قصة حدثت في دمشق

أنا عمري ١٩ وماعندي أخوات أبداً لما كان عمري ٨ سنين اعتقـل بابا .. وحرفياً من بعدو حياتنا نقلبت ، للأمانة نحنا دفعنا مصاري كتير لنعرف وينو وقالولنا أنو بصيدنايا

لمهم قبل السقوط بشهرين انتو بتعرفو كيف كانت المواصلات بالشام فـ كنا واقفين أنا وماما عم نستنى سرفيس والدينا كانت رح تعتم .. فجأة بتوقف سيارة جنبنا كانتمفيمة وبيفتح الشباك وبقلا لامي لوين طالعة اختي.. أمي قالتلو والله طالعين ع المكان الفلاني هو قلا تفضلي اختي انا طالع لهنيك كمان للأمانة نحنا خفنا بس

لأنو عتمت الدنيا ونحنا أنا وماما لحالنا اضطرينا نطلع معو ..لما ركبنا صار يسألنا من وين انتو ومن هالحكي وأمي تجاوب عادي فـ هو اتطلع فينا من المراية والله وقال أنا ضابطبصيدنايا وقتها رجلينا معد شالونا ام قلا لامي لك لاتخافي قليلي عندك حدا هنيك أم أمي قالتلو اي والله جوزي أن قلا عطيني اسمو ومواليدو واسم امو ودق ع جوالو وحكا حدا وقلو انو ايي هو موجود ومحكوم ومافيو شي هون نحنا طرنا من الفرح أم قلا لأمي اذا بدك بدبرلك زيارة لعندو انتي وبنتك وماعليكي وع كفالتي وصار يقنع أمي وعطا رقمولأمي قلا دقيلي اول ما توصلي ع البيت منشان أمنلك الزيارة نحنا أول ما نزلنا أمي شقت الرقم صرت أبكي واترجاها نروح نشوفو قالتلي هدول ما بخافو الله وراحت الايام واجت الأيام وصار السقوط
ولما دورنا ع اسم بابا كان مكتوب عليه أُعدم بتاريخ ١٢/٢/٢٠١٦ الله يرحم روحو وينتقم منن 
أنا مابعرف لي كان عم يكذب ويقلنا تعالو وموجود