حماده_هيكل
